mánudagur, nóvember 28, 2005

í dag var góður dagur :D

1) ég fékk pakka frá Jónisæta með fyrstu seríunn af Dallas! (góðir tímar framundan)
2) ég fékk pakka frá Berglindi með geisladisk sem á var ALLIR Queen diskunum hennar! eða allavega mjög margir. mjjjjjög góðir tímar framundan!! Berglind fær hérmeð góðavinkonustimpil vikunnar, ef ekki mánaðarins bara :)
3) ég vaknaði fyrir hádegi og fór í ræktina
4) ég drakk 2 lítra af vatni í dag (nýtt átak #1)
5) ég æfði mig í 4 tíma (nýtt átak #2)
6) ég fékk mér ekkert súkkulaði eða gosdrykk af neinu tagi (nýtt átak #3)
7) það snjóaði :)

enda er ég uppgefin. púff.

föstudagur, nóvember 25, 2005

hún er beib.
og nýji diskurinn er æði. samt "SOLDIÐ" kunnuglegur ef þið vitið hvað ég meina. en það er nú örugglega erfitt að vera frumlegur nú til dags....

miðvikudagur, nóvember 23, 2005

jæja

komin heim og ekkert alfeg jafn pirruð og áðan. eiginlega bara hálf asnalega og skammast mín fyrir að hafa verið svona pirruð. stundum ræð ég bara ekkert við geðsveiflurnar mínar. en það er víst einkennið á sveiflum... annars væru þetta meira svona rúnaðar hæðir með túnfíflum og hvítum fiðrildum og væru kallaðir geðhólar.
eða eitthvað, eða ekki.
hrumpf.
en svona til öryggis er ég búin að halda mig í góðri fjarlægð frá fólki í allt kvöld og er t.d. núna að borða pizzu inní herberginu mínu en ekki frammi og keypti mér dæet kók og súkkulaði á leiðinni heim.
njamm.
svo ætla ég að horfa á shrek 2. aftur :)
nú er ég ekki búin að gera neitt í hálftíma og er ennþá pirruð. og mjög svöng.
ætla að fara og æfa mig. veit samt að ég fæ örugglega ekkert útúrþví og miklar líkur á ég kýli vegg eða lemji boganum mínum í eitthvað.
úff hvað ég á bágt að vera svona mikill pirrupúki.

pirruð

éger svo ógeðslega pirruð að ég veit ekkert hvað ég á að gera af mér, er búin að prófa að labba í hringi í herberginu mínu og hvessa augunum á mismunandi hluti.
þori ekki einu sinni fram í eldhús að fá mér að borða af því að ég er viss um að ég hitti einhvern af sambýlingunum og hreyti einhverju í þau eða þá að ég læt viðkomandi fara í taugarnar á mér og verð ennþá pirraðari.
og það asnalegasta er að ég veit ekkert af hverju ég er svona pirruð... er það bara.
grrrr!
andskotinn.

sunnudagur, nóvember 20, 2005

ég kem heim eftir 27 daga :)
get ekki beðið. ætla að fara og fá mér puslu um leið og ég kem af vellinum.
njammnjamm.

föstudagur, nóvember 18, 2005

robin hood er ennþá kúl

var að horfa á Robin Hood.
úhúhú þvílíkt nostalgíu kast (everything I do, I do it for yooooooou). það er samt ótrúlegt hvað er langt síðan, en samt ekki, æj ég veit ekki... en þessi mynd er síðan (haldið ykkur fast) 1991!
allavega. kevin costner er með sítt að aftan og í asnalegustu fötum í heimi og þessi belja sem hann byrjar svo með var með gerfilegasta hár sem ég hef á ævi minni séð. leit meira út einsog uppraknaður sófi heldur en hár. ú hú hú. myndin er líka yfirfull af svona brjálæðislega hallærislegum ræðum sem fær fólk til að algjörlega breyta um lífsskoðun og hætta lífi sínu og limum fyrir frelsi, hugrekki, sjálfstæði o.fl. í þeim dúr, allt fyrir mann í sokkabuxum.
og svo eru allir svo illa skítugir í framan að það var næstum hlægilegt, síðan hvenær varð fólk jafnmikið skítugt í framan, með sama lit og sömu áferð?
vondi kallinn var samt nettastur... minnti mig rosalega á Snape. og viti menn, þetta er sami leikari. klár hún tóta (nei).
eníveis...
yndisleg mynd og stendur alfeg fyrir sínu :) grínlaust. og já, ég klappaði þegar Sean Connery kom. of course.
:)

fimmtudagur, nóvember 17, 2005

njammnjamm

ég bjó mér til svo góðan pastarétt að ég get varla staðið í lappirnar. úff.
held að parmesan osturinn hafi ekki skemmt fyrir, hvað þá allur hvítlaukurinn. nú held ég bara að ég verði að leggja mig í smá stund áður en að ég fer að æfa mig.
maður getur ekki æft sig svona saddur. og svo myndi herbergið líka anga eins og hvítlauksverksmiðja....

miðvikudagur, nóvember 16, 2005

Megas...

