vei vei vei!
ég var að tala við Þórunni :D getiði hvað ég ætla að gera í vetur með henni... híhí hí!

í gær bjó ég mér til rosalega gott pasta salat úr öllu því grænmeti í ísskápnum sem ekki var farið að skríða um eða lykta Mjög Illa. m.a. setti ég hálfan rauðlauk. af því að mér finnst laukur svo góður. en allt í læ með það, ég borða á mig gat, fæ tár í augun af því að bryðja allan þennan lauk og sofna yfir sjónvarpinu. en í hádeginu núna í dag fór ég í leikfimi hjá henni Báru Beibí og svitnaði heil óskup. þá gaus upp þessi líka Svakalega lauklykt. ætli maður svitni lauklykt?
en mér var nú ekki farið að standa á saman þarna á tímabili, matreiðslu-brjálæðisglampi komin í augun á konunum við hliðina á mér go svei mér ef ein var ekki farin að sleikja útum í gríð og erg. þannig að eftir tímann flýtti ég mér sem mest ég mátti og hljóp uppá skjaló með öndina í hálsinum, bjóst nokkurnvegin við að vera með hjörð af hungruðum konum á hælunum, en svo var nú ekki.
*hjúkk*

jibbí jei!
ég keypti lottó miða :) maður hefur nú ekki gert það í mörg ár. jafnvel bara aldrei. en það eru víst meiri líkur á að vinna ef maður heitir á einhvern, svo að ég ætla að gefa öllum sem skrifa í gestabókina mína í dag, á morgun og á laugardaginn ÍS ef ég vinn í lottó :)
ef þetta er ekki ekkvað til að plögga flottu góðu gestabókina þá veit ég ekki hvað.
tala nú ekki um hinar hækkandi líkur á að ég vinni í lottó...
híhí

búin að setja nýjan link og það er á hana Dagnýju menningarnóttar-gúrú. :)

vó! tsjekkið á minnsta fugli í heimi og hreiðrinu hans...
við erum að tala um að spýtan á myndunum er tannstöngull!

link
(ég ætlaði að skella myndum en blogger fílaði það ekki.... :( )

mamma ekki fyrr komin heim frá Borgarfirði og ég er farin að sofa yfir mig. mætti ekki í vinnuna fyrr en hálf tíu í morgun. snilld. eða ekki.
ég held að ég sé að verða veik, er asnaleg í hausnum og heit í augunum. hósta eins og bronkítis sjúklingur og sýg upp í nefið oftar en ég hnerra vegna þess hvað mig kítlar í nefið.
já og svo eru hálskirlarnir í mér eins og melónur.

Eydís hringdi í mig í gær alla leiðina frá Þýskalandi! hún er nú meiri kellingin. :) en mikið var gaman að heyra í henni og þeim óprúttnu gellum sem rifu af henni símann til að segja hæ við tótuna sína. jess! elfa sagði að það væri ekki hægt að reyna við neina af sætu strákunum vegna þess að þeir væru allir grátandi yfir því að ég væri ekki þarna og sif sagði mér að það væri bara notuð ein bjórdæla á lókalpöbbinum núna í stað hinna þriggja sem venjulega eru þegar ég er í bænum.
uh...
not true!
en mi-hi-ki-hi-ððð langaði mig út þegar ég heyrði í þeim. ísland - smísland!
nei það er ágætt... bara soldið, þið vitið... hmm... lítið
:(
en minn tími mun koma með blóm í haga og rós í hnappagatinu, útataður í mold og angandi af hrossaskít.
:)

1. Q: What is "manga"?
A: "Manga" is the japanese word for japanese comics/cartoons (books & stuff)!

2. Q: What is "anime"?
A: "Anime" is the japanese word for japanese animation (films & series). Most anime series are based on a manga.

fyrir þá sem voru ekki alfeg vissir... ;)

híhí :)
þetta er fyndið
http://www.fouronions.com/

þetta er kúl!
Rachmaninoff, S.
Rhapsody on a Theme of Paganini mvt 1.
annað sem er kúl er það að Dagga sæta systir er að byrja í Flensborg núna í dag. jeremías minn. ég trúi því ekki að það séu 7 ár síðan ég var að byrja minn glæsta Flensborgarferil.
en hún er byrjuð að blogga um herlegheitin, blessuð stúlkan, svo maður getur fylgst náið með....
drottinn minn, ég er bara svo að segja, næstum því í andnauð yfir þessu... SJÖ ÁR!
Ilmsaltið!

