annar síðasti miðinn

ekki samt næst síðasti. þetta er flókið.
allavega.... ég fór í tíma hjá Mrs. Golani í dag og þá tilkynnti hún okkur það hún myndi bara koma á fimmtudaginn í næstu viku. ég sem var náðagsamlegast búin að kaupa miða á fimmtudaginn til að geta komist í tíma á miðvikudeginum. garg.
en skrú ðett, ég breytti bara miðanum mínum svo núna kem ég heim á 17. júní!
húrra húrra!
beint í skrúðgöngu!

jebs

búin að vera fúl útí blogg hringinn minn að hafa ekkert bloggað frá því í morgun og þangað til núna (ok mér leiðist smá) en sá auðvitað flísina í rasskinninni en ekki drumbinn í þiðvitið... svo það er víst best að vera gott fordæmi og blogga.
allt annars bara vi það sama, er byrjuð að pakka (!) og það er merkilega skemmtilegt. aðallega vegna þessað kassarnir sem ég keypti dýrum dómum er svo svo fáránlega stórir að ég á eftir að geta tekið ALLT með mér heim. HMOOOOOH OHOHOHOHO!
jónsæti verður ekki jafn kátur og ég með það. eh... :)
oh jæja. svo var ég að heyra skemmtilegustu fréttir þessa árs og svo horfði ég á "Horton Hears a Who sem" sem er hér með orðin ein af uppáhaldsmyndunum mínum. skrítið hvernig kvikmynda smekkur minn virðist þróast þétt og hnitmiðað með árunum. núna er ég eiginlega alfeg komin á þá skoðun að BARA teiknimyndir eru fyndnar og skemmtilegar. mér finnst spennumyndir leiðinlegar (hvað er málið með allar þessar sprengingar alltaf hreint?!), ástarmyndir ógeðslegar (sætar mjóar stelpur geta komist upp með allt, sama hversu viðbjóðslega þær koma fram), dramatískar myndir eru of sorglegar, heimsspekilegt-ívaf myndir eru of flóknar og fræðslumyndir eru bara svo SLÓ! já, allavega þá er Horton hears a who óóóhógeðslega góð. og það er í henni smá heimspeki líka... ekki samt of mikil.
uppáhaldspersónan mín BY FAR var Katie. jeminn eini ég flissa bara af því að hugsa um hana.
hhaaaaaaaaahhhh


Katie á youtube

það kom að því....
síðasti síðasti síðasti miðinn hefur verið keyptur :) ég er sko alfeg með á hreinu hvort ég á að gráta eða hlægja. og það byrjar ekki á g.

London Stansted STN - Reykjavik KEF Fim 19/06/2008 FHE154 12:40 14:40

yay!

tónleikarnir gengu bara prýðilega, þakka ykkur kærlega fyrir :)
auðvitað er kannski alltaf eitthvað sem maður myndi hafa viljað hafa minna falskt, en það er nú bara eins og það er. mamma, ási og auðvitað elsku jónsæti komu og voru ógeðslega skemmtileg. jónsæti þurfti svo reyndar að fara næsta dag, en við mamma og ási fórum í smá ferðalag til Matlock. JÁ! einsog þættirnir. NEI! ég keypti mér ekki banjó :( algjör bömmer. en það hefði verið svo mikið mál vegna þess að nú er eiginlega bara eftir að PAKKA öllu dótinu mínu, panta mér flutning fyrir 5 kassa og stæðstu tölvu í heimi og þá.... já þá er ég bara komin heim.
óó hó trúlegt.

RAUTT

já það er greinilega málið að spurja fólk spurninga á blogginu og lofa verðlaunum.
reyndar keypti ég skóna áður en ég las allar góðu tillögurnar (víóluleikarar spila ekki með hálsmen SIF) og það verður því alsherjar kaffiboð innan skamms fyrir "rétt" svör.
siggaligg má koma líka þó hún hafi heimtað silfurlitaða skó.
:)
núna er bara að læra þessi stykki... (haha)

ps-bannað að kommenta á að fæturnir á mér líta út fyrir að vera hvítari en hvítt.

lekandi ruslapoki og tilvonandi skókaup

áðan fór ég út með ruslið og það var einhver API búinn að leggja ógeðslega mikið bónaða BMW inum sínum svo nálægt ruslatunnunni okkar að ég þurfti að lyfta pokanum yfir húddið á bílnum til að koma honum oní. Ég hef aldrei (og mun líkast til aldrei) óska þess jafn heitt að ógeðslegt gums fari að leka úr ruslinu mínu.

annars er allt gott að frétta, búin að kaupa mér GULAN kjól fyrir tónleikana mína :D svo núna er spurningin gott fólk:

1)hvítir skór
2)rauðir skór
3)silfurlitaðir skór

það sem kemur ekki til greina

1)svartir skór (yrði að vera í svartri peysu og þá er eins og hjúds býfluga)
2)bláir skór (of swedish... eeuugh)

jæjajæja, allir að hafa skoðun og sá sem á bestu hugmyndina fær frítt kaffi í múminálfa-bolla í eldhúsinu á Hjarðarhaga 64 í júlí. aukaverðlaun fyrir þann sem nær að búa til setningu með fleiri í-um.

hvort....

...ætti ég að fá mér kaffi eða te?
kaffi er meira kúl og á eftir að passa fuuuullkomlega við hvíta súkkulaðið sem ég ætla að éta.
te er aftur á móti fljólegra í framkvæmd og minni líkur að ég fái illt í magan af því.
annars er það allra nýjasta í fréttum að ég var að kaupa mér hjartsláttamæli svo núna er það gjörsamlega bara nokkrar MÍNÚTUR þangað til ég verð orðin mjóna.
osom.

