tækni spækni

prófið gekk bara ok...
soldið skrautlegt samt. dagurinn byrjaði á því að bekkjarsystir mín hringdi í mig 2 mín áður en prófið hennar átti að byrja. "aha! hún er að beila" hugsaði ég með mér, en neineinei. það s.s. vantaði HINN prófdómarann, sem var engin önnur en miss Rivka Golani kennarinn okkar, sem greinilega var búin að steingleyma þessu. allavega vorum við í tíma síðasta fimmtudag og hún minntist ekkert á að vera prófdómari. ANYWAYS. svo hringdi yfirmaður strengjadeildar útum kvippin og kappinn að reyna að finna hana, en svo kom í ljós að hún var upptekin.
næs.
en eftir smá bollaleggingar (þar sem ég m.a. stakk upp á að enginn myndi spila og við myndum bara allar fá meðaleinkun og málið dautt) var ákveðið að hringja í ofboði í einhvern mann og fá hann til að hlaupa í skarðið. sem hann og gerði. reyndar fiðluleikari, en oh well.... svo var hann rétt svo ókominn... þá fór brunavarnakerfið á. og bretarnir eru nú ekkert að djóka með brunavarnakerfi. allir út og þá meina ég allir. enginn með fýlusvip við skrifborðið sitt að þykjast ekkert heyra eins og tíðkast í sumum löndum. en jæja... eftir nærri klukkutíma seinkun byrjuðu tækniprófin. fyrst fór ein bekkjar systir mín og ég var næst, búin að hita vel upp og klár í slaginn. þá fór brunavarna kerfið aftur á. og aftur allir út.
en svo gerðist ekkert meir, ég tók prófið mitt, kúkaði á mig í tvígripum og taldi örugglega vitlaust í þögnunum í hljómsveitarpartinum.
en éger búin.

BÚIN SEGI ÉG!

Tori Amos er æði

enn og aftur er ég að fatta frábæra tónlist fyrir tilstillan huggulegs arkítektarnema.
Vignir, þú ert snillingur. lovjúlovjúlovjú.

3 dagar í tæknipróf og ég er hætt að nenna að æfa mig.
og það er ekki vegna þess að skalarnir mínir eru í svo góðum málum.

oh well

soldið heimskulegt...

... sérstaklega þegar maður er ekki með millinafn.

Your real name:
- Þórunn Harðardóttir

2. Your Gangster Name: (first 3 letters of real name plus izzle.)
- Þórizzle

3. Your detective name: (fav color and fav animal)
- Blue Cat

4. Your soap opera name: (middle name, and current street name)
- Nothing Milner Road

5. Your Starwars name: (the first 3 letters of your last name, first 2 letters of your first name, first 3 letters of mom's maiden name)
-Harþóásb

6. Your super hero name: (2nd favorite color, favorite drink).
- Black Beer


7. Your Iraqi name: (2nd letter of your first name, 3rd letter of your last name, any letter of your middle name, 2nd letter of your moms maiden name, 3rd letter of you dads middle name, 1st letter of a siblings first name, last letter of your moms middle name)

Órsár

8. Your witness protection name: (mothers middle name)
Nothing

9. Your goth name: (black, and the name of one your pets)
- Black Óskar

oh my....

búin að kaupa afmælisgjafir handa ÖLLUM systrum mínum.
fékk hugmynd, framkvæmdi og keypti... allt á innan við 5 mínútum. á netinu.
er soldið stressuð samt af því að ég er nýbúin að lenda í netsvindli.
en þetta verða BESTU afmælisgjafir ever!

keypti líka eina handa mér :)

drrraasl

netið hjá mér er í ruglinu, dettur inn og út og er hroðalega leiðinlegt :( svo er ég að drepast úr leti. nenni ekki á fætur, nenni ekki að klæða mig, nenni ekki að fá mér morgunmat o.s.frv. kannski gott að taka fram í framhaldi að ég er að fara í tæknipróf á föstudaginn. svona eiginlega 2. stæðsta próf ársins. er svossem alfeg á góðu róli, búin að vera dugleg framan af. en núna vil ég bara sofasofa sofa.
ansans bansans.
hey já í gær fór ég úti búð að kaupa dót með miklum sykri í svo ég myndi kannski ekki sofna með víóluna á öxlinni og Mark sem ég bý með bað mig að kaupa fyrir sig banana. ekki málið ég keypti banana en þegar ég kom heim var hann kominn inní herbergið sitt. þannig að ég skildi bananana eftir í eldhúsinu en skrifaði á þá "Mark´s Bananas".
mér finnst þetta ennþá fyndið.
honum fannst þetta líak mjög fyndið. en ekki jafn fyndið og mér, enda tiltölulega eðlilegur ungur maður.
kvartettinn minn spilaði á tónleikum í St. Martins kirkjunni Birmingham, rétt hjá the Bullring. það gekk bara mjög vel þó við hefðum VEL mátt æfa MIKIÐ meira.
þetta er bara soldið mikið steik.... 2. fiðlan okkar hefur aldrei tíma til að æfa og er óþolandi (týnir nótum, á erfitt með að einbeita sér(ég er viss um að hún sé ofvirk og/eða með athyglsibrest)er alltaf þreytt) en hún er samt nokkuð góð. sellóleikarinn er yndisleg og talar stanslaust en það er bara sætt af því að hún er svo mikil dúlla og svo er 1. fiðlan geðveikt áhugasamur. vill helst æfa 2svar á dag og svoaðsegja lifir fyrir kvartett æfingar. hann er bara svo lélegur! eða svona... ekkert eitthvað vandræðalega lélegur, hefur bara greinilega aldrei verið með almennilegan kennara sem hefur tekið á því að krakkinn spilar eins og gömul eldhústuska. sumir kennarar taka bara ekki ábyrgð á neinu og finnst það ekki vera þeirra að bæta tæknina hjá fólki. en hvernig er hægt að vera frambærilegur hljóðfæraleikari ef það er EITTHVAÐ í tækninni manns sem ekki virkar? ætlaru segja "nei því miður get ég ekki spilað Walton konsertinn með Berlinar fílharmóníunni... ég er nefnilega með svo hræðilega tækni í að spila sexundir"?
hélt ekki. en það sem er eiginlega verst við greyið 1stu fiðluna er að hann tekur allri gagnrýni svo illa. ég er alltaf að reyna ða fá hann til að spila almennilegan tón, sem er reyndar hans versta hlið svo kannski ætti ég að hætta... en hann fer bara í geðveika vörn og ble.
hvernig er hægt að vinna með svona fólki?
æj hvða ég Sakna Tuma. það var kvartett sem kunni að æfa. held... nei, ég VEIT að í gegnum allt námið mitt heima á Íslandi (að öllum viðkomandi nokkurnvegin ólöstuðum)lærði ég mest af því að vinna með stelpunum mínum í Tuma. og það var nú eiginlega bara við sem gerðum allt... fórum í rosalega fáa tíma og fengum sjaldan tilsögn.
aaaallavega. ef einhver er til í að gerast karríer-leigumorðingi á einn lögfræðing og stærðfræðing þá skal ég byrja að safna. djók! :)
æj jæja, nú er ég búin að vera á fótum í næstum tvo tíma, kominn tími á að leggja sig...
já eða drulla sér af stað og æfa:

*alla skala, dúr og moll, arpeggíur og krómatík
*d, es og f dúr og moll í 3undum, 6undum og 8undum.
*c dúr flaututóna, 2 áttundir
*Rode drulluskítaógeðsæfingu nr. 4
*2 hljómsveitarparta (prokofiev og tsjæ 6)

vá þegar maður er búin að skrifa þetta niður lítur þetta út fyrir að vera EKKI NEITT.

leggja.
mig.

ekki hálshöggvin

og sá enga hryðjuverkamenn í dag. nema náttúrulega sekjúrítí gaurinn í skólanum sem virðist ALDREI fara í bað. en tjekkið á þessu: "Þá voru nokkrar bifreiðar fjarlægðar, þar á meðal hvítur sendiferðabíll."
HVÍTUR SENDIFERÐABÍLL?!! ég hjóla framhjá hvítum sendiferðabíl á HVERJUM DEGI. pottþétt sá sami.... nú ferég og kaupi mér meis.
annars allt gott.

mesta bullið

fáránlegasta drulla þessarar annar er komin úr prenti. gjörsamlega ekki pappírsins, hvað þá bleksins! virði. en ég var semsagt, Nauðug, í áfanga um strengjakennslu. einu sinni í viku kom mjög misviturlegt fólk og sagði okkur frá hvernig það kenndi krökkum. flestir reyndu líka að selja okkur kennslubækurnar sem það sjálft hafði gert og þær voru allar svo hræðilega mikið 'það er gaman að læra!' að manni varð hálf óglatt. svo er þetta náttúrlega ekki alvöru nám, frekar en annað bóklegt hér í menntahöllinni Birmingham Conservatoire (tjekkið á franska hreimnum), svo að til að standast áfangann, sem reyndar skiptir engu máli þó maður falli í, þarf maður að skil inn dagbók.
ég var lengi vel að spá í að skila innsvona 'elsku dagbók...' dagbók þar sem ég myndi telja upp það sem ég át, hversu mikið ég saknaði jónssæta og svo myndi hver færsla enda á smá umræðu um hversu ömurlegt veðrið í englandi er. jafnvel þá í samanburði við önnur lönd.
en allavega, þessu er ég búin að skíta útúrmér og bíð núna alfeg í ofvæni eftir að morgundagurinn rísi upp svo ég geti skutlað þessu inn. oh my.

