fimmtudagur, apríl 28, 2005

what the?

áðan var ég að hlusta á útvarpið í bílnum.
sem er nú ekki í frásögur færandi þannig séð. nema það að ofur leiðinlegt lag kom og ég skipi um stöð.
sem er heldur ekki í frásögur færandi. voðalega er ég lengi að koma mér að efninu, og ekki batnar það með langar leiðinlegar setningar sem segja ekki neitt.
eh...
allavega!
ég var þarna í rólegheitum mínum og skipti yfir á einhvern mann sem var "miðill" í beinni útsendingu. allt sem hann sagði var bull. tildæmis spurði hann konuna sem greinilega var í yngri kantinum, hvort hún væri eitthvað með hugann við utanlandsferðir. hvaða íslendingur í lok maí er ekki með hugann við utanlandsferðir ég spyr? svo var hann með allskonar asnalegar staðhæfingar sem áttu "akkúrat" svo vel við allt í lífi hennar að hún átti bara ekki eitt einasta orð. hvernig getur fólk eiginlega trúað svona bulli?
ég er ekkert að afneita öllum miðlum og fjarskiptafrömuðum milli þessa heims og hinna... en vó. í beinni útsendingu á útvarpsstöð gegnum síma?
ætli amma gamla geti ekki með einhverju móti fundið AÐEINS skárri leið tilað segja afkomendum sínum hvar týndu bíllyklarnir eru?
besta setningin (og sú eina sem ég man orðrétt -tilviljun?) var samt:

"og hérna kemur eitthvað gamalt. eitthvað gamalt úr fortíðinni."

hvernig getur það sem kemur úr fortíðinni verið annað en gamalt? æj ble. en nú er ég farinn að setja krem á putann á mér. ég klippti nefnilega oní kviku og það var allt í læ fyrst en núna er það ógeðslega vont.
guðný birna ætla að vera svo góð að gefa mér far inní hafnarfjörð OG lána mér minidisk spilarann sinn.
nú mun endanlega koma í ljós hvort það sé:

a) minidisk spilarinn minn sem er bilaður
b) míkrófónninn minn sem er bilaður
c) hausinn á mér er ennþá meira bilaður en ég gerði mér grein fyrir og ég kann ekkert á helvítis tækið.

túrílú!




Your Inner European is Italian!









Passionate and colorful.

You show the world what culture really is.


áðan fór ég upp á efri hæð til að fara að ljósrita sem mér finnst svo æðislegt og af því að eg er so tillitssöm setti ég gsm símann minn á silent en það hringdi hvort semer ekki neinn svo ég veit ekki hvað ég var að ómaka mig.
en allavega. það var fundur við hliðina á ljósritunarvélinni svo ég ákvað að koma bara seinna, fór samt inná kaffistofu og fékk mér kaffi. þar var húsvörðurinn í leðurvestinu sínu (nó vorrís, hann var líka í hinum fötunum sínum) og í svona meters-radíus í kringum hann var þykkt ský af rakspíra. sem er svossem barakúl. en hann var að setja kex í körfu. út af fundinum? hugsaði ég með mér en hló svo og skellti mér á lær, nei hér á bæ er sko ekki verið að bera kex í fólk nema það sé mjög merkilegt eða komið í heimsókn frá einhverjum öðrum vinnustöðum. við almenningurinn fáum sko ekki kex.
svo labba ég aftur niður og í stiganum mæti ég týpu (a.k.a. sagnfræðingi) og kexið fekk tilgang.

held að GB verði ánægð með þetta :)







American Cities That Best Fit You:



65% Honolulu

60% Chicago

60% New York City

60% Philadelphia

60% San Francisco


nútíð & framtíð

í morgun komst ég að því að:

*ég fer til London ekki á morgun heldur hinn
*ég fæ í magann af létt AB-mjólk
*kærastinn minn er hrokafullur
*föt verða ekki minna krumpuð af því að liggja undir öðrum fötum
*það er gott að sofa

í dag ætlar ég að:

*monta mig
*kúka geðveikt mikið
*skamma jónsæta
*strauja
*leggja mig -oft

svo er ég að fara að spila yfir mitt ómótstæðilega framhaldsdeildarpróf í kvöld kl. 7 í stofu 4 í tónlistarskóla hafnarfjarðar. blóm og kransar afþakkaðir.

eydís var að senda mér brandara.

hann er svona

"Tvær vinkonur fóru saman út á djammið og fóru heldur óvarlega í
kokteilana á Thorvaldsen. Pissfullar og flissandi á leiðinni heim í
vesturbæinn þurftu þær báðar að pissa og ákváðu að klifra inn í
kirkjugarð og skvetta úr henni þar á bakvið einn legsteininn. Sú fyrsta
var ekki með neitt til að þurrka sér á svo hún fór úr naríunum, þurrkaði
sér og henti þeim svo. Vinkona hennar var í spari undirfatagallanum og
tímdi ekki að þurrka sér á djásninu og var það heppin að það var borði
á kransi einum sem hún náði sér í og þurrkaði sér með. Næsta dag hittast
mennirnir þeirra í boltanum og annar
segir: Þær eru rosalegar þessar kjéddlingar okkar. Anna kom heim í gær
nærbuxnalaus - þetta verður að hætta. Þá sagði hinn: Það er nú ekkert.
Ragnheiður kom heim með samúðarkort á milli rasskinnanna sem á stóð


"Frá öllum í Sorpu - við munum aldrei gleyma þér".

