ekki nóg með að ég geri við blogg vini og vandamanna, heldur er ég líka mjög laghent á fleiri sviðum (ekki hugsa neitt dónó). þetta sannaðist heldur en ekki vel í "morgun" (um 11 leytið rétt eftir að ég vaknaði) þegar ég leit út um gluggan og sá að það var EKKERT loft í vinstra dekkinu að framanverðu á bílnum okkkar glæsilega. tótan laghenta skutlaði sér í vettlinga og setti trefil á, út á plan og SKIPTI UM DEKK.
ég endurtek.... SKipti um dekk.
að skipta um dekk inniheldur:
finna tjakk
finna sveifina sem fylgir með tjakknum
tjakka upp bílinn
skrúfa skrúfur (í þessu tilfelli mjööööööög ryðgaðar og gamlar, ljótar skrúfur)
taka loftlausa dekkið af
skella loftmikla dekkinu á
skrúfa skrúfur (í þessu tilfelli mjööööööög ryðgaðar og gamlar, ljótar skrúfur)
tjakka niður bílinn
ganga frá loftlausa dekkinu.
þetta allt saman gerði ég án þess að hika. reyndar labbaði ógeðslega leiðinleg karlrembumella fram hjá og öskraði:
"já upp með bílinn! heh heh heh!"
ég urraði bara góðan daginn og hélt áfram. þá stoppaði fíblið og sagði
"oh, það er svo gaman að sjá konur skipta um dekk." ég hefði getað stungið tjakk-sveifinni (eða hvað það er nú kallað) beint inní hálsinn á honum og tjakkað af honum hausinn. en ég urraði bara og setti upp "ég-hata-þig svipinn". þá fór hann ekkvað að tjá sig um að maður ætti nú aldrei að fara frá bílnum með hálf-fullt dekk og bla bla bla.
var þessi maður í sjálfsmorðshugleiðingum?
ég urraði "gott að vita" milli samanbitinna tanna og setti upp "ég-hata-þig-ógeðslega-mikið svipinn". þá varð hann nú bara hálf hræðslulegur til augnanna, flýtti sér að segja "gangi þér vel" og arkaði burt.
ég vona að hann hafi runnið til á klaka og meitt sig.
Engin ummæli:
Skrifa ummæli