hehehe, þetta er geðveikt fyndið :)

ég var geðveikt dugleg að æfa mig í gær og í morgun. svo að ég á allt gott skilið.
taki það til sín sem eiga það...

starfsmannaferð Þjóðskjalasafns Íslands...
haustið 2003 var algjör snilld. fórum af stað um kl. 10, eða það var manni sagt. rútuhelvítið kom nú ekki að ná í okkur Benedikt fyrr en klukkan var farin að ganga 12... ég hefði vel getað mætt á Kammersveitaræfingu í svona klukkutíma. ekki það að ég hefði nennt því.... en svo var brunað sem leið liggur út á Reykjanes-skaga, skoðuðum fullt af kirkjum og læti, ég man nú varla neitt hvað neitt hét, enda afspyrnu léleg í að muna hluti. en mega-sagnfræðingurinn Jón Böðvarsson var leiðsögumaður og talaði svo mikið að í rauninni fór hann allan hringinn og sagði ekki neitt (en ég var reyndar líka alltaf að sofna).
en við fórum í njarðvíkurnar ytri og inni, keflavík og sandgerði. pissuðum í leifsstöð og drukkum heilan helling af brennivíni. fengum rækjusamlokur. Jón borðar ekki rækjur svo ég át hans samloku. svo drekkur hann ekki brennivín svo ég drakk hans brennivín líka. ekki furða að mér hafi fundist gaman, ha?
við fengum svo kaffi heima hjá Sigrúnu Sigurgests og ég fann gítar inní einhverju herberginu, snilld! reyndar fattaði ég svo að ég kann engin lög á gítar svo ég spilaði eiginlega ekki neitt, tók nú samt nokkur "Ræ-ræ-ræ" lög og var hress. kaffi er gott, jájájá.
talandi um rok (uh...) þá fórum við líka að Gróttu og það var svo mikið rok að ég náði næstum því ekki að standa í lappirnar. mánuður í viðbót hjá Báru og ég hefði verið í vondum málum. svo var æðislegt brim og sjó-fruss á okkur frá öllum áttum, maður var allur í saltbragði lengi á eftir. híhí. Hrafn fékk meira að segja á sig stóra, blauta frussu og rennblotnaði. þá hló ég, enda er ég kvikyndi.
en herlegheitin ógurlegu enduðu svo í Geggjaðri grillveislu í skátaskálanum við Hvaleyrarvatn. ég gat nottla ekki setið á mér og hringdi í eyfa um leið og hægt var. við eigum nú nokkrar gæðastundirnar við þann pollinn, svo ég segi nú ekki meira. reyndar varð ég batterí laus, enda ekkert grín að vera að hringja svona til útlanda í brjáluðu roki. en maturinn var hryllilega góður og sósan eitt það besta sem ég hef á ævi minni oní mig látið. og ekki var rauðvínið verra :)
eftir grilleríið við hvaleyrarvatn bauð ég þeim sem boðnir vildu vera heim til mín í afganginn af saumaklúbbskökunum hennar mömmu. það var ótrúelga gaman, spilaði þungarokk fyrir strákana mína þá Jón, Hrafn og Pétur langt fram á kvöld og fór meira að segja með þá aðeins á A. Hansen. svona uppá húmorinn. það var nottla hræðilegasta stemming í heimi eins og oft vill vera á laugardagskvöldum og pétur fékk mjög vont kaffi.
en vóóóóó hvað var gaman. *andvarp*

