soldið löt

við að blogga þessa dagana enda er hinn sæti kominn í menninguna, þeas í heimsókn til sinnar og sefur bara stórvel í herbergi 433. þó það sé að sjálfsögðu algjörlega bannað. svona er maður wild.
tónleikar á föstudaginn og svo er þetta ár bara búið. tóta 1, birm 0
eh...
allavega :p
svo ekkert heyrist frá mér þá skal ég láta ykkur vita að ég kem heim hinn fagra 9. júlí.
húrrahúrra!

uh....

... já takk!

naaammm!

Haniyyah fær stimpilinn bestíheimi í dag þar sem hún bjó til Flapjacks
naaaaaammi namm
og já ég er búin að fá uppskriftina :D

oj bara

ég er búin að éta svo mikinn ruslmat síðustu viku að mér er stanslaust óglatt. get samtekki hægt og fékk mér t.d. frappútsjínó með karmellu og bananabragði. oj oj. svo er ég núna að spá hvort ég eigi að fara út að skokka og sjá hvort þetta lagist ekki, en ég er samt mjög þreytt og langar helst að fara að sofa, samt svaf ég í klukkutíma í hádeginu (mozart var svo indæll að sleppa því að hafa víólur í Vespers og hljómsveitin er að æfa það, þannig að Við fengum að fara snemma heim).
svo þarf ég að fara útí búð og kaupa í matinn. á ekkert nema frosið brauð og pakka súpu. oj.
eða jú svo á ég krukku af jarðarberjasultu. mér finnst sulta reyndar góð.
jeminn hvða lífið manns er erfitt þessa dagana :p

aaaaw

var ða horfa á monsters inc.
já aftur.
vá hvað hún er ógeðslega skemmtileg og krúttleg. mér er farið að finnast teiknimyndir miiiikið skemmtilegri heldur en alvöru myndir. ég meina hver vill horfa á Ben Afflekk þegar hægt er að horfa á eineygt grænt skrímsli?
:)

einhverra hluta vegna finnst mér þetta ótrúlega asnalega orðað

"Markalaust í hálfleik hjá Japan og Króatíu
Japönum og Króötum mistókst að skora í fyrri hálfleik liðanna í F-riðli á HM í Þýskalandi."

og F-riðill hljómar líka mjög dónalega

blogg hérna

fór í messu áðan og það var einhver kelling að glápa á mig og það fór geðveikt í taugarnar á mér. svo voru endalaus atriði þar sem einhver börn sungu lög og það fór líka í taugarnar á mér og svo var ég nú næstum farin þegar einhverjir gaurar stilltu upp marki og létu svo aðra tvo skjóta í mark.
var þetta messa eða hvað?
almáttugur minn er hvergi hægt að fara án þess að heyra eða sjá fótbolta?
mér fannst þessi íþrótt allt í lagi áður en þessi viðbjóðslega HM keppni byrjaði, en núna HAAAAAATA ég fótbolta. út af lífinu.

annars er allt gott að frétta, var að borða subway og súkkulaði svo ekki grennist maður í dag hoho

helgin var æææææði

held sveimmér þá þetta hafi verið með bestu dögunum mínum hér í uk þetta árið :)
fór með Alinku, Rachel og Hanyyiah að heimsækja Zarah sem býr með okkur hér á hæðinni. svona þegar hún býr ekki í Cheltenham... ef þið skiljið.
allavega þá var veðrið Geeeeeðveikt og ég var svo fegin að sjá loksins eitthvað af bretlandi sem ekki er 90% steypa og malbik. þetta er í rauninni mjög fallegt land svona þegar maður pælir aðeins í því. en við fórum semsagt í "smá" göngu á laugardeginum (klifruðum upp snarbratta hlíð inni í skógi, mættum illilegum hundi (sem var svartur), róluðum og borðuðum brauð og salat) og vorum svo bara rólegar á sunnudaginn, sátum heillengi í einhverjum garði, prófuðum að drekka "holla" vatnið sem er einkenni Cheltenham, spiluðum Uno (ALLT of lengi.... alinka neitaði að hætta fyrr en hún myndi vinna a.m.k. einu sinni) og svo eldaði Russ kærasti Zarah fyrir okkur voða góðan kjúkling. njammnjamm.
komst að einu og öðru varðandi malasíu, einu og öðru varðandi dramadrottningar, og einu og öðru varðandi það að ég er greinilega mjög léleg stelpa...

en það var óóóóóóótrúlega gaman og núna er RAUÐI liturinn orðinn næstum því fjólublár! hohoho!