smá sýnishorn til aðþið áttið ykkur nú örugglega á alvöru málsins:

String teaching for an LEA Music Service, John Clemson was again replaced, now with his wife

Sadly I didn’t catch the poor woman’s name which talked to us about the Birmingham music service. She told us what we would have to do and prove to the Music Services when applying for them, which was very useful. We have to hand in an application and have an interview where questions about teaching methods could be asked. Which makes you realize that choosing some sort of a method to follow is maybe not mandatory, but implied. But it’s very good to be able to point out to future employers that I actually have some method to follow, not just making something up on the way.

til hamingju með daginn!

eeeelsku besta sæta Dagga mín!
Þú ert laaaaang best af öllum og ég elska þig.
milljón kossar og knúúúúúús





sjáiði bara þetta smetti... þau gerist ekki fallegri :)

ein handa mömmu

þessi dökki = kaupa tannbursta
rauði = þvo naríur

skrítið hvernig maður verður alltaf líkari og líkari mömmu sinni með aldrinum :) ég er reyndar hæst ánægð með það, það væri mikill heiður að fá að verða jafn yndisleg manneskja og hún mamma mín, þó ég nái nú örugglega aldrei að verða jafn kærleiksrík, myndarleg og skemmtileg og hún. alltaf hægt að reyna samt.

annað skemmtilegt frásagnar er það að frá og með í gær kaupi ég the independent á hverjum degi í viku og á að skrá hversu margir ritdómar eru þar um klassíska tónlist. þetta er sko verkefni í skólanum, mér datt þetta ekki í hug sjálf. en ástæðan fyrir því að ég valdi þetta blað, er sú að the independent gefur alltaf eitthvað með blaðinu. þessa vikuna eru það póstkort með breskum fuglum :) gæti ekki verið meira viðeigandi.

svo mega allir gjöra svo vel og hugsa hlýtt til tveggja ritgerða og einnar fúgu (sem reyndar er þriggja radda) og að sá sem les yfir þessi hroðaverk mín verði uppfullur af þolinmæði, umburðarlyndi og helst hálf sofandi.

en jæja það er kannski kominn tími á ða fara að hugsa um að fá sér kvöldmat... klukkan náttúrulega ekki nema 5 mín í ellefu. :) langir dagar rokka!

ég er svo þreytt að ég er alfeg stíf.
klukkan líka alfeg að verða þrjú bráðum.... en fúgan er búin og ein ritgerðin eiginlega alfeg líka.
svo er ég geðveikt drullug af því ég nenti ekki í sturtu áðan. langar núna en klukann er alfeg að verða þrjú bráðum. maður er svo tillitsamur.
jæja
sofa
lovjúgæs

1284

orð komin í ritgerðina mína um Pipe dream. sem er tónverk eftir einhverja gellu sem finnst ekki í neinum bókum eða bókasafnsskrám. bögg.
kannski er hún ekki einu sinni til. jú ég reyndar rakst á nafnið hennar á google, við hliðina á nafni kennarans sem er með þennan áfanga og á eftir að lesa yfir þessa ritgerð. púff. örugglega einhver svaka vinkona hans og ég rakka niður verkið hennar. neinei segi svona. en þessi ritgerð er svo uppfull af bulli þið mynduð örugglega ekki trúa mér ef ég segði ykkur frá því. ætla nú samt að koma með smá dæmi.... 2 heimildir eru: www.talktofrank.com og http://blackdog.net/games/arcade/pipe/index.html
allt að verða vitlaust.
svo langar mig svo ógeðslega mikið til að taka einn Sims leik mér er næstum illt. en þaðmyndi nú bara enda í 4 tíma maraþoni og ég má nú ekki við því. svo þarf ég að vakna fáránlega snemma á morgun, búin að lofa mér á kvartett æfingu kl. 9. ekkert smá mikil stemming þar á bæ :)

en jæja... 716 orð eftir.

á lífi

þar sem ég sagðist hálfpartinn búast við að hjóla oní holu í gær er kannski best að taka það fram ég gerði það ekki. og það er bara ekert búið að springa á hjólinu samt er ég búin að hjóla tvisvar í skólann og heim. nokkuð gott bara.
helst í fréttum er samt að ég er smá saman að átta mig á því að það verður bráðum að fara að byrja á þessum tvemur 2000 orða ritgerðum sem eiga að skilast á miðvikudaginn. svo þarf ég líka ða skrifa 3-radda fúgu en ég veti ekkert hvenær á að skila henni af því að ég er bbúin aðtýna blaðinu sem það stóð á. á þessu blaði stóð líka í nánari smáatriðum hvað þessi 3-radda fúga átti að innihalda... hvða hún ætti að vera löng og svona...
púúú.
en ég er s.s. búin að fá lánað efni í aðra ritgerðina og finna nótnaskrifspappír (og skrúfblýant!) fyrir fúguhelvítið.
svo nú er bara að hætta að hugsa um kvöldmat, 6 tíma hljómsveitaræfingu á morgun (sem ég er ekki búin að ná mér í parta fyrir) og byrja.
riiiight.

bölvun hjóla-tótu

ég veit ekki hvernig ég get útskýrt þetta án þess að hljóma soldið eins og geðsjúklingur, en held það verði bara að hafa það.
ég er viss um að einhver/eitthvað Vill ekki að ég hjóli og það sé bölvun á hjólinu mínu, eða þá á mér ef ég hjóla á því.
það hefur sprungið á því linnulaust frá því ég fékk það og meira að segja sérútbúnar slím-slöngur virðast bara springa eins og 17. júní blöðrur undir mér þó að framleiðendur þeirra lofi því að öll göt undir 3 mm. eigi sjálfkrafa að lokast.
sem það gerir ekki.
en nú er ég búin að skella nýrri slímslöngu í og allt reddí... þvoði hjólið meira að segja og spreyaði WD-40 á öll sjáanleg liðamót og skrúfganga.
og hvað gerist?
mið-england breytist í andrúmslofts-sundlaug. það hefur rignt stanslaust síðan ég pumpaði í viðgerða dekkið og það ekki smá. líku er spáð út vikuna.
mig er farið að gruna að gæðablóðið Bryngerður amma mín sé farin að færa út kvíarnar og auk þess að setja upp vandlætingasvip og fussa sérkennilega þegar henni mislíkar, sé hún farin að stunda kukl og álaga-ásetningu.
henni fannst s.s. ekki sniðugt að ég skyldi kaupa mér hjól og ætla að hjóla í skólann...

en ég ætla nú bara samt að fara á hjólinu í skólann.

ef hér er ekkert bloggað á næsta mánuði þá hef ég hjólað oní holu og horfið af yfirborði jarðar.

sorry strákar

held við séum búin að láta allar ömmur og frænkur vita svo nú er bara alþjóð eftir:

jæja þá er truntan ykkar komin til fyrirheitna landsins. eða svona...
er allavega aftur komin í fjólubláa herbergi andskotans og ákvað að rifja upp fyrir sjálfri mér ó-tilvist tveggja ritgerða og 3radda fúgu sem sumt fólk ætlast til ég afhendi í byrjun næstu viku.

ætla að bursta tennurnar og sjá hvort það hjálpi eitthvað til.

allavega er kannski möguleiki á örlítli hreyfingu á bloggi allra landsmanna á næstunni, ekki sjens ég nenni þessum ritgerðaniðurgangi án þess að geta vorkennt mér all svakalega mikið.

adju

gleðilegt nýtt ár!

knús og kossar.



ykkar tóta

prumpandi velgengni

svaf 10 tíma síðustu nótt og lagði mig svo um 3 leytið og vaknaði við fréttirnar. dreyndi að gellan sem gaf út matreiðslubókina var að taka viðtal við einhverja starfssystur sína sem var á leið í skipti vinnu (svona eins og skiptinemi) til Keltlands og var mjög spennt yfir að læra keltnesku.
tryllt stuð.
svo bara gamlárs á morgun... hell yeah.
miss tót verður í trylltasta partýinu og býst klárlega við að smallaðar verði rúður og kveikt í öskutunnum, svo maður tali nú ekki um ofsadrykkju, eiturlyf og strippara.

verð semsagt hjá tengdó.
þau eru áttræð.

Gleðileg jól!

stóóóóóóóóri laaaaampinn

jessör krakkar mínir... kellingin bara komin í vinnuna. fæ semsagt eitthvað lítið og löðurmannslegt að gera hér á NÍ í jólafríinu. veitir ekki af aurunum to tell the truth...
reyndar er soldið á huldu hvað það er sem ég á að vera að gera, en það kemur nú vonandi í ljós fyrr en síðar. allavega síðar ef ekki fyrr.
fór í hið huggulegasta kakó og kökuboð í gær hjá krútinu henni Guðný Birnu, eða DjíBí eins og hún er kölluð af gárungum. hitti þar fyrir hið myndarlegasta fólk og voru rifjaðirupp gamlir tímar. ennþá eldri en ég var búin að gera mér grein fyrir... vissuði að það eru 5 ár síðan það var árið 2001? nei bara svona pæling. allavega þá hefði ég gjarnan vilja vera mikið lengur og borðað mikið meira af lakkrís-smákökunum. sjett hvað þær voru góðar.
jamms í jamm jamm jamm.

fór í ræktina í morgun. það var hell boring. held ég einbeiti mér að því í framtíðinni að hætta að borða, svona í staðinn fyrir að lenda alltaf í þessu sprikli á nokkurra ára fresti þegar ég fatta hvað ég er orðin feit. hoho.

svo spilaði ég á tvennum tónleikum á sunnudaginn og það var mjög gaman. Hildigunnur tók reyndar athyglissýkikast rétt eftir hlé og lét fólk halda að hún hefði brotið fiðluna sína. sem hún var ekki búin að. hefði samt verið töff... sé hana ía anda standa bara upp og smalla fiðlunni á hausnum á sér, öskra svo eitthvað pólítískt.... "ÞJÓÐGARÐ Á KÁRAHNJÚKA!" eða eitthvað og bíta svo trélufsurnar sem eftir væru af fiðlunni og hrista hausinn í tryllingi eins og brjálaður hundur. neibara pæling...