>Lögfræðingur og ljóska sitja hlið við hlið í flugvél, lögfrögingurinn
>stingur uppá að þau bregði á leik á leiðinni. Ljóskan er þreytt og vill
>frekar sofa, en lögfræðingurinn er þrjóskur og tuðar í ljóskunni. Hann
>útskýrir: "Sko,ég spyr þig spurningar og ef þú veist ekki svarið, þá borgar
>þú mér og svo öfugt." Aftur afþakkar ljóskan og reynir að sofna. En
>lögfræðingurinn gefst ekki upp svo hann gerir henni tilboð:"Allt í lagi, í
>hvert skipti sem þú veist ekki svarið þá borgar þú mér 500 kr en ef ég veit
>ekki svari? ?á borga ég ?ér 50.000kr, ha hvernig líst þér á það." þetta
>hljómar vel og ljóskan samþykkir að taka þátt. Lögfræðingurinn spyr:"Hvað
>er langt frá jörðunni til tunglsins?" Ljóskan þegir, teygir sig í budduna
>sína og réttir honum 500 kall. En svo spyr ljóskan:" Hvað fer uppá fjall
>með þrjá fætur en kemur niður með fjóra? "Lögfræðingurinn horfir á hana alveg
>kjaftstopp. Hann tekur upp fartölvuna sína og fer að leita á netinu, mailar
>á vini sína en allt kemur fyrir ekki. Eftir klukkutíma eða svo játar hann
>sig sigraðan og borgar henni 50.000 kall, ljóskan tekur peninginn og fer að
>sofa, lögfræðingurinn samþykkir þetta nú ekki alveg og hnippir í ljóskuna
>og krefst svars við þessari spurningu, Ljóskan snýr sér að honum teygir sig í
>budduna sína og réttir honum 500 kall.

stórt stórt stórt sóðaglott

Morðið í Alþingishúsinu
mér var að detta í hug að nota þetta blogg til að rakka niður bókmenntir. það er bæði skemmtilegt og fyndið, og þar sem ég er nú sjálf Bókmennafræði-dropout þá tel ég mig sjálfa vera einkar vel í stakk búna til þess arna. alvöru bókmenntafræðingar eru nefnilega allt of klárir og vel lesnir til að geta hreytt almennilega. með öðrum orðum, þeir hafa ÞURFT illu heillu að lesa svo hrottalega leiðinlegar bækur í námi sínu. ég held í alvörunni að það sé til einn áfangi uppí H.Í. sem heitir "leiðinlegar bókmenntir", sem er þá væntanlega undanfari "drepleiðinlegar bókmenntir" (kenndur annað hvert ár, sem tillitsemi við kennarann) og svo getur maður tekið valáfangann "leiðinlegri en allt í heiminum bókmenntir" sem er virkilega óspennandi. furðu margir sem taka áfangann, flestir þó úr raunvísindadeild.
en nóg um það og yfir í rakkið.


ég var að lesa Morðið í Alþingishúsinu. þess vegna stendur Morðið í Alþingishúsinu hérna efst. fyrirsögnin sko, ekki bullið um háskólann. en morðið í alþingishúsinu (bókin) er svona spennusaga. þannig að hún á að vera spennandi. þetta er það fyrsta sem klikkar. sagan vellur einhvernvegin áfram á asnalegan hátt, atburðarásin er hröð á þann hátt að maður fattar yfirleitt ekki hvað er aðgerast og lausir endar eru út um allt eins og á gömlu, illa vafnu teppi. aðalsöguhetjann er Lögfræðingur að nafni Stella Blómkvist (þvílík tilviljun, það er einmitt líka höfundur bókarinnar!) og hún er bæði sexý, fyndin, hörð í horn að taka, einhleyp, tvíkynhneigð, klár og ferlega rík. þekkir fólk útum allt, t.d. blaðamann, löggu og einn sem er krimmi. allt ferlega fyrirsjáanlegt og leiðinlegt. Og það er EKKI SJENS Í HELVÍTI að höfudur bókarinn sé kvenkyns, það getur ekki verið. þetta er ábiggilega einhver graður, bólugrafinn unglingsstrákur sem finnst töff þegar stelpur eru með stelpum.
svo endar bókin á því að stella leysir öll vandamálin, veltir bílnum sínum ofan á Jódísi sem myrti Salvöru og þegar stella kemur heim til sín bíður á tröppunum lettnesk ofur fyrirsæta með kampavín. en þær sváfu einmitt saman fyrr í sögunni. voða krútlegt allt saman.
hoh!
nú er ég búin að eyðileggja morðið í alþingishúsinu fyrir öllum, hohoho hooooooo!!

Þetta er Magnað!

Svmkmaæt rnsanókn við Cmabrigde hkóásla þá stkpiir ekki mlái í hðvaa röð stfiar í oðri eru, það enia sem stikipr mlái er að frtsyi og stíasði stinaurfn séu á rtéutm satð. Aillr hniir sfitarnir gtea vireð í aöljrgu rlgui en þú gtuer smat lseið það aðvuledlgea. Áæðsatn fiyrr þsesu er að mnnashgrniuun les ekki hevrn satf friyr sig hleudr oirðð sem hiled.

