þriðjudagur, október 07, 2003

Kvöldskóli fyrir menn


Hvert námskeið er 10 vikur og lýkur með skriflegu prófi. Nemendur fá
viðurkenningarskjal í lok námskeiðsins, sem þeir geta framvísað á
alþjóðlegum markaði.


Námskeiðsnr:
Námskeiðslýsing
Haldið

015501
Hvernig á að smyrja brauðsneið án þess að setja eldhúsið á hvolf.
Skref fyrir skref, sett fram á myndrænanhátt
Mánudaga 17.00-18.30

015402
Klósettpappír- er það satt að maður geti sjálfur sett nýja rúllu á
klósettpappírshaldarann?
Verkleg æfing á verkstæðinu.
þriðjudaga 18.00-20.00

035603
Á að lyfta klósettsetunni áður en maður pissar? Er mögulegt að pissa án
þess að hitta gólf, veggi eða setuna?
Verklegar æfingar.
Mánudagar 18.30-20.00

035604
Grundvallarmunur á baðherbergisgólfinu og þvottakörfunni
Mynda-, ferla- og skipuritasýning.
Föstudaga 16.30-21.30

035605
Er mögulegt að vera góður elskhugi til lengri tíma? Farið verður í
grundvallarmuninn á milli "einnar-nætur-gamans" og innhaldsríks kynlífs.
þetta námskeið er í 3 þrepum. "það þarf meira en tippi til", "Tímasetning
og alúð í verki", "Konur elska með öllum kroppnum". Skriflegt próf og meðmæli
"ástkonu" eru nauðsynleg til að færast á milli þrepa.
Mánudaga 17.30-19.00

052206
Tilvistarkreppa - hefur þú tapað betri helmingnum af sjálfum þér?
Stuðningshópar og heimóknir til íþróttamanna sem hætt hafa að spila.
laugard. 19.00-20.30

072407
Lært að leita að hlutum. Byrjað verður á því að fara í gegnum hvar hlutir
eru vanalega geymdir og stress- og öskurviðbrögð æfð.
Leikþættir og raunverulegar lífsreynslusögur.
Miðvikud. 18.00-21.00

025408
Að gefa konunni blóm og tækifærisgjafir, hefur ekki skaðleg áhrif á
sjálfið.
Sett fram á mynd- og hljóðformi.
Föstudaga 17.00-20.00

011709
Heilbrigðir menn spyrja til vegar þegar þeir villast.
Gestafyrirlesarar og dæmi úr raunveruleikanum.
Miðvikud. 19.30-21.00

102210
Konan undir stýri. Er mögulegt að sitja rólegur og hreyta ekki í hana
ókvæðisorðum í föstudagsumferðinni
Bílhermir.
Mánudaga 18.30-20.00

101811
Hugsum í víddum. Farið verður í grunnmismun á milli mömmu og kærustu/konu.
Stuðst við handbók í byrjun, byggist annars á hlutverkaleik.
þriðjudaga 20.00-21.00

102512
Er hægt að eyða degi í Kringlunni með fjölskyldunni?
Afslöppunnaraðferðir, hugleiðsla og öndunaræfingar.
Föstudaga 15.00-21.00

171513
Hvert er samhengið á milli leikja í enskudeildinni og merkisdaga í
fjölskyldunni?
Gerð persónulegra samhengiskorta og "Til hamingju..."æfingar.
þriðjudaga 18.00-19.30

Skráningarblað

Nafn:

Hjúskaparstaða:

Ár frá því að yfirgefið var foreldrahús:

Fyrri kunnátta:

Ryksuga
Ná í börnin
Uppvask
Ná í börnin á réttum tíma
þvottur
Grunnfærni í innkaupum
Búa um rúm

Leiðbeinendur munu hafa samband við umsækjendur, til ráðleggingar um hvaða námskeiðaval og hvaða stig hentar einstaklingnum

Námskeiðshaldarar
argh!
það er komið brjálað óveður og ég ætlaði að labba í leikfimi! ég held ég hætti snarlega við það og fljúgi frekar.
hoho! tóta fyndna. en éger sem betur fer í mjög þungum skóm. ekki það að ég sé ekkvað þung...

Viðey 2003
var svo skemmtileg að ég næ varla andanum, samt eru liðnir hátt í 3 dagar síðan. híhí. skemmtilegast var þó þegar fröken óliver kentish hringdi og sagðist SJÁ út í viðey og minnti góðfúslega á æfinguna sem ég þurfti að mæta á kl. 10 morguninn eftir. létum þó ekki deigan síga, enda tónlistarnemendur úr all þónokkrum skólum. það vorum við úr hafnarfirði, svo tónó Rvk, listaháskólinn og tónskóli sigursveins. þvílík grúbba! og ekki minnkaði fjörið þegar Gróa blessunin kom askvaðandi með græjur úr seinni ferðinni. kúl! DJ Vignir tryllti lýðinn langt fram á kvöld. eða svona allavega þangað til að tími var kominn á að labba af stað og ná síðustu ferju heim til reykjavíkur.
en ekki nóg með að hafa skrallað vel og lengi útí viðey, heldur örkuðum við hafnarfjarðar-fólkið (öll fjögur) upp í háskóla (fengum reyndar far hjá henni Steinunni, takk!) þar sem búið var að skella upp eins og einu feitu bjórtjaldi beint fyrir framan aðalbygginguna. kærkomin breyting á annars ljótu og tilgangslitlu landsvæði. þar hittum við fyrir Guðný og Dóru vinkonu hennar sem guðný kallar alltaf tótu.... allavega... þar var líka góðvinur minn Hörður Mar með kvenmenn allt í kringum sig. hann gat nú samt ekki stillt sig um að blikka eina ónefnda í fríðu föruneyti mínu. jafnvel að þar eigi eftir að glampa í glóðir þegar síðar meir líður á stundu.
eh... já eða það.
Hjörtur Úber rauðhærði og sæti kom og fékk sér sæti (haha) með okkur. var að vanda myndarlegasti strákurinn á svæðinu. ;) við vorum nú með áform um að fá okkur bjór þarna inní tjaldinu, vegna þess að hann var svo ódýr, en það varð víst lítið úr því og við ákváðum að labba í bæinn. sem tók svo langan tíma að ég var nær dauða en lífi þegar við vorum rétt svo næstum því hálfnuð. þannig að ég hringdi bara í leigubíl og ákvað að fara heim. ferlega ósósjal ekkvað.... i know. en það var annað hvort það eða leggja mig í blómabeð einhversstaðar á miðri götu.
en eins og ég var nú þreytt þá munaði mig ekki um að fara á 2 tíma trúnó við mömmu þegar heim var komið, en hún var sjálf að krönglast heim um svipað leyti. svona geta pabbahelgar verið skemmtilegar, ha?