ÞAÐ væru almennilegir SÁ tónleikar.

Guðný Guðmunds datt líka næstum því í uppklappinu svo að salurinn tók andköf.
Sif vorkenndihenni en mér fannst þetta bara fyndið og gott á hana. en ég er nú líka frekar mikið kvikyndi og illgjörn í anda.
jæja nú er best að þegja áður en viss hópur manna og kvenna nær í kaðal til að hengja mig með.

hmoooaaah.

ps- kaffi er gott og það á eftir að ryksuga ganginn heima hjá mér

nammi nammi namm!

komin heim í heiðardalinn og er mjög kát með það allt saman.
lét svo plata mig í 2 gigg á sunnudaginn sem næstum því skarast, en þó ekki. smart :)
fékk æðiæðiæðislega crocs skó frá mömmu í afmælisgjöf (ok ég hjálpaði aðeins) og er ekki búin að fara úr þeim.
það er gaman.
er að bíða eftir jónisæta sem var að hjálpa vini sínum með einhverja tölvu útí bæ. venjulega er hann nú reyndar ekki mjög tölvu-hjálplegur, en þar sem það var víst honum að kenna að talvan var biluð þá gerði hann undantekningu. haha. en hann er nú samt á leiðinni heim og ætlar að kaupa eitthvað mæjhjong að borða á leiðinni. vona að það sé gott. annars er hinn sæti í einhverju brjálæðislegu heilsuátaki og maður er eiginlega neyddur til að taka þátt. svossem ekkert slæmt... bara erfitt að standast allt þetta góóóða ííííslenska nammi.
nammi namm.

en jæjajæja, wagner æfir sig ekki sjálfur.

ps- er með gamla númerið ef einhver vill heyra í mér hljóðið (er í h-dúr)

á leiðinni...

sit við tölluna og legg Spider kapal, bíð í ofvæni eftir því að klukkan verði nógu mikið til að ég geti farið að leggja af stað :) tek lest hálf tvö beint á stansted. tekur reyndar 3 tíma og hálfan, en í staðinn þarf ég ekki að fara niður í miðju helvítis og ferðast fram og til baka í svokölluðu Tjúbi. mikill kostur.
svo er ég líka með víóluna svoég get kannski bara æft mig. hoho :) eða ekki.
reyndar er ég þvílíkt búin að undirbúa mig af því ég er svo stressuð að fólkið á flugvellinum reyndi að senda pólsku ástina mína í flugvélalestin :( en samkvæmt www.BBA.co.uk sem er síða fyrir alla flugvelli í bretlandi þá eru "musical instruments" leyft AUK einnar tösku í handfarangri. ég var náttúrulega mjög sniðug og prentaði þessa síðu út svo ég get bara troðið henni framan í fólk ef það fer að abba sig. svo ég er líka búin að skrifa iceland express og þeir sögðu þetta væri meira en lítið í lagi.
púha.
ég er bara ekki alfeg hress á að vera að rífast við eitthvað skrifstofufólk. en svona er nú það. svo er ég búin að downloada fullt af jólalögum svo ég verð í trylltu jólastuði þegar ég lendi um ellefu leytið í kvöld :)

sjáumst heima!

taaaaakk

takk takk takk öll elskurnar mínar sem senduð mér sms eða comment eða bara hugsuðuð FALLEGA til mín!
þetta var sveimérþá bara ansi ágætur afmælisdagur... reyndar aldrei lent í þessu, en ég hlakka meira til að koma heima á fimmtudaginn heldur en að eiga afmæli. weird.
en það er nú kannski af því að ég fæ alla pakkana mína þá! :) hoho

elska ykkur öll
knús og...

ég á afmæli....

í dag!!
húrra húrra.
tilhamingju ÉÉÉÉÉÉG!

þessir tenórar!

http://mbl.is/mm/folk/frett.html?nid=1240786

þvílík drottning. best finnst mér samt síðasta línan. hvað ætli þeir hafi látið hringja lengi? og ætli einhver hafi setið við símann og hugsað með sér: "úff þettaer mogginn... ég ætla EKKI að svara"

hálftími

:)

held ég nú

er að teikna/lita jólakortin í ár. þau verða spes... alfeg búin að gleyma hvað er gaman að föndra, maður hættir alfeg að hugsa og bara dúllast eitthvað. aaah já, gott að hvíla toppstykkið aðeins.
keypti jólagjöf í dag. svo ætlaði ég að kaupa aðra, en búðin var lokuð (enda klukkan að verða 6 á sunnudegi). ég var reyndar soldið kát með að hún skyldi vera lokuð, vegna þess að hún opnar aftur á morgun og þá með HEVÍ útsölu.
soldið skrítin tímasetning... þetta er örugglega eitthvað sölutrikk hjá þeim, en sama er mér ef það sem ég ætlaði að kaupa verður fyrir vikið ódýrara. veitir ekki af þar sem ég er gjörsamlega hangandi á nöglunum og bíð í ofvæni eftir borguninni frá gigginu sem ég gerði um daginn uppísveit.
það held ég nú.
Barrokk kontrapunktur í fyrramálið, verð að fara að drífa mig í lúllann, vonandi þurftum við ekkert að læra heima... :s kemur í ljós, hoho.

sjálf ég sjálf

ég er sjálfhverf. held það sé orð. allavega þá er ég að hlusta á jóladiskinn hennar Þórunnar Guðmunds og mér finsnt bara gaman að hlusta á lögin sem
1)ég gerði textann við eða
2) ég er að spila. hoho.
mér til afsökunar má taka það fram að þetta er eini jóladiskurinn sem ég er með hér í eymdinni (birmingham). óþarfi er líka að taka það fram það þetta ERU langbestu lögin ;)
svo er ég bráðum að fara að setja upp jólaseríu í herbergið mitt (þegar ég nenni... gæti verið eftir smá stund). maður er kominn í svo mikið stuð. reyndar er ekkert að marka neitt jólastuð fyrr en ég heyri Jólagesti með Björgvini Halldórs, þá fyrst blómstrar jólaskapið. það er Beeeeeesti jóladiskur í heimi (ekki satt mamma?) :D þá vil ég sérstaklega benda fólki á lagið þar sem aumingja Bó gengur um í rifnum fötum og börnin virðast vera "ekkert skaðleg".
mesta snilld í heimi.
annars er ég bara nokkuð hressá pakkanum, stakk af óperusenu sýningu í skólanum í hléi. þvílík hörmung. skil ekki alfeg hvað er í gangi með standardinn í þessum skóla. (hvað standard? þeir hleyptu mér inn hoho). svo bara styttiststyttist, kem heim 14. des :D

sjö og hálfur

núna eru 3 þjóðverjar (að minnsta kosti, einhverjir gætu verið að fela sig) niðri í stofunni minni svo ég nenni ekki niður að fá mér að borða, þó ég sé solið svöng og alls ekkert í ófélagslyndu skapi.
en góðu fréttirnar eru aldeilis að hrannast uppp hjá mér :D búin að finna hvað ég ætla að gera jónisæta í jólagjöf (PÚÚÚÚ HAAA!), fékk bækurnar frá amazon sem ÉG ákvað að gefa MÉR í afmælisgjöf, æfði mig mjööög mikið svo ég er ekki lengur mjööög stressuð yfir að fara í tíma á morgun og uh... ég ´þurfti ekki að bíða eftir strætó, því hann kom um leið og ég var komin á stoppistöðina.
svona er nú mikið stuð í birmingham á miðvikudögum.

áf víder (eins og fólkið niðri myndi segja)

fly fly away... you´re a BUTTERFLY.

Derelieght!

aftur orðin ein af fjórum, David fór í morgun back to america, eins og segir í laginu. sumir eru örugglega ansi fegnir en mér finnst þetta eiginlega soldið sorglegt, hann tók líka allt draslið sem ég var að geyma fyrir hann undir rúmi svo nú er allt ennþá meira sorglegt. það er gaman að vera með gesti.
svo er ég að mana mig uppí að klæða mig og drífa mig í skólann. þarf að æfa mig í 15 tíma í dag svo égnái að vinna upp kæruleysið um helgina :S en mér til afsökunar hef ég stórtónleika sem ég spilaði á mánudagskvöld. það var nú meira ævintýrið og þarf held ég auka færslu fyrir sjálft sig...
jæjajæja af stað með þessa gæru.

stuð á Milner Road

David kominn í heimsókn og strax farinn að láta eins og api.
nei djók :) brjálað stuð og við erum búin að fá hláturskast yfir enskum auglýsingum og tala illa um alla sem við þekkjum.... aaaah alfeg eins og í gamla daga :)

ég nenni ekki að æfa mig og ég nenni ekki að það er sprungið á hjólinu mínu ÞRÁTT fyrir svaklegu slímslönguna :( ég er bara greinilega orðin of FEIT til að geta hjólað.
búhú

strengja nörda blogg

ég var að horfaá 10 fingur með Guðnýju guðmunds á rúv vefnum og þótti mér það mjög skemmtilegt og fróðlegt. sérstaklega fannst mér gleraugun hennar Kötu minnar skemmtileg þar sem hún situr í annari fiðlu á einhverri gamalli klippu frá sjónvarpinu.
Nú ætla ég heldur alls ekki að segja neitt ljótt um GG enda yrði ég hengd úr næsta tréi áður en ég næði að klára þessa færslu, en HVAÐ ermálið með fjórða fingur vinstri handar? :o Rrrrrivka Golani myndi fá brjálæðiskast.
"what is this? is your finger paralyzed? is it sleeping or hiding? it´s your finger, you control it!"
jájá.
mikið eru þetta annars skemmtilegir þættir, vildi það væri hægt að horfaá þá alla, ekki bara þann sem var síðast í sjónvarpinu.
rokk

viðbót 1) jú það er hægt að horfa á gamla þætti, bara ekki þætti sem á eftir að sýna. ég er s.s. soldið gráðug að vilja horfa á þáttinn með Ásdísi Valdimars :D hóhó hvað verður gaman hjá mér í kvöld!