þriðjudagur, apríl 26, 2005

grátur og gnístan

það er kominn nýr maður í sætið hans jónsæta! :( nú er ég að sjálfsögðu að tala um sætið hans hér í vinnunni, hann er löngu búinn að fylla svo vel upp í sætið sitt "í hjarta mér" (sagt með óperudrama rödd) að hann á aldrei eftir að komast uppúr því.
en þessi nýi strákur er kominn og er voða almennilegur, kynnti sig og ég veit ekki hvað og hvað.
en ég er búin að GLEYMA því hvað hann heitir! ég meina, þetta var klukkan NÍU ímorgun, ég var svo sannarlega ekki búin að ræsa upp skammtíma (hvað þá langtíma) minnið og nú fær það sko aldeilis að bitna á mér.
nú verð ég bara að "play it clever" og reyna svo að hlera það einhversstaðar hvað fólk kallar hann.
eða bara kalla hann Bubba.
fyrir þá sem búa undir steinum má kannski auglýsa það hér að fyrstu helgina í júní verður víólu ráðstefna í reykjavík. herra bashmet og garth knox eru að fara að trylla lýðinn. eða allavega víóluleikara. brjálæðir spilarar. húff.
svo ætlar bara glimmer-stjarnan sjálf herra B. að vera með masterklass. og þar sem ég er Gildur Virkur þáttakandi í mótinu öllu fæ ég frítt á það, get meira að segja kannski tekið þátt.
veit samt ekki alfeg.
hvað spilar maður á masterklass fyrir besta víóluleikara heims? mér finnst þetta soldið skerí. spurning um að spila bara góða mamma eða kópavogur hopp stopp...

mánudagur, apríl 18, 2005

sjálfselska íslands 2005

hefði ég verið almennileg manneskja með einhverja sómatilfinningu hefði ég byrjað á því að blogga um hversu ógeheðslega gaman var hjá mér á föstudagskvöldið með öðlingunum sem ég er svo lánsöm að geta kallað vini mína. eða ég vona ég geti það ennþá... heh...
en við eyfi og dagga Litla systir fórum í partý MEGAROKK hjá iðunni þar sem súkkulaðirússínur flæddu uppúr öllum skálum (hvernig fer hún að þessu?) og sungið var og trallað. samt ekki langt framá nótt.
hjúkk.
ég hef sko orðið vitni af kústinum í loftið og var reyndar mjög skemmt, en trúi því að slíkt sé ekki gott til lengdar fyrir fólk sem býr í sama fjölbýlishúsinu.
jeah.
allavega. Sviðasultan tók hvert glimmrandi glansandi söngatriðið af öðru og hélt stöðugt lagi þrátt fyrir stanslausar tilraunir annarra gesta til að radda. ótrúlegt. í gleðina kíktu einnig þau Berglind (sem ég gaf hjálm afmælisgjöf) og Hugi og seinna meir Arnar "komiði heim til mín, ég á geðveikt mikið af áfengi", Nonni og Þórunn kærasta hans. svo bara bara tjúttað fram á rauða nótt á fokkin NAUSTINU, er búin að gleyma afhverju í andskotanum við fórum þangað. en gaman var það þó ég viðurkenni að hafa orðið örlítið meira ölvuð en fyrst var áætlað og biðst ég afsökunar á þeim tám sem ég hef traðkað á.
tærnar á jónsæti urðu tildæmis mjög flatar eftir þetta geim hjá mér og finnst mér það mjög mjög mjög miður.
en svona er nú lífið bara stundum...