...er snillingur.
ég skil ekki hvernig fólk getur ekki þolað Megas og sagt hann sé skrítinn. er þetta fólk búið að skoða textana sem hann skrifar? ókei hann er soldið spes, en jeminn hvað það er töff. Rivka segir að vont fólk geti ekki gert góða músík og ég held það hljóti að virka hina áttina líka.
ég er semsagt búin að skipta Brahms píanókvintettinum fallega út fyrir Megas og Loftmynd. uppáhaldslagið mitt er "Björt ljós, borgarljós".
þegar ég er orðin stór og feit og geðveikt klár ætla ég að útsetja þetta fyrir rödd, strengjakvartett, 2 kontrabassa og fagott.
eða eitthvað.

Björt ljós, borgarljós
þið blekktuð mig einsog alla fyrr og síðar
váljós villuljós
ég verð í þessum sporum dagshríðar
ég hata þig borg einsog hjartað í brjósti mér
því hendurnar þínar banvænu eru svo blíðar

þriðjudagur, nóvember 15, 2005

jæja þeir halda áfram með þennan "við ætlum að drepa þig úr kulda" djók og þess vegna fór ég skellihlægjandi að sofa í sokkum, lopasokkum, Þykkum buxum, náttkjól og lopabol. með sjal. og ofninn á fullu.
dreymdi svo allskonar skrítið en var samt kalt þegar ég vaknaði.
en nú er það miðdagslúrinn.
:)
jah, ekki vil ég verða veik!

mánudagur, nóvember 14, 2005

ákvarðanir, ákvarðanir....

langar:
* horfa á robin hood
* horfa á southpark
* horfa á dallas

þarf:
* fara á klósettið
* fara að sofa

vill
* fá mér te

... aumingja ég

kuldi og kraftaverk

það er búið að vera svo kalt í dag ég hef nú bara sjaldan vitað annað eins. heima á íslandi er ég nú yfirleitt í heitari kantinum... en hér er ég bara alfeg við frostmark.
og svo er nú ekki beinlínis verið að hjálpa manni.
var í 2ja klukkutíma tónlistarsögu í dag og þeir voru með loftkælinguna á fullu! aha en fyndið hugsaði ég eftir hálftíma, setti á mig vettlinga og beið spennt eftir því að einhver grínarinn myndi koma stökkvandi innum dyrnar og segja að þetta væri bara grín og nú myndi loftHITARINN fara af stað.
já neinei.
eftir 2 tíma var nokkrum kóreyskum píanóleikurum skutlað uppá trillur og ýtt frosnum fram á meðan við hin skiptumst á að nota hárblásara til að losa okkur uppúr stólunum og skafa frosthrímið af gleraugunum.
EKKI NÓG með það.
ungfrú frost og funi skellti sér í ræktina til að reyna að fá einhvern smá hita í sig og var rétt svo búin með 15 mín af hörkuerfiðum BLT tíma þegar bíb bíb fer ekki bara brunavarnakerfið í gang. og bretar eru ekkert að djóka með brunavarnir, það var bara slökkt á græjunum og öllum skipað út.
var ég búinað segja ykkur að það var ógeðslega kalt?
og ég var ógeðslega sveitt?
allavega. svo vorum við nokkrar orðnar fjólubláar í framan svo að einhver gaur sagði okkur að við mættum alfeg fara og ná kápurnar okkar. ég lét ekki segja mér það tvisvar og náði í allt dótið mitt og hljóp heim.
var svo í sturtunni í klukkutíma. var næstum farin að finna brunalykt af bakinu á mér hafði vatnið svo heitt.

hey já og kraftaverkið var að tebollinn var hreinn og fínn og voða sakleysislegur á svipinn á þvottagrindinni við eldhúsvaskinn þegar ég var á leiðinni út kl. 1900.
ég bara gjörsamlega skil þetta ekki... ég finn ekki bollann minn!
hvernig er hægt að týna tebolla í 5 fermetra herbergi? og nei hann er ekki fram í eldhúsi heldur.