myndir hér (vonandi)

loksins kemst hann í gang

blesaður blogger. búinn að vera leiðinlegur við mig í gær og í dag :@ urri urr!
eins og ég ætlaði nú að blogga skemmtilega í gær. en svona er þetta víst... lítið við því ða gera.
hmm.
veðrið í börm hefur aldeilis tekið stakkaskiptum og nú skín sólin alla daga og hitinn er hátt á þriðja tug. eða svona allavega í áttina. þannig að tótan skellti sér í brjálaðan göngutúr í engu föruneyti nema sjálfs síns og þar náði hún sér í fyrsta bruna sumarsins! húrra fyrir því :D
reyndar held ég að það hafi verið nokkuð langt síðan fyrstibruninn sé í júní...
aaaaallavega þá er ég búin að kaupa after-sun og þetta er allt að jafnast út svona smá saman. en göngutúrinn lá semsagt í einhvern grasagarð hérna í börm sem var síður en svo áhugaverður... eða svona þannig. ég hef eiginlega ekki gaman að blómum nema ef ég hef ræktað þau sjálf. soldið selfish... en ég meina hey.
en svo er nú bara skollin á hljómsveitaræfingasyrpa sem mun engan enda taka fyrr en í mánaðarlok. þannig að endilega hugsið hlýtt til baksins míns, eða öllu heldur sálarlífsins. ekkert jafn ömurlegt eins og að setjast niður kl. 10.30 og vita til þess að maður kemst ekki út í sólina fyrr en 16.30.

góð og vond dýr

ég skellti mér í gær í sunnudagsferð til höfuðborgarinnar með henni Alinku vinkonu minni. vona ég hafi ekki móðgað neinn með því. fórum aðsjá uppfærslu af don giovanni í óóóóótrúlega litlu "leikhúsi" með bar á efri hæðinni. var nú eiginlega frekar bar með leikhús á efri hæðinni. sniðugt samt... og það var frekar notalegt svona í leiðinlegustu resitatívunum að vera með einn kaldan í hendinni og vita það væri ekki nema 10 sek. hlaup niður stiga ef hann kláraðist.
söngvararnir voru (svo maður noti nú söngvaraslangur) La-la og var hann þarna hvað hann nú heitir sem er kærasti Donna Önnu, áberandi mest leiðinlegastur. en það er nú kannski bara af því að hann er tenór greyið. Ali benti mér reyndar á að hann væri nákvæmlega eins og kóngurinn úr Shrek og eftir það fannst mér hann alls ekki jafn pirrandi. hoho. en veikleiki minn fyrir ljóshærðum síðurensvoveiklulegumkannskisoldiðíhinaáttina karlmönnum ölli því að uppáhaldssögupersónan mín var þjónn Don Giovanni, Lepparetto eða eitthvað. aaaaaalgjör sjarmör. og skeggjaður! úff ég hélt mér nú fast í sætið þegar hann byrjaði.
svo var píanó dúett sem spilaði hljómsveitarpartinn og þeir voru svo arfalélegir að ég held sveimér þá að fjórðastigs söngnemandi úr söngskólanum hefði getað spilað betur. og píanóið var falskara en brosið á halldóri ásgríms (svo maður sé nú soldið pólitti-kal). samt var þetta bara stuð þó ég hafi borðað Burger King á leiðinni heim í lestinni og þrusað steinvölum í kjölfarið langt fram á nótt.
Svo ég fari nú að vitna í titil póstsins þá mættum við Ali tvemur nagdýrum á þessari ferð okkar, báðum á nákvæmlega sama stað (sem gerir þetta soldið spes skiliði). gott dýr: hið fyrr var grár íkorni sem stóð á barminum á ruslatunnunni fyrir utan húsið okkar. voða sætur og svo skoppaði hann svona líka íkornalega upp í næsta tré og sagði "skvíkití skví, skvíkskví svkíkjur!" (fyrir þá sem ekki hafa séð nýja stíl keisarans og kunna þar af leiðandi ekki íkornamál, þá þýðir þetta "góða ferð sætu stelpur". við töluðum líka stuttlega við öryggisvörðinn og hann sagði okkur að þetta væri mjög svo staðbundinn íkorni og þeir kölluðu hann Frank. Gerist ekki mikið krúttlegra.
vont dýr: á leiðinni heim þegar klukkan var orðin rúmlega tvö mættum við hins vegar nagdýri sem er ekki með loðið skott og frekar illilegt til augnanna. það dýr var að éta rusl uppúr ruslatunninni og hljóp oní næsta niðurfall þegar það sá okkur.
namm...