:)
ég er á bömmer.
prófið mitt er eftir 2 vikur og éger með allt niðrum mig. sérstaklega óþægilegt þegar rignir svona mikið, það verður allt svo blautt og svona.
svo er ég alltaf að fá svona "murr-murr" í hjartanu. kannski held ég að ég sé að verða köttur. án þess að hafa sjálf tekið ákvörðun um það að verða að ketti. en áður en allir panikka og halda að ég sé að fá mjög hægvirkt hjarta áfall er rétt að geta þess að ég hef ekkert étið nema hamborgara og kók, súkkulaði og franskar í 2 vikur.
í þesari röð.
tóta að fitna?
nei alls ekki, grennist með hverjum deginum.

nei

fimmtudagur, apríl 14, 2005

GAAAAARRRRGH!
það er kominn sá tími ársins sem ég TRYLLIST í júróvisjón fýling. á reyndar eftir að aukast og tryllast meira og meir eftir því sem á líður apríl/maí, en það er svo sannarlega byrjað.
aaaah... eiginlega fyrsti vorboðinn minn. eða hvað segir maður þegar eitthvað gerist sem lætur mann næstum því halda að það sé ekki helvítis jökulkuldi útum allt og spáð snjókomu?
tjekkið endilega á síðunni. hún er brill.
svo fer ég svona smá saman að rakka niður alla keppendurnar.
fylgist með :D

pirruð á kellingunni #2

eg var að koma úr leikfimi og núna fór konan ennþá meira í taugarnar á mér heldur en síðast. núna var hún sko alltaf eitthvað að segja upphátt hvað þetta væri allt saman létt. svo þegar kennarinn var að spurja "tekur þetta í?!" og eitthvað svona þá var hún bara með einhvern svip og hristi hausinn.
FÁÐÉR ÞYNGRI LÓÐ TÍK!
segi ég nú bara.

en nú er það kotasælan og hrökkbrauð. jafvel ég geri vel viðmig og fái mér kalt vatnsglas með.

hó hó hó

ég

... fór áðan upp á kaffistofu og þar voru kleinur.

þriðjudagur, apríl 12, 2005

ég þarf að fara í klippingu. ég var kannski að spá í að herma eftir Halldóru og fara á Gel. eða í gel? fá mér gel? nei það er annað. allavega, eða þá eitthvað annað sem heitir eitthvað emm eitthvað, man ekki hvað það var. en svo væri nottla best að komast á Þessa klippustofu hér. verst ég veit bara ekki hvar í andskotanum hún er....

ýmislegt í fréttum

ég þurfti að vera á skrifstofunni í hádeginu í dag svo ég komst ekki í leikfimi. mamma hringdi í mig eftir tímann grátandi og sagði að þau hefðu eiginlega bara gert armbeygur. ég hló.
svo klægjar mig í puttann og ég er að spá í að fara í sund eftir vinnu.
Jónsæti vill hafa american style í kvöldmat. mér finnst það einhvernvegin ekki ríma við sundferðina mína.
svo var ég bæta inn linki á hann gunna sem er í útlöndum. svo ætla ég líka að linka yfir á annan gunna sem vill ALLS EKKI láta kalla sig gunna og nýverið keypti hann sér hatt.
sagnfræðingur.
síðan var ég að klára að skrifa svona C.V. og það er ógeðslega glatað. samt soldið fyndið. tók það t.d. skýrt fram að ég hefði verið leiðarinn í víóludeild óperustúdíó austurlands árið 2002 þegar cosi fan tutte var sett upp.
en það árið vorum við einmitt TVÆR sem sáum í þessari umræddu deild.
smart.
sagði líka að ég hefði verið leiðarinn í víóludeild kammersveit tónlistarskóla hafnarfjarðar frá árinu 2000 (sem er nokkurnvegin satt) en tók það ekki fram að ég hef eiginlega bara mætt á svona þriðju til fjórðu hverju æfingu og í 80% tilvika hef ég ennþá verið ölvuð. laugardagsmorgnaæfingar bjóða bara uppá þetta, verð að segja það.
jónsæti er byrjaður í nýju vinnunni. það er leiðinlegt. :( en ég stal útvarpinu hans svo að núna get éghlustað á bullið á x-inu allan daginn, ekki bara þegar ég er útí bíl. svo er líka Rondó alfeg að gera sig. töff rás, verð bara að hrósa henni þó slíkt sé nú ólíkt mér.
tónleikar í kvöld í salnum með herra hættum að blogga, vælu vaff og árnaheimi.

ég er búin að kaupa miða.... en þú?

föstudagur, apríl 08, 2005

ég er fræg

loksins kom að því að ég varð almennilega fræg!!!