Call Fox Mulder.... NOW!

í morgun þegar ég fór á fætur þá var Mark sambýlingurinn minn að líma svartan ruslapoka á sturtuna okkar.
"jájá hanner breti greyið" hugsaði ég og var svossem ekkert að æsa mig, en svo tjáði hann mér það að gler í Nýju (varla 2 mánaða) sturtunni okkar hefði verið brotið þegar hann kom niður. við hváðum þarna hvert ofaní annað í smá stund en kenndum að lokum aumingjans þjóðverjanum um, af því að hún fer alltaf snemma í skólann. svo sópuðum við öllum glerbrotunum (eða svo gott sem) upp og mark fór í sturtu... mjög mikið í öðrum helminginum.
seinna mætti ég svo þjóðverjanum í eldhúsinu og hún var nývöknuð, enda soldið lasin. og hún hafði sko aldeilis ekki brotið sturtuna.
þannig að þetta er mikil mistería.
æj æj og ó ó.

æj æj

ég fór á æfingu í morgun af nútímastykkinu sem ég er að spila í. píanó, flauta, klarínett, trompet, fiðla, víóla, selló og kontrabassi. og slagverk en það er nú eiginelga ekki hljóðfæri svo maður telur það ekkert með (hehe).
gekk svossem bara ágætlega sovna þannig. tónskáldið hefur greinilega ekki mikla trú á víóluleikurum því ég er nokkurn vegin alltaf að gera það sama og fiðlan eða sellóið. nema þegar koma reglulega erfiðir kaflar... þá er ég í þögn.
en maður svossem kvartar ekki yfir því :)
það semer meira merkilegt er að ég hjólaði í skólann og aftur heim og er þessvegna orðin mikið mjórri en í gær. ég er líka öllu meira illa lyktandi af því að ég svitnaði svo mikið. apalegt.
en svo er ég komin heim og ætla að fá mér góðan -EN kaloríusnauðan hádegismat og æfa mig svo geðveikt mikið þannig að fólk verði alfeg bara "vó... sjett..." næst þegar það heyrir mig spila.
jeh.
eina sem angrar mig smá, er að ég er eiginlega allt í einu orðin skítþreytt og rúmið mitt er meira en heillandi.
púúúúúú!

ein, tvær og fjórar

hó hó ég er komin í víólu kvartett! gerist ekki betra en það. nema ef vera skyldi víólu kvintett.
ótrúlega magnað hvernig víóluleikarar ná einhvernveginn saman án þess að leggja neitt mikið á sig (örugglega af því að við erum svo frábær), en "venjulegi" kvartettinn minn er búin að vera að æfa on-off í meira en ár og ekkert gerist, eða svona næstum, maður er alltaf hálfvegis að óska þess að fólk bara drepist, nei kannski soldið ýkt, en á fyrstu víólukvartettæfingunni smullum við bara saman eins og púsluspil, æfðum í meira en klukkutíma, plönuðum svo 2 æfingar og útaðborða- svodjamm. og fengum svona 10 hugmyndir af tónleikum sem við ætlum að spila á (og ekki gleyma kammermúsík-keppninni sem við erum staðráðin í að rústa), verkum sem eru til og verkum sem við viljum útsetja eða láta útsetja. gigg sem væri hægt að redda og jólaprógramm sem mun RÚLA.
sumu er bara gjörsamlega hent upp í hendurnar á manni :)

ég er í ruglinu

nennir einhver að segja mér afhverju ég er, annað kvöldið í röð, ennþá vakandi þegar klukkan er farin að nálgast tvö?
ekki sniðugt fyrir litlar stelpur að vera að svona hangsi.
æj æj æj
ég þarf nú reyndar ekkert að vakna snemma í fyrramálið, þannig að þetta er nú svossem ekkert alfeg voðalegt, en júnó... samt bömmer. svo þyrfti ég að fara út með ruslið af því að ruslakallarnir koma á morgun.
æj nú fer ég að sofa.

ó nei!

ég er alfeg að drepast (vægast sagt) úr hungri og ég á EKKERT að borða. nema 2 skinku og sif sneiðar. en ekki brauð. svo á ég reyndar epli.
en hverjar eru líkurnar á því að ég fái mér epli og skinku í kvöldmat?
litlar.
þannig að það lítur út fyrir að ykkar heittelskaða þurfi að bregða sér af bæ. neeeeenni því ekki... ooooh. svo þarf ég að fara á æfingu í kvöld. eða þarf... þetta er svona áhugamannaband sem ég hélt að væri bara gaman að gera en svo kom í ljós að það var það eiginlega ekki og æfingin er hinumegin í bænum svo það tekur mig örugglega klukkutíma að komast þangað. eða svo gott sem. æj ég ætti nú samt að drífa mig. aldrei að vita, kannski æfðu sig allir geðveikt mikið frá því ég mætti síðast og stjórnandinn ákvað að hætta að vera svona mikið fyrrverandi trompetleikari.
aaanywaaaays... útí búð með hana.

Pandora Internet Radio og nýjir nágrannar

er frábær uppfinning og ég kvet alla til að skella sér þangað... Núna.
allavega.
nýjasta nýtt frá verbúðinni "veröld tótu" er svossem ekki mikið til að tala um. nýja talvan er ennþá eins og geimskip í miðju herberginu og kassinn utan af henni er svo stór ég sé ekki í hendi mér hvernig ég á að geta geymt hann "þangað til ég kem heim" eins og minn elskulegi heimtar. ég mun þó reyna mitt besta.
sem er það besta sem maður getur, ekki satt.
svo er nýjasta æðið hjá mér að slökkva öll ljós og horfa útum gluggan útí garð. soldið sikk ég veit, en nágrannar mínir eru svo "sniðugir" að setja ruslapokana sína útí bakgarð þegar þeir eru fullir. þegar pokarnir eru fullir, þeas, ekki nágrannarnir, held örugglega þau drekki ekki, þetta eru nefnilega kínverjar (eða eitthvað svoleiðis). aaaaallavega þegar pokarnir eru komnir útí myrkrið í bakgarðinum hætta þeir að vera leiðinlegir illa lyktandi pokar og breytast í girnilega exótíska veitingastaði fyrir villt dýralíf Birmingham B29 7RQ.
sem sagt rottur.
og við erum ekki að tala um litlar sætar ljósbrúnar rottur sem borða vínber og kúka í blómapotta. þetta eru stórar og myndarlegar, vel í holdum rottur sem tísta og hlaupa stundum á grindverkið svo að það heyrist svona "búmm" hljóð. einhverra hluta vegna finnst mér þetta mjög athyglisvert og er þessvegna oft útí glugga.
held pottþétt ég hefði farið í líffræði og síðan tekið mastersverkefni við að rannsaka atferli meindýra í framhaldi, ef ég hefði ekki lent í þessum sveitta tónlistarbransa.
annað sem er miður skemmtilegt að segja frá er það að ég ét svo mikið þessa dagana að ég er hætt að komast í nein föt og er orðið illt í hnjánum. held þetta endi með því að ég kem heim í svona börum eins og Keikó :) neidjók, megrun á morgun... lofa.

kyss until later...

ætla að reyna að ná mynd af nýju vinkonum mínum, læt ykkur vita.

oh my god

ef þið sæuð tölvuna sem ég var að fá innum dyrnar þá mynduð þið öskra. ég gerði það. eða allavega svona smá. hún er HUUUUUUUUGE. en töff :)
tónleikarnir í gær gengu bara vel, jájájá, elgar var bara ekki eins hræðilegur og ég hélt. fórum svo aðeins á The Stage eftir tónleikana og svöluðum þorstanum.
enda er þynnka jóns í heimsókn og ég er að spá í aðfara út og kaupa mér eitthvað sveitt :) ef ég get rifið mig frá nýju óóógeðslega flottu DELL tölvunni minni.
gæti orðið erfitt.

brummm brummm

áðan þá var ég dugleg að æfa mig, tók hressilega í vinkonuna eins og hægt væri að segja ef maður væri sjómaður eða eitthvað svoleiðis. svo eftir á settist ég við traktorinn minn (tölvan mín gefur frá sér mikið hærri hljóð en eðlilegt er) og spilaði þónokkra pac-man leiki. metið mitt er 57 þúsund og eithvað.
allavega, þar sem ég sat þarna í tölvuleik tók ég eftir að ég var með fjörfisk í vinstri upphandlegsvöðvanum. þanig að mér leið soldið eins og bíl...