jább, það er í lagi að þið ávarpið mig ungfrú kaffihúsadrottning héðan í frá. mér hefur á einstaklega smekklegan hátt tekist að fara á 3 kaffihús á aðeins rétt rúmlega 48 tímum. Geri aðrir betur! fór í fyrradag með Vigni madonnu-dýrðlingi á Kaffibrennsluna og talaði ógeðslega mikið um kvikmyndir (samt veit ég eiginlega ekkert um bíó, veit ekki hvernig mér tókst þetta), fór svo í gær með fyrrnefndum, Hirti Hljómeykis-matsjó og Eyfa geðveiktsætameðhvítantrefil á Café Cozy. þar stóð við kaffivélina eitt stykki sturla og höfðum við gaman af hans atferli sem endranær. strákarnir gerðu bragðsmakkanir á bjór (sem reyndar hefði verið óþarfi, því sami bjórinn var í öllum glösum), við fengum lánaðan kveikjara og náðum að gleðja útlending með útlitinu einu saman (þeas EINN okkar tókst það ;), svo ekki sé minnst á þann gífurlega heiður sem við veittum þessari annars almúgakrá með nærveru okkar.
je-ess.
svo var arkað á HITT hommakaffihúsið í miðbænum (Si Senjóra eða hvað í andsk. það heitir), en þar var hvorki gaman né skemmtilegt þó ónefndur DJ hafi setið við borð með stelpuskjátum, svo við æddum út. þá tókum við uppá því að rölta laugarveginn og ÞAÐ er ekkvað sem ég hvet alla til að gera. je hvað það var gaman. skoða hitt og þetta, hlægja að ljótum fötum, óska sér að eiga ógrynni af peningum, segja sögur af kúka-kerum, leiðbeina fólki hvernig maður kemst á Nasa o. fl. minnir mig alltaf á uppvaxtarár mín með ömmu. við vorum alltaf að krúsa laugaveginn, áttum orðið góða vini á hlemmi og svona (nei). en í þessari fínu og huggulegu laugavegsfeð kom ég því mjög skýrlega til skila hvað mig langaði í jólagjöf. þeir hljóta að geta slegið saman strákarnir.... eitt úr er nú ekki til of mikils mælst :) við ákváðum líka að gerast fjölkvænishópur, en svona þegar ég er búin að "sofa á því" þá finnst mér það ekkert rosalega góð hugmynd.
auðvitað er spennandi að eiga 3 eiginmenn.... en jah.... ekkert persónulegt sko, en...
allavega!
eftir þetta ógurlega bæjarrölt keyrðum við aftur heim í hinn ylhýra hafnarfjörð og vignir og eyfi fengu sér pulsu á Esso-Lækjargötu. ferlega huggulegt allt saman. mig langaði afskaplega mikið í eina, ef ekki tvær og það var vel pláss fyrir þrjár, þó að fjórar hefðu orðið of mikið, en þar sem ég er ofurmjóna þessa daganna, hamdi ég mig. *andvarp*

ég var að hlusta á sónötu eftir Vivaldi við La Follia. þvílíkt rokk! talandi um að barrokk sé, jah.... rokk!
þetta er ábiggilega skrifað fyrir strengjasveit þar sem allir meðlimir eru með 3 hendur og 7 putta á vinstri hendi. jahérna. kaupa kaupa!

jáhá ég fór í leikfimi í gær hjá henni Báru bjútí. það var bara mjög fínt og skemmtilegt. en líka ÓGEÐSLEGA erfitt og sveitt. svo lækkaði ég meðalaldurinn um svona 10 ár. alltaf gaman að vera litla barnið. jess.
allavega svona stundum.
svo fór ég í sund í morgun, þetta endar bara með því að ég hætti að vera hnöttótt, drottinn minn dýri!
en þá byrja ég nottla fyrst að vera hamingjusöm og ánægð með lífið (sagt með kaldhæðnistón til að hnekkja á hjartavernd -og fleirum).
svo eru það bara upptökur í kvöld. er að fara að syngja inná disk með Pál Óskari og Moniku. jóladiskur sko....
maður er svo important það hálfa væri nóg

jæja, nú ætlar tóta MJÓA að fara í leikfimi. óskið mér góðs gengis (og langlífi) ;)

ég var ekkvað að skoða manga myndir eins og ég hef verið að gera á fullu síðastu vikur og fann svona líka geggjaðan gaur sem er að gera FRÁBÆRA list. linkurinn á síðuna er hérna til hægri, undir nivbed. þar fann ég þessa mynd hér sem mér finnst ótrúlega flott. en þessi texti var víst inspírasjónin...
reyndar veit ég ekkert hvað lag þetta er, var að reyna að finna það á netinu en gekk illa.... hmmm.... oh well.