Sígildir vilja líka vera frægir


ég sem var einmitt að fara að skrifa hérna þvílíkan pistil um það að maður gæti alfeg skrifað hvað sem er á bloggið sitt af því að það læsi það hvort sem er ekki nokkur sála. hohoho! nú fyrst fer ég að hreyta í fólk svo um muni!

hmoooaaaah ho ho ho ho!!!

fimmtudagur, apríl 07, 2005

bögg blogg

það er ein kona með mér í leikfimi sem er óþolandi.
eða þeas, MÉR finnst hún óþolandi.
ég erbúin að vera að mæta í þessa tíma 2svar í viku svo mánuðum skiptir en það er fyrst núna sem þessi kona er orðin óþolandi.
ætli fólk sem með svona þröskuld á því hversu lengi það getur haldið í sér "veraleiðinlegheitum"? alfeg bara hnnnnee-hhhnneeee (svona halda í sér hljóð) og svo BúMMM ég er leiðinleg og verð að vera óþolandi næstu 50 mínúturnar.
ég er viss um að þetta er svona kona sem er alltaf bara heima að naglalakka sig og horfa á neighbours (með allri virðingu fyrir þeim sem horfa á þá þætti) og finnst hún vera geðveikt mikið að "míngla" og "fara út" með því að mæta í leikfimi 2svar í viku.
En eins og flestar kellingar vita sem fara í leikfimi, þá er maður oftast á sama staðnum.... ekkert endilega viljandi, bara svona óvart og svo er það bara þannig. þessi ungfrú óþolandi plantaði sér nottla beint fyrir framan kennarann og er alltaf að segja eitthvað voða sniðugt og svo hátt að allir heyra. um daginn talaði hún í 5 mínútur um það hvernig hún hefði fyrst aldrei getað gert armbeygur á tánum en svo bara fór hún í tíma hjá henni Daisy (eðawhatthefuck) og hún sagði sko bara "hey prófaðu að gera á tánum" en ungfrú óþolandi bara "nei ég sko get ekki á tánum, hef sko aldrei getað það" og þá bara daisy "prófaðu!" og hún bara "ókei" og þá bara GAT hún gert armbeygjur á tánum.
þetta er alfeg sniðug saga til að setja í jólakort eða skrifa á svona gulan post-it límmiða ef manni leiðist í vinnunni eða ef maður er geðsjúklingur á hlemmi að tala við sjálfan sig, en að vera að öskra þetta yfir heilan sal af sveittu fólki í body pump, finnst mér soldið annað...
svo er miss óþolandi alfeg búin að troða sér á tvær vinkonur sem standa bak við hana og er (að mér sýnist)að gera þær brjálaðar, alltaf eitthvað að snúa sér við og bleble tala tala, hef samt ekkert að segja, tala tala bleble. og þær eitthvað jájá, við erum kurteisar, drullaðu þér samt burt óþolandi kelling og svona. þið kannist við þetta.
svo sló nú kjaftshöggi á rjómann í mykjuskánni þegar konan kom með gamalt pils í tímann í hádeginu áðan.
bara sýna hvað hún hafði nú grennst mikið. sem var svona kíló. og btw ljótast pils VERALDARSÖGUNNAR. svo getiði ímyndað ykkur hvað hún gat talað óþolandi mikið um hverng hún var nú aldeilis búin að taka matarræðið í gegn, þó hún sé nú súkkulaði SJÚKLINGUR og bleble talitali. nei annars ekki vera að ímynda ykkur þetta, ég var að því og þurfti næstum því að kúka á mig úr pirringi.

afhverju er sumt fólk ekki bara heima hjá sér með naglalakk og neighbours ultimate special turbo big size DvD collection, uncut og lætur svona smásmugulegt og pirrings-gjarnt fólk eins og mig, sem vill vera í leikfimi án þess að heyra annað fólk tala, í friði?

...jah, maður spyr sig (copyright:Björk)

óperan plögg #1

ég er að fara að syngja ofur-hlutverkið Fiordiligi í samnefndri óperu næsta mánudag.
eða allavega ætti óperan að heita Fiordiligi, það snýst ALLT um mig í þessari óperu. en það er nú kannski af því að ég hef fitnað svo síðustu daga að ég er búin að skapa mér mitt eigið himinhvolf. djók. eða kannski ætti hún að heita "Fiordiligi and friends", gæti verið svona rómantísk gamanmynd... eða grínmynd, "Fiordiligi fer á kostum"... eða horror útgáfan, "fiordiligi fær æðiskast", eða action myndin "fiordiligi flæmir burt ljóta menn".
eða þannig, bara nokkrar tillögur.
en ég verð víst að vera almennileg (þó það sé nú bara fyrir kellingar og homma) og tilkynna að óperan heitir "cosi fan tutte" og verður sýnd næsta mánudag kl. 1900 í hásölum hafnarfirði. frítt inn.

FRÍTT INN

svo erum við meira að segja svo hrottalega fræg að við birtumst í FJARÐARPÓSTINUM í morgun. jafnvel hinn *hóstofmetnihóst* frægi Söngskóli Reykjavíkur getur ekki státað sig af auglýsingu á þeim kalíber. hó hó hó!

til hamingju með afmælið

megas litli er 60 ára í dag.
af því tilefni ætla ég að segja "til hamingju með afmælið" við alla sem ég hitti í dag, svona eins og það sé stórhátið.

ó hvað ég er sniðug