æj...
þetta hljómaði sniðugara áðan en núna.
allavega.

ekki borða pizzu fyrir háttinn

vaknaði í nótt við það að mér fannst rottur vera að skríða inn um gluggann minn. sem þær voru klárlega ekki aðgera, en samt var ég geðveikt hrædd og var viss um að stafli af geisladiskum í gluggakistunni minni væru rottur. sem þeir voru klárlega ekki.
með ótrúlega sterku átaki tókst mér að fara framúr og loka glugganum.
svo lá ég heillengi og var asnaleg, þangað til Christine meðleigjandi minn kom heim og þá var ég Alfeg viss um að það væri einhver að brjótast inn og stela sjónvarpinu sem er niðri. ekki skánaði svo hjartalínuritið þegar bófinn, sem var í raunninni ekki bófi heldur Christine fór að labba upp stigann.

en svo sofnaði ég að lokum og bara var að vakna :) svo er það bara ristað brauð, sódavatn, jógúrt og America´s next top model!!
húrrahúrra.

blogg í bili

mér er soldið illt í bakinu vegna þess að ég sat skakkt í strætó áðan.
það er asnalegt.

komin með "gömlu" tölvuna mína aftur, þeas tölvuna sem ég keypti fyrir rúmu ári og var svo voðalega ánægð með. hún er sem sagt núna komin með sitt ÞRIÐJA móðurborð en slekkur samt á sér svona eftir dúk og disk. óóóóóþolandi.
ég er búin að öskra og lemja í skrifborðið mitt, en það virðist ekki virka.

hún er reyndar "bara" búin aðgera þetta tvisvar, en það er tvisvar of oft. við jónsæti erum búin að skrifa mjög harðorðað email til Acer customer service í englandi, en mig grunar nú einhvernveginn að þeir eigi ekki eftir að gera neitt. svo er garmurinn náttúrulega komin úr ábyrgð svo ég sé ekki alfeghvert þetta stefnir.

allir að byrja að safna monní og gefa mér nýja tölvu í jólagjöf? nei segi bara svona.

annars er ég á barmi taugaáfalls, Rivka kemur á morgun og ég er eiginelga ekki búin að æfa mig neitt. þaðer svona þegar maður er að þvælast útum allar jarðir. púff, held ég skelli mér bara á hnéskeljarnar og biðji fyrir þessu, eiginlega það eina sem mér dettur í hug til að bjarga á mér rassgatinu. :)

Til Hamingju Með Afmælið Iðunn!!

biðst innilegrar afsökunar á að skrópa í partýið... er bara soldið upptekin við að knúsa einn kall sem ég þekki. :)
bæti þér það upp síðar, lofa!
:*

áðan fór ég aðeins að vorkenna sjálfri mér og finnast erfitt að vera ég.
en svo fór ég að spá hvað það væri nú mikið erfiðara að vera einhver annar... ég meina, maður myndi ekki vita neitt, kannski myndi maður hoppa ofan af stól og ekki vita að í raunni væri maður með bilað hné.
til dæmis....

HJÁLP HJÁLP!!

England er að reyna að drekkja mér!
hér er mjög gróf morðtilraun í gangi og enginn sýnist ætla að koma mér til bjargar. nú er búið að rigna stanslaust í allan dag. og við erum ekki að tala um neinn úða eða smá skvettur, NEINEI! hér ganga Gusurnar hver yfir aðra svo maður sér varla útum gluggana, og mér sýnist bakgarðurinn okkar vera smá saman að breytast í sundlaugar busl-laug fyrir börn.
afar athyglisvert er líka að benda á það að ég er EKKI með þvott úti á snúru. aftur á móti gæti verið sniðugt hjá mér að hengja óhreina þvottinn minn út núna, skella á honum handfylli af þvotta efni og láta þessa niðurkomu sjá um afganginn.
jah eða bara leggja mig.... jább, Betra.

Bara í Bretlandi

í gær fór ég útí búð (með fjólubláa nectar kortið mitt :) og keypti fullt af allskonar dóti. m.a. þurfti ég að kaupa sykur.
eftir að hafa leytið mjög lengi um alla búð og þá sérstaklega í bökunarvörudeildinni spurði ég eina afgreiðslukonu. útí endarekka... við hliðina á TE-INU!
nema hvað?

letiblóðið punktur is

vaknað kl. 10 í morgun og fór í sturtu, ætlaði sko aldeilis að vera dugleg og byrja að æfa mig snemma og svona.
en núna, klukkutíma seinna er ég svo þreytt að ég er komin með krónískan geispa og næ varla að halda mér uppréttri. og ég er ekki einu sinni búin að pakka upp! hvað er eiginilega að? kannski lagast þetta ef ég fæ mér eitthvað að borða...ef ekki þá verð ég nú bara að fórna mér og hvíla hausinn á mér á dúnmjúkum kodda undir þéttri og góðri sæng.... mmmmmmm (betra)

erfiður dagur?

virkar prentarinn illa og ljósritunarvélin með stæla?

http://www.kvikmynd.is/indexdetail.asp?id=2630

þessi gaur er neeeeeeettur :)

þessi er fyndinn

púff + enn eitt vesen me ðhjólið

fór í Baroque Counterpoint í morgun og það var óóóógeðslega kalt, þannig að (útaf kuldanum) neyddist ég til að fara í Waterstones og kaupa 3 bækur (kauptu 2 og fáðu 3). svo kom ég heim og gladdist yfir því að Nectar kortið mitt var komið innum lúguna. svona afsláttarkort... algjörlega gangslaust, en ég meina hey hver vill ekki eiga fjólublátt kort í veskinu sínu með nafninu sínu á því?
svo ákvað ég að dagurinn í dag væri ekki rétti dagurinn til að byrja að fasta (útaf kuldanum) og fékk mér jógúrt. en mér var ennþá svo kalt (útafkuldanum) svo ég ákvað að fara aaaaaðeins uppí rúm og hlýja mér. það tók 2 tíma og ég náði að hvíla meðvitundina líka sem er gott. mér er samt ennþá kalt.
aaaaaaaallavega!
svo er það blessað hjólið.
vissuði að teinarnir innan í gjörðinni (þessir sem maður festir endurskinsmerki á) eru í rauninni það sem heldur gjörðinni saman og passar að hún sé ekki skökk? allavega þessir teinar voru allir mjög lausir á gjörðinni minni svo að hún var soldið skökk. ég hélt nú að þessi teinar væru bara eitthvað djók, en það er nú ekki. það var s.s píparinn sem endurgerði baðið okkar sem benti mér á þetta.
hann reyndi líka að laga hjólið fyrir mig... það er s.s. hægt að skrúfa til þessa teina. en honum tókst það ekki alfeg svo ég ákvað að reyna bara sjálf að rétta hjólið til.
hversu erfitt getur það verið, ha?
allavega er hjólið núna orðið svo skakkt að það minnir meira á égveit ekki hvað. bara alls ekki kringlótt hjól. en ég hringdi í Selly Oaks Cycles og maðurinn þar hljómaði mjög viðkunnanlegur og sagði mér bara að koma með það og hann myndi líta á það.
púff.

þannig að nú þarf miss tót að fara aftur út.
en þar sem ég verð með Nectar kort í veskinu hljómar það bara alls ekki illa, eiginlega bara vel. og drottinn minn dýri ef þetta verður ekki til þess að hjólið komist í lag og ég geti farið að hjóla í skólann þá veit ég ekki hvaða ógurlegu örlög eru á þessu dóti.

awesome :)

til hamingju með afmælið!

elsku Jón minn!



bestur í heimi :D

sökkar!

fór í bað í morgun eftir að hafa hent ungfrú kónguló út í garð og fór svo á vigtina.
semsagt eftir að hafa hvorki borðað nammi né kók í 2 vikur, bara hollan mat og fullt af ávöxtum og drekka vatn eins og það sé enginn morgundagur, þá er ég búin að þyngjast um 0,2 kíló.
lífið er ósanngjarnt og ömurlegt og ég ætla að vera í fýlu í allan dag.

ég ætlaði í bað, en viti menn... ungfrú HLUSSUSTÓR KÓNGULÓ ákvað að hreiðra um sig þar. og ég bara var ekki í stuð til að veiða hana í glas og henda út.
fer bara á morgun. ekkert betra en að sofna í smá fýlu :)

púff

ég er að velta því fyrir mér:
1) hvort ég eigi að fara niður og horfa á sjónvarpið eða bara hafa það kósí hérna með tölvunni minni.
2) hvort ég eigi að fara með hjólið mitt inní bakgarð, eða taka smá áhættu og skilja það eftir fyrir framan hús, læst við grindverk.
3) hvort ég nenni í bað eða
4) hvort ég eigi eftir að deyja úr svitalykt

vá en erfitt hjá mér

Elgjarlega horrible

þeir sem hafa spilað Elgar symfóníu nr. 1 vinsamlegast hristið af ykkur viðbjóðshrollin, takið ykkur síðan til og sendiði mér samúðarskeyti, þar sem þið vitið hversu miklar hörmungar ég er að ganga í gegnum.
þessi "sinfónía" er gjörsamlega óspilandi og svo heyrtist hvort semer ekkert í neinu út af því að brassið ælir ofan á sjálft sig í öðrum hvorum takti.
hvað var maðurinn eiginlega að spá?
Hversu sterkum lyfjum var hann á, og var það í Alvörunni nauðsynlegt?
raddæfing á morgun.
ég kveð ykkur kæru vinir. Rivka á eftir að Stúta víóludeild tónlistarakademíunnar í Birmingham kl. 1400 á morgun.
adju.

NÁMSKEIÐ FYRIR KARLA
Allir velkomnir


Ath: Námskeiðin eru flókin þannig að aðeins átta geta sótt hvert námskeið
sem tekur allt að tvo daga.