blogg barlómur

voða er ég orðin löt að blogga og það verður alltaf leiðinlegra og leiðinlegra með hverjum deginum.
en svona er þetta bara, if you don´t like don´t read it, eins og maðurinn sagði. eða svona.
annars er það helst í fréttum að ég mun flytja út af skólagörðum UCE við Brindley Drive og búa einhversstaðar lengst útí rassgati í húsi sem er á Milner street í Sally Oak hverfinu... er að fara að skrifa undir samning í næstu viku.
sem þýðir 20 mín í strætó eða klukkutíma labb í skólann. sem þýðir líka ekkert fokkin helvítis ógeðslegt brunavarnakerfi sem fer í gang ef fólk ristar óvart brauðið sitt í 20 mín og enginn skemmtistaður hinumegin við götuna og brjáluð hraðbraut þar sem allavega 10 sírenubílar keyra um á hverjum degi, svo maður minnist ekki á strætóana.
þetta þýðir líka pláss í ísskápnum, þvottavél sem ekki kostar 1 pund og 40 pence, digtal sjónvarp, þráðlaust GOTT net (ekkert proxy rugl), BAÐKER og garður.
deili þessu himnaríki með Rachel, Mark og einhverji stelpu sem ég veit ekkert hver er en Rachel segir að hún sé fín (sem þýðir örugglega að hún sé í alvöru fín af því að Rachel er ekki týpan sem lýgur mikið að manni).
vá hvað það verður líka gott að komast aðeins úr miðbænum, er alfeg búin að fá nóg af steypunni.
það besta er náttúrulega að það verður NÓÓÓÓG pláss fyrir alla að gista hvenær sem er og ENGINN getur sagt eitt einasta orð!
pantið flug núna...

:)

kata lata

reyndar heiti ég tóta, en það rímar ekki við lata svo ég ætla að kalla sjálfa mig kötu í smá tíma.
eða ekki.
úff. ég þyrfti eiginlega að fara að sofa, en nenni því bara alls ekki. sem er mjög asnalegt. svo svaf ég reyndar í allan dag svo það er nú kannski ekki skrýtið að maður sé hress á pakkanum. svo er ég með hausverk. :( alltaf soldið fríkí að vera illt í hausnum svona þegar maður pælir í því, vegna þess að í rauninni er hann bara fullur af einhverju svona gumsi, engir vöðvar eða liðamót eða neitt svona sem manni er venjulega illt í. strange.
en well well....

laters (lei-örs)

Þekkir þú fínar dömur og alvöru konur í sundur?

Fínar dömur: Ef þú hefur ofsaltað matinn sem þú ert að elda, þá skaltu
setja kartöflu í pottinn. Hún dregur saltið í sig.
Alvöru konur: Ef þú ofsaltaðir matinn er það bara assgoti pirrandi.

Fínar dömur: Það er auðvelt að lækna höfuðverk með því að skera límónu í
sundur og nudda henni á ennið.
Alvöru konur: Taktu límónu og blandaðu henni við tekíla og salt og
drekktu. Höfuðverkurinn hverfur sennilega ekki, en þér verður alveg sama.

Fínar dömur: Ef þú setur sykurpúða í botninn á vöffluformi, þá lekur ísinn
ekki í gegnum það.
Alvöru konur: Sjúgðu bara ísinn úr vöffluforminu. Þú liggur hvort eð er
örugglega með fæturna upp í loft í sófanum og borðar hann.

Fínar dömur: Þú getur komið í veg fyrir að kartöflur spíri með því að
setja epli í pokann með þeim.
Alvöru konur: Kauptu karföflumúspakka, hann geymist í heilt ár í
eldhússkápnum.

Fínar dömur: Kökur fá jafna, slétta áferð ef þú penslar þær með eggjahvítu
áður en þær fara í ofninn.
Alvöru konur: Betty Crocker segir ekkert til um penslun á kökunni. Slepptu
þessu bara.

Fínar dömur: Ef þú átt erfitt með að opna sultukrukku er gott að setja á
sig gúmmíhanska. Þannig færðu betra grip..
Alvöru konur: Biddu myndarlega, ríka og einhleypa nágrannann um að opna
krukkuna!

Fínar dömur: Ekki hella afgangs rauðvíni. Það má frysta í ísmolabakka og
nota í sósur seinna.
Alvöru konur: Hvað er afgangs rauðvín?