The Garden -PJ Harvey

And he was walking in the garden
And he was walking in the night
And he was singing a sad love song
And he was praying for his life
And the stars came out around him
He was thinking of his sins
And he's looking at his song - bird
And he's looking at his wings

There inside the garden
Came another with his lips
Said, 'Won't you come and be my lover?'
'Let me give you a little kiss'
And he came, knelt down before him
And fell upon his knees
Said, 'I will give you gold and mountains
If you stay awhile with me'

And there was trouble taking place

There inside the garden
They kissed, and the sun rose
And he walked a little further
And he found he was alone
And the wind, it gathered round him
He was thinking of his sins
He was looking at his song - bird
And he was looking at his wings

And there was trouble taking place

Tchaikovsky
Sextet in D minor, Souvenier of Florence, 1st mvt

þetta er geggjað flott. víólurnar EIGA þetta verk. snild snild snild.

jahérna. búin að hringja.
svona er ég dugleg :) þá vantar bara að ég losni við 30 kíló og þá er ég fullkomin!

ég er búin að vera að reyna að ná upp í tónlistarskóla í allan dag, en það er alltaf á tali. svo virðist sem þau hafi klúðrað umsókninni minni enn eitt árið. ég er nefnilega að fara að læra söng, sótti um AFTUR vegna þess að þessu var klúðrað síðasta ár líka. djöfull getur maður pirrað sig út af svona hlutum. svo þarf ég að hringja í fólk og útskýra þetta og ganga frá borgun og bladíbla.
ég sem ÞOLI ekki síma!
en þetta kemur allt í ljós.
vona ég.

vó hvað er mikið til af flottri spænskri tónlist. ég var t.d. að hlusta á gítarkonsert eftir Joaquin Rodrigo, geggjað flottur. vá hvað maður á eftir að hlusta á margt....

Mánudagar eru alltaf svo leiðinlegir. púff. ég reyndi til dæmis að vakna klukkan hálf sjö til að fara í sund í tvo tíma. þeas, ég slökkti meðvitað á klukkunni minni á 9 mínútna fresti þangað til að ég sá að ef ég myndi ekki drífa mig, myndi ég sofa yfir mig. eða svona þannig. sefur maður yfir sig ef það er meðvitað? er það ekki bara leti? allaveganna!
helgin var skrítin og menningarnótt var öMurleg eins og alltaf. svo að segja eini góði hluturinn var að hitta Tobbu og Hjalta-með-hatt, en þau reyndu bæði að fá sér annan sopa úr tómu rauðvínsflöskunni sinni á meðan við vorum að tala við þau. :) snilld. reyndar er það kannski ofsögum sagt, að það hafi verið það eina skemmtilega, þetta var ágætiskvöld, ég fékk fullt af bjór og hitti Iðunni, Eyfa og kynntist Dagnýju mega bloggara, sem ég hafði ekki kynnst áður. ekki það að maður kynnist fólki oft. hm. en hún er bæði sæt og skemmtileg, vei vei! takkfyrir að heimila mér þann heiður aðfá að kynnast þér Dagný ;)
svo fórum við eyfi á cafe cozy og sáum skeggjaða hommann hella niður svo mörgum bjórum í kringum sig að við héldum dauðahaldi í glasið okkar og vorum á tímabili að spá í að spenna upp regnhlífina. svo endaði kvöldið með strætó ferð heim. sooooldið fyndið, en mjög hagkvæmt. ég vildi óska að næturstrætó færi líka um helgar, maður er gjörsamlega á hraðri leið til gjaldþrots, takandi alla þessa leigubíla. hrumpf! en í strætó hittum við bergþór, lilju og hlyn. en það er einmitt gaman að segja frá því að lilja er minnsta manneskja sem ég þekki, og hlynur sú stæðsta.
svo erum við eyfi búin að tala ofboðslega mikið saman.
gott gott, ælovjúbeibí.