Dagskráin er eftirfarandi:


Fyrri dagur


Hvernig á að fylla ísmolamót?
Skref fyrir skref með glærusýningu


Klósettrúllur vaxa þær á klósettrúlluhaldaranum?
Hringborðsumræður


Munurinn á ruslafötum og gólfi
Æfingar með körfuefni - teikningar og módel


Diskar og hnífapör: fer þetta sjálfkrafa í vaskinn eða uppþvottavélina?
Pallborðsumræður og nokkrir sérfræðingar


Að tapa getunni
Að missa fjarstýringuna til makans - Stuðningshópar


Læra að finna hluti
Byrja að leita á réttum stöðum í stað þess að snúa húsinu við gargandi -
Opin umræða


Seinni dagur


Tómar mjólkurfernur: eiga þær að vera í ísskápnum eða í ruslinu
Hópvinna og hlutverkaleikir


Heilsuvakt: það er ekki hættulegt heilsunni að gefa henni blóm
PowerPoint kynning


Sannir karlmenn spyrja til vegar þegar þeir villast
Sönn saga frá manninum sem spurði til vegar


Er erfðafræðilega ómögulegt að sitja þegandi meðan hún leggur bíl?
Ökuhermir


Að búa með fullorðnum: Grundvallarmunur á því að búa með mömmu þinni og
maka
Fyrirlestur og hlutverkaleikir


Hvernig á að fara með eiginkonunni í búðir
Slökunaræfingar, hugleiðsla og öndunartækni


Að muna mikilvægar dagsetningar og að hringja þegar þér seinkar
Komdu með dagatalið þitt í tímann


Að læra að lifa með því að hafa alltaf rangt fyrir sér
Einstaklingsráðgjöf og samtöl

SO true

allt að skána

keypti nýja slöngu í hjólið mitt, svo kallaða "slim in a tube" sem er gjörsamlega ótrúlega sniðugt fyrirbæri. það er semsagt eitthvað slím inní hjólaslöngunni svo þegar koma litlar holur (eins og þessi sem ég lenti í um daginn og var svo lítil að ég fann hana ekki) þá tekur slímið til sinna ráða og fyllir upp í gatið og þornar utan um það.
sniðugt?
held það nú.
svo keypti ég líka standara.
þannig að ef í fyrramálið EITTHVAÐ klikkar, þannig að ég get ekki hjólað í skólann þá get ég svo svarið það ég fer með elskuna mín og gef rauða krossinum og þeir geta sent það til afríku. með slíma-dekki og öllu.

:(

þegar ég vaknaði í morgun voru komnir kallar að rífa niður baðherbergið okkar svo ég gat ekki farið í sturtu, ég hringdi í fucking UCE og fæ ekki að taka aukaáfanga í ensku og allt loftið var runnið úr hjólinu mínu.
spurning um að ÆLA á einhvern af pirring?

tóta handlagna

hvað gerist þegar maður setur offitusjúkling á blöðru?
já það er rétt, það sprakk á nýja hjólinu mínu í dag :( sprakk er nú kannski ekki rétt orð vegna þess að þegar ég svo tók slönguna út til viðgerðar var ég í mestu vandræðum með að finna gatið. þurfti að lokum að beita "gamla góða" vatn í bala aðferðinni. og svo var ég alltaf að týna gatinu það var svo geðveikt lítið og það var ekki einu sinni hægt að finna það með fingrunum. hins vegar gat ég fundið loftstreymið með tungubroddinum, svo þarna stóð ég í eldhúsinu mínu með vatn í bala, öll útí hjólasmurningu ullandi á hjólaslöngu.
smart.
en mesta verkið var samt að losa aðra skrúfuna á sjálfu hjólinu. my god. ég sem hef nú alltaf talið sjálfa mig frekar sterka (get opnað marmelaði krukkur og svona) varð bara absalút að játa mig borna ofurliði. tók nú samt alfeg helling til og ég er með marbletti í öðrum lófanum og ég braut einn skiptilykil. svo kom þjóðverjinn sem er eins og fluga í kringum Christine húsfélaga minn og þóttist nú alfeg geta skrúfað eina skrúfu.
gat það ekki.
hmoah!
svo kom krúttið hann Mark og bauðst til að hjálpa mér. kom með góðan alvöru skiptilykil og hamar. náði s.s. með miklu átaki að lemja skrúfuna til hlýðni.
:)
en nú er hjólið mitt tilbúið (aftur) til reiðar og mun ég gera ÞRIÐJU tilraunina til að hjóla í skólann á morgun.
awesome.

víííííí!

það eru þrumur og eldingar í birmingham

tóta tölvukall

dojo jojo joooon!
eða eitthvað. mér finnst ég bara verða að mega monta mig, en prentarinn/skannarinn sem darling David seldi mér í júní, vildi áðan bara prenta út (svo ég prentaði út blað sem á stóð "prump" ég=fyndin) en ekki skanna.
ég bölvaði mikið, fór á klósettið og fékk mér te. rístartaði svona þrisvar og fór í svo útí dramatískar aðgerðir eins og að spurja hina yndælu iðunni um hjálp sem ég og fékk. reyndar virkaði skanninn ekki eftir hina góðfúslega veittu hjálp og var honum því blótað enn meir. en ég, tóta tölvukall, gekk skrefinu lengra og fann hvað var að og lagaði það!
húrra fyrir mér.
ekki spurja mig samt hvað það var sem ég gerði, því ég veit það ekki. :)
en það sem ég vildi endilega, ENDILEGA skanna svona klukkan hálf eitt á föstudagskvöldi var þessi mynd hér:



bara svona sanna fyrir mér og öðrum að ég nota hendurnar ekki bara í að spila á þessa víólu, klóra mér í eyranu og búa mér til ógeðslega vondar samlokur í kvöldmat :)

ámm

ég bjó mér til grjónagraut með rússínum í kvöldmatog tróð í mig ristuðu brauði með osti með því. nammi namm.
einhverra hluta vegna stend ég á þvílíku blístri að ég get eiginlega ekki hreyft mig og finnst ég alfeg vera að sofna vakandi.
enda væri nú soldið að sofna ef maður væri sofandi, ekki satt?
allavega.
HJÓLIÐ MITT KOM Í MORGUN!!!
og það er ógeðslega flott og gott og sniðugt og skemmtilegt. ég var svo ánægð að ég var farin að minna mig sjálfa á tístudúkku. frekar púkó svona þegar maður er orðinn þokkalega gamall og virðulegur og hættur öllum svona skrípaleik. en ég fór s.s. í kjölfarið niður í bæ og keypti lás, ljós og körfu :) skildi hjólið eftir í stofunni, ohoh (var nú með smá bömmsa yfir því). en svo fór alfeg klukkutími í að skrúfa alla þessa aukahluti á, enú er fákurinn tilbúinn til reiðar.
svo fór ég í smá hjólatúr út í Co-op og keypti mjólk og rússínur. alfeg með körfuna og allt. vá ég er orðin svo pró-hjólagella. :) var samt alfeg með í maganum inní búðinni því að ég var viss um að einhver myndi stela hjólinu mínu þó það væri læst.... það var nefnilega myrkur.
:p
maður er ekki normal í þessu.
en svona getur nú verið gaman í Birm þó mðaur sé fjölskyldu, vina og kærastalaus :)

bömms

ég var að reyna að æfa mig en finnst ég geðveikt léleg svo ég hætti. svo kom Vicky og spurði hvort hún mætti endurraða í skápana sem ég var í 3 tíma í gær og einhverra hluta vegna fer það geðveikt í taugarnar á mér :p
soldið púkó, en svona er maður bara. stundum fara hlutir í mann án þess kannski að það sé mikil (eða nokkur) ástæða fyrir því. annars var ég mjög hugrökk áðan og handsamaði (með glasi og blaði) riiiisa stóra kónguló.
núna ætla ég útí búð og kaupa brauð og eitthvað að éta. og setja það svo í skápinn MINN, ekki skápana OKKAR :@

en hér fylgir svo mynd af (núna) frjálsu kóngulónni...

ó mæ god!

haldiði ekki bara að ég hafi verið að kaupa mér hjól.
online!
frá ARGOS!
og þeir ætla að senda það heim til mín!

ómæ þetta á eftir að enda í einhverju geðvonsku kastinu :) hef ekki mjög góða reynslu af svona senda heim fyrirtækjum hér í Bretlandi.
en þetta er samt ógeðslega flott hjól... sko alfeg þokkalega Ladies Comfort Front Suspension Cycle, ég get bara varla beðið :D

þeir sem þurfa að segja eitthvað ljótt um hluti keypta úr katalógum geta bara gjört sér svo vel og loggað sig inná www.kuktuathig.com, en þeir sem vilja koma í hjólatúr með mér eftir (vonandi, krossleggið fingur plís, jafvel tær) minna en 10 daga, eru meira en lítið velkomnir.

húrra húú!
ykkar einlæga,
hjóla-tóta

vídjó af fuglum

sem voru mjög frekir. við fórum sko í smá göngu, ég, David og Haniyyah. gáfum fuglunum rits kex og vorum næstum týnd :)

e: the video of the bitchy birds in the park :)