ég var líka að fatta að það er ekki búið að setja inn exel eða access eða msn á þessa tölvu.
æj æj.... ég verð þá bara að hanga á netinu í allan dag.

vó maður!
ég var að fá nýja tölvu í þessum töluðu orðum. ég veit nú reyndar ekki af hverju, þar sem hin nýja var svossem alfeg nógu andskoti góð. en ég kvarta ekki :) svo er hún líka svört, geggjað töff. nýja lyklaborðið er líka svo smúth að ég hef bara aldrei vitað annað eins. það eina er að skjárinn er svo stór að mér finnst ég vera við það að klessa fésinu framan á hann og sit þess vegna lengst aftur í stólnum með bakið klesst við stólbakið. lítur frekar asnalega út, ef ég á að segja eins og er, en maður er nú vanur því að líta asnalega út. nefni mér til stuðnings kórbúningana fagurbláu...

mig langar alfeg óskaplega mikið í úlpu. helst mjög flotta úlpu.
svo langar mig líka í nýja flotta skó.
*andvarp*

Graskersfræ
eru bestu fræ í heimi. finnst mér. en ég hef aftur á móti ekki borðað mikið að fræjum í gegnum tíðina, svo það er kannnski ekki alfeg að marka. en ég reyndi samt í morgun (það var reyndar óvart) að borða mandarínufræ og þau eru alls ekki góð. það var hún Guðný Birna sem benti mér á hversu góð þessu fræ eru (graskersfræin, þeas), en hún hafði keypt þau vegna þess hve þau eru góð fyrir blóðflokkinn okkar (!). reyndar eru þessi fræ það góð, að ég er fullviss um að þau séu það allra mest fitandi sem ég hef oní mig látið síðan ég fékk mér subway síðasta laugardag með aukaskammt af mæjónesi, kók með og súkkulaði á eftir yfir mjög sterku kaffi.
ég verð að hætta að éta svona mikið um helgar. úff....

spjör?
ég var að lesa mitt eigið blogg áðan og það var ekkert smá skemmtilegt!
vó hvað ég er fyndin og skemmtileg, að það skuli ekki fleiri leggja fúlgur fjár inná bankareikninginn minn, svona til að leggja grundvöll að því að ég geti keypt mér mína eigin tölvu með mínu eigin lyklaborði. og nettri nettengingu, en allavega.... ég var að spá í orðatiltækinu "spryja mann spjörunum úr".
þetta er geggjað!
hvaða SNILLINGUR fann á uppá þessu og hvaða sitúasjón varð þess valdandi að einhver sagði:
"jah, hann spurði mig bara spjörunum úr, þangað til að ég hafði bara ekkert meira að segja. svo var ég bara orðin berrössuð líka!"
mér er spurn! svo ég svaraði mér sjálfri nokkrum svörum.

1) kannski geymdi fólk í gamla öll svörin innan klæða.
dæmi: "hvað ég er gömul? já bíddu nú við, éger með þetta skrifað hérna einhversstaðar... bíddu aðeins.... (fer úr peysunni)... "

2) kannski var þetta svona samkvæmisleikur, við rétt svar fékk maður stig, en þurfti að fara úr ef maður svaraði vitlaust.
dæmi: "neihei, herra Windrew, London er svo sannarlega ekki höfuðborg Spánar! úr hnébuxunum!"

3) spjarir er gælunafn fyrir leyndó.
dæmi: "oh hann Stebbi er búinn að komast að öllum Spjörunum mínum! nú verður sko ekki humar oftar í matinn hjá okkur..."

4) þetta er léleg þýðing á enska orðinu "space-spears", sem var fyrirrennari geilsasverðanna.
dæmi: "if you don´t tell me your secrets.... (þungur andardráttur) i will have to... (þungur andardráttur) kill you with my... (þungur andardráttur) space-spear..."

5) kannski er þetta eitt af þessum lélegu, ljótu og leiðinlegu (LLL) íslensku orðum sem eru engum til gangs né gamans.
dæmi: "óáfengt, fitusnautt, grænmetisréttur"


annars stefnir allt í þriðju bjórstemminguna eftir vinnu hér á skjaló. þetta endar með óskupum held ég sveimmér þá.... :) SNILLD!