ég er svo aldeilis bit...

laugardagur, nóvember 12, 2005

tesco tesco tesco

fór í Stóru tesco búðina áðan með Alinku og keypti fullt af dæet kóki og nammi :) svo keypti ég líka þrjár dvd myndir.
fight club
ocean´s eleven
og robin hood.
fyrstu 2 hef ég ekki séð en brad pitt er í þeim báðum. hann er nú samt ekki mín týpa. oh well. en robin hood var uppáhaldsmyndin mín þegar ég var lítil, veit ekki hvað ég sá hana oft. var nefnilega yfir mig ástfangin af Kevin Costner. :) those were the days.....

föstudagur, nóvember 11, 2005

djöfulsins klukk alltaf hreint

núverandi tími: 16:27
núverandi föt: brún skyrta og gult pils (bæði úr hm)
núverandi hár: brúnt og frekar subbulegt, fór að sofa með fastar fléttur
núverandi pirringur: er að æfa mig og var að fatta ég er með of stuttar hendur. það er bögg. svo þyrfti ég mjög alvarlega að fara að drullast í ræktina, er með fitufellingar útum allt
núverandi lykt: eitthvað jurtate hérna við hliðina á mér sem er bleikt á litinn
núverandi skartgripir: ekkert. nema nottla eyrnalokkarnir. var samt að kaupa mér gellu eyrnalokka í gær :)
núverandi áhyggja: verða feitari
núverandi löngun: langar heim að knúsa jóninn minn :( og borða íslenskt nammi. og drekka kók. svo langar mig í pizzu.
núverandi ósk: að komast heim. er þetta ekki sama spurningin og hér á undan? heimska klukk
núverandi farði: eitthvað smá leftóver maskari frá því í gær....
núverandi eftirsjá: að hafa ekki drullað mér á fætur í morgun eins og almennileg manneskja og gert eitthvað að viti. hrumpf!
núverandi vonbrigði: að hökubrettið mitt sé í rauninni ekki það sem er að halda aftur af mér í glæsilegum fingrabrjótsrunum, heldur líkamsstaða mín (nú þarf ég að vinna sjálf í málinu í staðinn fyrir að geta bara keypt nýtt bretti :@)
núverandi skemmtun: er að fara á tónleika í kvöld með skólahljómsveitinni. býst við smá tjútti eftir það. svo er ég að tala við jóninn minn á msn :)
núverandi ást: Jón Viðar
núverandi staður: við skrifborðið mitt í herbergi 433 á 4ðu hæð C blokkar á Cambrian skólagörðunum í Birmingham.
núverandi bók: er að lesa narniu bækurnar. nýbúin að lesa harrypotter 6 svo þær ná mér nú ekki alfeg á flug. góðar samt...
núverandi bíómynd: sá brothers Grimm í gær. hún var ömurleg. eða svona... ég fýlaði hana ekki
núverandi íþrótt: fer í L.A. Fitness center eins oft og ég get(nenni). þar get ég farið í allskonar svona sprikl tíma og dót. er samt mest á hlaupabrettinu og stíg-vélinni...
núverandi tónlist: var að hlusta á tónleika með Ceciliu Bartoli. þó hún sé voða góð þá fundust mér þessir tónleikar eiginlega bara lélegir, þunnur tónn og stælar. svo köttuðu þeir ekki klappið og bravó-öskrin aftan af, sem ég hata.
núverandi lag á heilanum: bartók konsertinn sem éger að fara að hlusta á á tónleiknunum á eftir. horfði á æfinguna í gær og er búin að vera með hann á heilanum síðan...
núverandi blótsyrði: fuck you bitch (yfirleitt sagt við David) svo segi ég oft, "(þetta og hitt, fólk eða hlutir)...is for wimps"
núverandi pirringur:er að reyna ða tala við jónsæta, en hann dettur alltaf út. :(
núverandi desktop mynd: fyndnasta mynd í heimi, tekin heima hjá elfu á einhverju tónó-fylleríi. allir í hláturskasti.
núverandi áætlanir fyrir kvöldið: tónleikar og tjútt
núverandi manneskja sem ég er að forðast: sænsk stelpa sem er með mér í bekk. hún fer bara svo í taugarnar á mér að ég á erfitt með að hemja mig um að hreyta einhverju í hana... sem er dónlegt og ljótt, svo ég er að reyna að forðast hana.
núverandi dót á veggnum: mynd af mér og villu litlusystur, mynd af mér og jónisæta, fullt af póstkortum, mynd af óskari, stundataflan hjá la fitness og hvítt glimmer fiðrildi sem mamma mín gaf mér :)

jæja.... þetta tók nú ekki jafn mikinn tíma og éghélt (20 mín). ég ætla að klukka Döggu litlu systur. hún er nú samt ekki búin að blogga nema þrisvar síðastliðna 7 mánuði, svo það gæti tekið einhvern smá tíma. oh well

miðvikudagur, nóvember 09, 2005

vissuðu að fyrsta landið til að veita konum kosningarrétt var Finnland og það var árið 1906?!!