:(

búin að reyna að ná sambandi við þrjár manneskjur á msn en enginn svarar mér.
annað hvort er msn bilað eða ég mikið óvinsælli en ég gerði mér grein fyrir.
neinei þarna svarar ein :) núna önnur...
fyrsti skóladagurinn var í dag, fór í tíma af "baroque counterpoint" sem er mjög athyglisvert í ljósi þess að ég kann ekki kontrapunkt og hef lítinn sem engann áhuga á barrokk músík. en þetta var nú samt bara ok. svo hékk ég í miðbænum, æfði mig og drakk kaffi til hálf fjögur þegar ég hélt ég ætti að mæta í "professional development" en það var nú ekki aldeilis, kennarinn var svo huggulegur að hengja bara miða á hurðina með þeim skilaboðum að þessi tími yrði ekki kenndur fyrr en í næstu viku.
smart að setja það ekki á eina af þessum milljón töflum um allan skóla.
en svo hundskaðist ég heim og þreif eldhúsið. ef þið haldið að það sé að vaska upp, þurrka og setja uppí skáp þá er ykkur mikið að skjátlast. ég nefnilega tók alla skápa og þreif þá svo hægt væri að borða af þeim (ef maður er týpa sem fýlar sápubragð) og raðaði í þá.
ég er dugleg.
svo fór ég í geðvonskukast út af því að internetið virkaði ekki og lét það bitna á tvemur þjóðverjum sem ætla að sofa á gólfinu hjá okkur. en þeim var nú bara nær að vera svona helvíti hrokafullir og leiðinlegir.
svo var náttúrulega bara einhver snúra ekki tengd og svo var slökkt á einhverju. úff. mér fannst nú samt óþarfi af þeim að vera að segja mér hvernig ég ætti að setja upp ráderinn og passa eitthvað passport og ble. ég veit ekki einu sinni hvað ráter er!!! :@ apar.
en allavega... það er svossem ekki hægt að gera ráðfyrir að allir séu jafn sætir og skemmtilegir og svafa og sif sem báðar eru aðtala við mig á msn :D
en ég tók nokkrar myndir af kraftaverkinu í eldhúsinu og þær fara bráðum að koma inná flickr.
stay tuned!

komin aftur til Birmingham

já það held ég nú. búin að koma mér þokkalega vel fyrir í FJÓLUBLÁA herberginu. sem væri nú ekkert jafn hræðilega FJÓLUBLÁTT ef ekki væri fyrir þessa ógeðslegu pastel grænu lista meðfram öllu. svo maður tali nú ekki um hurðarnar og horror of-bleiku gardínurnar.
úff.
en gardínurnar fengu að fjúka og svo er bara að hengja sem mest á veggina, óska hér með eftir póstkortum, plakötum og fallegum teiknuðum myndum (ekki endilega eftir börn) til að bjarga sjóninni minni í vetur.
jess
annars er ég hálf sorgmædd, mamman mín besta var nefnilega að fara aftur heim til Íslands, búin að vera með mér í nokkra daga, fór með mér í IKEA (sem var nú heldur betur ferðalag... getur verið ég fari útí díteila á því seinna ;) og í leikhús og út að borða. svo þurfti hún líka greyið að versla sér föt.
það var næstum því fljótgert í HM. nema hvað.
ég ætti nú kannski að fara að róa mig í þessu svía-hatri mínu, ég geri ekki annað en að versla við sænsk fyrirtæki.
oh well.
en hann David óþolandi paranoju sjúklingur og dæet kók þambari verður mér til halds og trausts fram á mánudag, en þá þarf ég líklega að fara að byrja að vera vingjarnleg við annað fólk og eignast nýja vini. :(
djók, það er stuð líka. var t.d. að eignast húsfélaga í fyrradag. heitir Kristine og er frá Þýskalandi, lærir lögfræði og er mjög indæl. ljóshærð með stór blá augu og fyllti baðherbergið af snyrtivörum (það litla pláss sem var eftir þegar að David var búin að skella sínu dóti) þannig að þetta fer nú alfeg að verða eins og hús bráðum.
jámm.
fjórði fasti íbúi hússins, einhver kvenmaður sem heitir Vicky (kannski pollard?) hefur enn ekki sést og er það nokkuð spennandi að vita hvort hún sé í alvörunni til, því við erum búin að heyra helling um hana, tala við hana í síma (auðvelt að feika það) og ganga frá póstinum hennar hátt á fjórða mánuð en aldrei barið hana augum.
húrra fyrir því.
allavega, nú held ég að ég fari inná skólavefinn og skrái mig í þessi aukafög sem ég verð víst að taka til að ná árinu og svo er það morgun-lúrinn. það er náttúrulega snarfáránlegt að senda fólk í lest um sjöleytið svo það nái flugvélinni sinni.

until later (eins og hér er sagt)

yours tootie

hélt það myndi vera meira.... :/

You Are 58% Evil

You are evil, but you haven't yet mastered the dark side. Fear not though - you are on your way to world domination.

How Evil Are You?

rugluð kelling

já þau undur og stórmerki gerðust að við vellystingaparið fórum á fætur í morgun, ekki bara fyrir hádegi heldur vorum við komin útúrhúsi kl. 8.30!
það er ótrúlegt í meira lagi. en ég tók þá eftir (eða svo gott sem miðað við ástand meðvitundar minnar) að það er orðið ógeðslega kalt og einhvernvegin svona lykt eins og var alltaf þegar maður var á leiðina í skólann.
jessör.
en ég var nú bara að fara í vinnuna... held meira að segja að þetta verð minn síðasti dagur hér að þessu sinni, svo ótrúlega mikið af fólki sem ég er búin að lofa að hitta áður en ég hverf af skerinu að mér veitir ekki af tímanum. svo er líka leiðinlegt að vinna... ;)
eníveis pípól, hringið í mig og pantið tíma NÚNA.

rock

líf mitt....

ER bara sjö?! hvaða djöfulsins della. og hvað er málið með love? :@

This Is My Life, Rated
Life:	7
Mind:	7.3
Body:	6.5
Spirit:	8.3
Friends/Family:	5.3
Love:	2
Finance:	8.1
Take the Rate My Life Quiz

Til hamingju með afmælið

Freddie Mercury hefði orðið 60 ára í dag.
veit ekki með ykkur en ég ætla að hafa Queen á repeat í allan dag og ganga um með kolsvart yfirvaraskegg.

the Legend lives.

google

fyrir áhugasama er sniðugt að slá inn fuglinn "solitaria" í myndasíðu google. það er nefnilega ýmislegt fleira sem opinberast.... :)

ég er nú aðallega að skrifa eitthvað til að losna við þessa ógeðslegu mynd út af blogginu mínu. frekar ljót. eða svona. ég er mjög pirruð samt og svo hef ég áhyggjur af því að ég hef ekki æft mig í viku. sem er frekar hallærislegt.
fer að taka mig á. eða eitthvað.

annars bara tryllt stuð og allt að verða vitlaust

eugh

weird stuff :S

Going out with my homies!!!

er að fara út með hinum fimm fræknu, samt engar frænkur sko... snilldsnilldsnilld. ef þið sjáið rauðan bæ í kvöld.... þá vorum það við! :D

þarftu að létta af þér?

og þá er ég ekki að meina svona sem er vond lykt af...

http://grouphug.us/

FFF #3

ókei ókei, kannski er ég orðin steikt í hausnum (ætti nú ekki að vera ólíklegt) en ég er búin að vera í hláturskasti út af þessum ljótu öndum í svona hálftíma.
þetta eru ekki lítið asnalegir fuglar...


gleymdist að láta þessa hafa háls



þessi fékk óvart lappirnar uppí rass




hvað er málið með nefið á þessari?



samkvæmt fuglalýsingabókinn sem ég er með, er auðvelt að þekkja toppöndina af því að hún er með "...strýkenndan topp". minna má núsjá!

ok ok... ekki meira kaffi fyrir mig

linka lögun

öppdeitaði BaldurPál
henti út aumingjabloggurum (afhverju finnst mér soldið eins og ALLAR GELLURNAR séu hættar að blogga? grrr...) og bætti við takmæli og nótnablöðum. svona af því maður ernú einu sinni í smá tónlistarnámi. eða eitthvða.
annars er égbara alfeg að skíta í mig... AB mjólk er alfeg rosaleg...

ó je

haldiði ekki baraað miss tót (sem er ég) sé að fara í rockstar supernova partý?
ég sem hvorki þoli magna né neinn af þessum dómurum (hvað þá hina keppendurna) og finnst þessi þáttur líka asnalegur.
Kaus ekki.
en jæja... þetta verður stuð :)
býst nú samt ekki við að allir sem viðstaddir verða nái að halda sér vakandi...

BLÓÐUGT...

...er til tannlæknis að fara
af því bara.

líður illa og var að eyða 12.000 kalli í tönn sem ég nota hvort sem er aldrei því að hún er lengst oní koki, fokkin endajaxl. og afhverju þurfa þessir læknar alltaf að troða einhverri járntöng á milli alla tanna á manni upp í góminn svo að það er blóð útum allt? oj bara.
svo er ég þreyttog leið og langar heim í hafnarfjörðinn minn :(
bú húúúú

Your smile is just a careless yawn

ég er komin með nýtt uppáhaldslag, það heitir "you´ve changed" og er eftir einhverja menn sem heita Bill Carey & Carl Fischer. namminamm... allt svona voða slómó og sjöundarhljómar.
er að hlusta á það núna í útsetningu með George Micheal, hann gerir þetta temmilega hommalega en sumter mjög töff og ég kann að meta hvernig hann breytir merkingu textans... án þess að breyta textanum. með þessu móti getur maður sungið sama erindið aftur og aftur án þess að það komi endilega eitthvað niður á laginu sjálfu. það gerir hann allavega í þessari útgáfu. ekki algengt að "svona" lið geri eitthvað sem er soldið smá oggu kretíft og þarfnast smá heilastarfsemi.

algjörlega óháð þessu að mestu leyti þá ég er hins vegar alfeg búin að ákveða það að kaupa mér harmónikku þegar ég kem til Birmingham og verða fúlbufær á hana á örskömmum tíma. svo í framhaldi ætla ég að verða fyrsti djass-harmónikkuleikarinn sem á ljósbláa kínaskó. bara svona smá info...

er það bara ég og NÍ eða er netið alfeg að syngja sitt síðasta núna í dag?