í dag er föstudagur...
... og það er geggjað fjör. ég svaf yfir mig, þannig að ég fór ekki á fætur fyrr en klukkan 10:30. Smart. fór svo í leikfimi með ofurskutlunni Ráðhildi og var yfirheyrð af kellingu í sófanum frammi á gangi hvað ég væri að gera með líf mitt. eru konur alltaf svona forvitnar? ég er til dæmis ekki forvitin (SUMUM til mikils ama) og fattaði t.d. rúmum hálftíma eftir að konan spurði mig spjörunum úr að ég hafði ekkert spurt hana hvað hún væri að gera með sitt líf....
svo fór ég spá hvort það væri dónalegt af mér. en svo nennti ég því ekki. ég er nefnilega löt líka.
púff, ég geng ábiggilega aldrei út, er ekki forvitin og löt í þokkabót! drottinn minn.

archives
eins og allir hafa tekið eftir hefur dálkurinn hér fyrir neðan með gömlum færslum ekkert verið uppfærður nýlega. það er vegna þess að ég er svo löt. en það er s.s. búið að uppfæra hann núna. gaurinn er hérna hægra megin á blogginu í formi dagatals, svo er hægt að skella sér með músina yfir dagana og þá gerist kraftaverk.
það er s.s. ég sjálf, í eigin persónu sem sá um að hanna þetta rosalega dæmi. svona eru nú fyrirsagnirnar sem ég talaði um hér um daginn sniðugar.
já eða ekki.
það er nörd að vera skjalavörður, I SHOULD KNOW, en svona er þetta bara börnin mín. take it or leave it.
....or NOOOOT! (híhí svafa ;)

ég er döpur og ætla að vera döpur í allan dag.
sumir dagar eru svona döpru-dagar og þetta er einn af þeim.

Góða Ferð Elsku Eyfi minn.

nýr linkur
nýr linkur kominn! yfir á hann Snorra Sel líffræðinema. hann er meira að segja með svona Kvarthorn. almennilegur :)

CONVERSATION...
A vocal competition in which the one who
is catching his breath is called the listener.

Jón sæti

*snökt snökt*
í gær fór ég í þvílíkt góðan leikfimistíma hjá henni Báru í JSB. kellingarleikfimin víðsfræga. ég svitnaði svo mikið að ég þurfti eiginlega að synda út. svona næstum því. en það sem var soldið sorglegt að þegar ég var að lyfta einhverju priki fór ég að hugsa (eins og maðurinn í 10-11 auglýsingunni hér forðum daga), og það sem ég hugsaði var ekkvað á þessa leið:
"oh hvað mig langar í bjór.... mmmm, bara ef þessi sviti væri bjór.... hey er ekki þriðjudagurinn 9. september? "
af því þetta var í gær sko. svo hélt ég áfram í smástund og fór aftur að hugsa:
"á eftir þriðjudegi kemur miðvikudagur og síðan er bara kominn fimmtudagurinn 11. september..."
svo leið þónokkur tími þar til ég fór að hugsa aftur. þá var ég nú reyndar hætt að lyfta prikinu.
"svo er eyfi bara að fara 11. september út til London."
þögn.
"þá er fimmtudagur"
þögn.
"eyfi er að fara á fimmtudaginn."
þögn.
"það er ekki á morgun heldur hinn!"
þá öskraði ég einmitt upp yfir mig einhverju miður fallegu orði, datt um dýnuna mína sem er græn, lenti í gólfinu með þvílíkum smell, náði að fella þrjár feitar konur í leiðinni og fékk prikið upp í nefið.
reyndar er þetta ekki alfeg satt allt saman, en tíminn er bara búinn að líða svo hratt að ég er ekkert búin að hafa haft tíma til að hugsa um þetta. enda er ég komin með hjartsláttartruflanir og magaverk.
ég ÞOLI ekki þegar hann fer svona í burtu.
búhúúúúúú!!!! :,(
af hverju er Ísland ekki aðeins meira miðsvæðis? eins og naflinn á manni. hann er miðsvæðis. ég væri geðveikt til í að hafa ísland á sama stað og naflinn er, meðað við að heimurinn sé maginn á manni.
ætli Falklandseyjar séu þá geirvörturnar?

Thom Yorke er flottasti söngvari í heimi. þó hann sé svona ógó ljótur