þriðjudagur, nóvember 08, 2005

Tryggðatröllið og heimilisvinurinn Páll Einarsson á afmæli í dag!
ef ég ætti inneign í símanum mínum myndi ég hringja í þig palli minn og ropa eins og vitlaus væri :)

knúsknús sæti, eigðu góðan dag :)


mánudagur, nóvember 07, 2005

við erum ekkert að djóka með magn af upptökum!

var ég búin að segja ykkur að þetta er kennarinn minn? :D

room 433 = clean

ég held að þetta herbergi hafi ekki verið hreinna síðan jónsæti kom og heiðraði mig með nærveru sinni í byrjun október. :) og ekki nóg með það, heldur þvoði ég lopasokkana sem mamma mín sendi mér.
geri aðrir betur.
hmm.... kannski ekki svo flókið :p
ég fór fram og fékk mér ristað brauð OG horfði á Birth. hún er mjög skrýtin og ekki skerí. kannski smá samt.
og núna ætla ég uppí rúm.
og fara að sofa.

ég er samt ekki þreytt :p

ég er að hlusta...

... á Flos Campi eftir Vaughan Williams og fýla það.
ógeðslega skrýtið verk. en töff. mjög töff.
er að gera það uppvið mig hvort ég eigi að fara fram og fá mér ristað brauð eða fara bara að sofa og reyna ða vakna snemma á morgun (vakna snemma is for wimps). svo lánaði Ting mér dvd disk (Birth) en ég þori eiginlega ekki að horfa á hana af því ég held hún sé skerí. nenni samt bara alls alls ekki að fara að sofa.
-ég er ekki þreytt.... (foreldrar mínir kannast of vel við þessa setningu)

ó hvað ég á bágt

laugardagur, nóvember 05, 2005

þessi gaur er ekkert smááááá hress :D
getur einhver sagt mér AFHVERJU kærastinn minn elskulegur er EKKI online?
urgh.
hann er örugglega að hefna sín af því að ég var ekki online í gær :S

mig langar í meira súkkulaði :(

föstudagur, nóvember 04, 2005

tónleikarnir....

...voru svo geðveikir að ég bara hef sjaldan heyrt annað eins. Scholl er brjálæðislega góður! og svo er hann ekki með neina stæla eða neitt, gerir bara sín stykki og hneigir sig svo og brosir. og Bandið var sjúúúúúúklega gott! ég hef nú aldrei verið sérstaklega hrifin af svona barrokkhljómsveitum og þannig pælingum, en það var nú bara greinilega út af því að ég hef aldrei heyrt þetta almennilega gert. þvílíkir snillingar. og sama yfirbragðið og Scholl, ENGIR stælar eða tilgerð eða neitt. bara músík.
njammnjammm. var eiginlega búin að gleyma því hvað það er gaman að fara á skemmtilega tónleika :)


þetta krútt hér er að fara að skemmta tótunni í kvöld :)

fimmtudagur, nóvember 03, 2005

sýra jóns

mér er illt í maganum og er svöng. samt er mér ekki illt í maganum afþví að ég er svöng og ég er ekki svöng af því að mér er illt í maganum.
merkilegt.
svo er mér kalt á hægri hendinni en ekki vinstri. held ég drífi mig bara í ræktina... eða legg mig.
eða legg mig í ræktinni.

ég veit ekki af hverju..



... en þessi gaur sem er fremst í röndóttu, (söngvarinn í Franz Ferdinand) minnir mig svo á Gumma kennara...

miðvikudagur, nóvember 02, 2005

ljóta tóta

ég veit bara í óskupunum ekki af hverju ég er ekki búin að drulla mér uppírúm að sofa. meiri helvítis auminginn alltaf hreint. svo er Rivku-dagur á morgun, úffúff. er auðvitað EKKI búin að æfa mig nóg, þó ég sé svo aðsegja næstum því nokkurnveginn eiginlega komin með meira sigg á puttana heldur en ég er með á rassinum af hangsi.
en þetta með nenna-ekki-að-fara-að-sofa dæmið... ég er að reyna að afsaka sjálfa mig með því að ég er að bíða eftir þurrkaranum. hinsvegar veit ég líka vel (og ætti að segja sjálfri mér það) að þessi þurrkari er löngu búin að þurrka, ég nenni bara ekki niður fjórar hæðir, út í rigningu og rok, ná í þvottinn og svo út í rigningu, upp fjórar hæðir og svo að sofa.
það er líka vesen að fara að sofa, maður þarf að bursta tennurnar og fara í náttföt... slökkva ljósið og guðminnalmáttugur taka allt draslið af rúminu svo hægt sé að komast upp í það.
þvílíkt sem á mig er lagt....

jæja on I go