Varst þú í Laugardagslauginni í morgun kl. 9?

Ert þú sækó tanaður kall á fertugsaldri sem heldur að þú sért 18?
ert þú með gerfilegasta hár í heimi og hökutopp sem lítur út eins og matarleifar framan í fésinu á þér?
ert þú hálfvitinn sem stoppaðir mig þegar ég var að taka frammúr gömlum kalli á braut 1 í Laugardagslauginni í morgun?

þá má ég til með að segja þér að það að taka frammúr fólki sem syndir hægt er ekki bannað, það er eiginlega ætlast til þess svo fólk sé ekki með andlitið í iljum hvors annars. og þó það væri bannað, værir þú svo sannarlega ekki manneskjan til að framfylgja því banni því þú ert greinilega snargeðbilaður.

En ég vil nú samt þakka þér fyrir þetta, því að ég varð svo reið að ég syndi auka 400 metra á trylltum hraða gnístandi tönnum.

og já... það fannst af þér áfengisbrælan.
ég vona að þú drukknir í baði bráðlega eða kafnir í egóinu þínu.
kær kveðja

aaaaaawww (F.F.F #2)

æj það er nú ekki allt apalegt sem tengist þessari fuglavinnu minni... sjáiði tildæmis þetta ótrúlega mikla krútt:


og það er auðveldast að þekkja hann af því að hann syngur öðruvísi en allir aðrir fuglarnir... ææææj hvað það er sætt! og svo er hann líka með efstu handflugsfjaðrirnar styttri en hinar. hversu dúllulegur getur maður verið? Verst að hann heitir Gransöngvari, það er nefnilega eiginlega ekki neitt krúttlegt (heldur ekki latneska nafið phylloscupus collybita, en ég meina hey þaðeruekkialltafjólin).

Þessi er hress!

http://www.mbl.is/mm/frettir/frett.html?nid=1219971
svona á að gera þetta :D (eða þannig)

aha!

ég er nú ekki mikill íslensku fasisti, hvorki í máli né myndum (eða tali) þar sem ég hef engan vegin efni á því vegna vankunnáttu minnar í virkri heilastarfsemi, en áðan rakst ég á þessa ljúfu línu á prjónablaðsvefsíðu:

"mikla athygli vakti peysa þessi á tískusýningunni á Hótel Sögu."

kannski er það bara ég, en hljómar þetta ANkannanlega? segir maður það ekki An nars? svo er ég búin að vera að tuldra þetta svona með sjálfri mér í smá tíma og alltaf hljómar þetta verr og verr. merkilegt.
en nú þarf ég að fara að sinna verkum mínum sem vinkona sifjar og hitta hana á kaffi húsi! húrra!

F.F.F.*

það er til fugl í suður evrópu sem heitir Pungmeisa.
legg ekki meira á ykkur.

*Fánýtur Fróðleikur um Fugla

týpískt fyrir..

...þessa heimsku útlendinga. getur þetta lið ekki bara verið heima hjá sér?

http://www.mbl.is/mm/frettir/innlent/frett.html?nid=1219175

mmmm hmmm

haldiði ekki bara að miss TINNA hafi gert lítið fyrir og bara Gift sig í dag! voða pen á því, bauð bara fólki að koma í Skírn og smá afmæli á eftir. ekki ætla ég samt að gera lítið úr því, enda var bæði skírn og smá afmæli... en þetta var alfeg brjálað :) meiri kellingin. en takktakktakk fyrir mig!
og já, litla dóttirin fékk hið fagra nafn Jana, ber það með rentu, yndislega falleg.
Einnig fékk ég að líta fyrrum fegursta mann kópavogs, nú stúdentagarðanna. og ég get svo svarið það, hann blikkaði mig!
svo er ég núna komin heim og búin að skúra eldhúsið, það var ógeðslegt gólfið (ég nefnilega steikti egg og beikon í morgun) og setja kerti á víð á dreif. fattaði það að ég á ekki nógu marga kertastjaka fyrir spritt kerti (týpískt... bretar kalla þetta TE-kerti) þannig að nú geta allir skrifað hjá sér hvað má gefa mér í afmælis- og jólagjafir ;)
jónsæti fór niður í bæ með kalla vini sínum, ætlaði kannski meira að segja að fara á nasa :D hörku stuð. ég aftur á móti læt sko Aldrei Aldrei Aldrei plata mig útúr húsi á menningarnótt.
of mikið af fólki á of litlu svæði og þar sem íslendingar eru (upp til hópa) geðvondir, frekir, leiðinlegir og tillitslausir líður mér mjööööööög illa, verð geðvond, frek, leiðinleg og tillitslaus :)
en ég fékk mér nú samt einn bjór og er að rippa nokkra klassíska diska til að setja á mp3 spilarann minn.
þannig að ég er nú ansi menningarleg þó ég sitji heima :)

hell yeah!

ég er að fara í partý í kvöld....



get varla beðið :D

Garth Knox er

hetjan mín

oj bara

er fólk ekkert að djóka með þessa uglu?


þetta er varpgestur við ísland og allir að tryllast úr stuði að hún fari nú að gerast almennilegur varpfugl. ég vil nú bara helstekki fá svona asnaleg dýr í íslensku dýraflóruna takk fyrir. ég meina hver vill eiga fugl sem er með EYRU? svo eru þetta ekki einu sinni eyru til að heyra með, bara svona eitthvað fjaðraskúfur. svo eru uglur ekki einu sinni með symmetrísk eyru, vinstra eyrað er ofar og snýr niður en hægra er neðar og snýr upp.
hvað er eiginlega að? hver hannaði þetta skrípadýr?

hætt að kvarta

"Kynmök stuttnefja eru talin mun tíðari en langvía, ef marka má rannsóknir. Hvort sem það er rétt eða ekki eru athafnir stuttnefja á þröngum syllum stundum broslegar þegar karlfugl missir jafnvægið í miðjum klíðum og fellur fram af."

(úr fuglabókinni hans guðmundar)

nú væri hún Eydís í nostalgíu-

-kasti af því að það er verið að spila pláneturnar á Rondó (klassísk rás ríkisútvarpsins) ég er aftur á móti að rifja það upp hvað þetta er nú fallegt verk.
Holst?

iceland express

er búið (eru búnir) að svara:

Sæl Þórunn,
takk fyrir póstinn þinn,
ég hef talað við stöðvarstjórann í Keflavík og hann sagði mér að þetta ætti ekki að vera vandamál fyrir þig jafnvel þótt það séu hertar öryggisaðgerðir. Fólk er að ferðast með stærri hljóðfæri þannig að þetta á að vera allt í lagi.
Þú getur hringt í okkur þegar þú hefur bókað, gefið okkur bókunarnúmerið og við getum ítrekað það við innritunina í Keflavík.
Eigðu góðan dag og ekki hika ef þú hefur frekari spurningar.

svo er að sjá hvað hitt liðið segir... :)

næs

"fyrir kemur á sílamáfar ræni granna sína eggjum eða ungum og það getur þýtt nokkurra daga illindi."

já gleymi því ekki hvað nágrannakonan okkar varð fúl í NOKKRA daga þegar mamma át eitt barnið hennar...

20 cm

ég var að senda flugfélögunum bréf...

ég þarf að ferðast með hljóðfærið mitt. þetta er víóla og kemst í alla farangursrýmisskápa en er örlítið lengri en standard stærðin sem þið gefið, (lengd 75 cm, má vera 55 cm). Ég hef aldrei lent í vandræðum að ferðast með hljóðfærið í handfarangri hingað til, en hef áhyggjur út af hertum öryggisaðgerðum. Væri möguleiki að fá einhvert bréf eða undirskrifað plagg til að forðast misskilning í innritun? Hljóðfærið getur alls ekki farið niður í lest og mun það algjörlega ráða úrslitum hvert ég sný viðskiptum mínum varðandi flug, hvernig flugfélögin ætla að taka á þessu máli. kær kveðja, Þórunn

...ef þeir ætla í alvörunni að láta mig kaupa aukasæti út af 20 cm þá flyt ég til útlanda og kem aldrei aftur.

huh?

"Það er þessum hópi líkt að vilja særa og meiða á gleðidögum," segir Hrafnhildur Gunnarsdóttir, formaður samtakanna '78, um auglýsingu á vegum Samvinnuhóps kristinna trúfélaga sem birtist í Morgunblaðinu á laugardag.

bíddu nú við? má fólk ekki hafa skoðanir lengur á þessu landi? ég veit nú ekki betur en þetta lið sé bara að reyna að hjálpa... kannski soldið á kjánalegan hátt, en það var án efa ekki að reyna að særa eða meiða neinn. og hefur það aldrei hvarflað að neinum að kannski er fólk þarna úti, sem yfirlýsir sig samkynhneigt og er það svo kannski bara ekki?
en þetta er náttúrulega algjörlega alröng sjónarmið, miðað við það sem ÖLLUM ÖÐRUM finnst og nú verð ég án efa úthrópaður rasisti, nasisti, hommahatari og þröngsýnisseggur.
því það er nefnilega svo mikil réttsýni og umburðarlyndi í samfélaginu að viss sjónarmið og skoðanir eru bannaðar.

best að gleyma ekki...

...afmælisbarni dagsins sem er hún elsku besta Þórunn mín :D
til hamingju með daginn!