-þórunn harðardóttir.... 75 bpm

þá er komið að því

já gott fólk,
nú er botninum náð (bókstaflega talað) í "fáránleg staðsetning fyrir bólu" - keppninni sem hefur verið í gangi lengi. ég er með Hö-LUSSU bólu á miðri rasskinn.
er þetta eðlilegt?

svar ekki skilyrði

hringjarinn af notre dam

þegar ég vaknaði í morgun var augað á mér svona...
af því mér var ekki illt og það var ekki sjáanlegt neitt ógeð í eða á auganu, þá fannst mér þetta ógeðslega fyndið og tók mynd. ég var að spá í að nota daginn í það að haltra um með kodda undir peysunni á annari öxlinni og spurja fólk út á götu hvort það vissi um einhverjar stórar kirkjuklukkur. með frönskum hreim.
en þar sem ég átti ekkert erindi neinsstaðar var ég bara heima með augað og æfði mig. svo fór ég reynar í ræktina en þá var augað orðið venjulegt.
ég veit ekkert afhverju þetta gerðist, það eina sem mér dettur í hug (annað en smá flipp hjá sjálfri mér) er að í gær var SÓÓÓÓ-HÓÓÓL hér í birmingham og ég fór bæði í kjól og sandala og var úti sleikjandi veðrið allan daginn. það er alfeg ótrúlegt hvað gott veður hefur góð áhrif á mann. fólk var bara glaðlynt og brosandi (flestir reyndra fullir) og jákvætt á framtíðina.
en já, s.s. kenning er sú að ég held að kannski hafi ég ofreynt annað augað (?) við það að vera alltaf að píra augun upp í SÓÓÓÓÓ-HÓÓÓÓLINA. samt keypti ég sólgleru og þau er svo ógeðslega töff ég meikaði ekki að taka þau ofan. þetta er misterí, hringi í fox mulder seinna í kvöld.

en svo er spurning hvernig ég vakna á morgun. kannski með klumpufót. hlakka til!

jónsæti kominn og farinn. skildi eftir sig skítugan þvott og pakka af súkkulaði rússínum. annað af þessu tvennu er á hraðri leið oní mig.
njamm.
annars allt í gúddí, fólk hérna í west-midlands reyndar í gífurlegu sjokki... það var nefnilega SÓL hér í allan dag og eiginlega bara gott veður, hlýtt og svona. svo nema hvað þurfti ég að spila á tónleikum hálf fjögur og varð aðvera í svörtum fötum í allan dag, druslandi tösku með mér fulla af bókum. þarf nefnilega að skila inn "nokkrum" verkefnum á morgun, skíta P.D.P. stendur fyrir Pocket of Dreadful Poos (professional development p.. oh my god ég hef ekki hugmynd um hvað þetta p stendur fyrir) og er viðbjóður. fagið sem ég FÉLL í í fyrra vegna þess að enginn hafði sagt mér að það ætti að skila inn einhverju kúkaverkefni. sem ég svo gerði á innan við 10 mín, sendi út og náði með ágætum.
skrítið lið hérna í brum.
en jæja, fyrst ég á eftir að gera svona ógurlega mikið af verkefnum er víst best að skjaga fram í eldhús og hita sér te. taka svo smá Sims :)

óþarfi að vera með neitt stress.
kyssikyss

go to

veðurfréttirnar voru semsagt ekki að djóka, það er byrjað að rigna. spáð blautu.... jah út fyrirsjáanlega spá, semsagt lagt út í næstu viku.spurning hvort það sé byrjuð jafn kreisí rigningar sena eins og var síðast sumar, þegar ekki stytti upp frá páskum og fram í júní. ætli fólkið á efri hæðinni sé að reyna að drekkja bretum?
allavega þá er í kjölfarið orðið Ógeðslega rakt og mér þar af leiðandi drullukalt. og mitt í óskupunum langar mig sjúklega mikið í ís.
normal?

meðan venjulegt fólk sleikir sólina (sumt koverað í glimmeri) þá rignir á mann og annan hér í Birmingham. kannski það sé þess vegna mér virðist lífsins ómugulegt að komast á fætur fyrir hádegi. kannski líka ég er alltaf vakandi langt fram á nætur drekkandi te og spilandi sims. meiri steikin.
svo er bara mánuður (tæpur meira að segja) í lokatónleikana mína og ég er búin að breyta prógramminu svona 4 sinnum síðan fyrir helgi. ákvað að íslenska verkið væri of erfitt og leiðinlegt til að ég myndi leggja það á mig. þannig að hindemith blessunin var tekin inn í staðinn. en þá vatnar mig samt rúmar 5 mínútur af efni til að fíblin uppí skóla geti kysst þessi tímamörk sín áður en þau hoppa upp.... já já já.
gleðilegu fréttirnar eru aftur á móti þær að heittelskaður heitmaður minn kemur í opinbera næstumþví viku heimsókn frá og með næsta miðvikudag. ó ó hvað ég hlakka til. jafnvel að settur verði undir sig góður fótur og kíkt eitthvað út á land... er eiginlega komin með birmingham uppí kok. grínlaust þá er mér búið ða vera hálf bumbult síðustu daga... gæti nú samt verið allt hnetu og rússínu átið (ákvað ða hætta að éta nammi, eitthvað varð a koma í staðinn).
allavega, það verða fréttir af þeim ferðalögum síðar.
mér varð á þau mistök að opna aðeins gluggann hjá mér og núna er FEITASTI geitungur í heimi í glugganum hjá mér, líklegast að éta gluggatjöldin.
er þá ekki gott ráð að spila Es dúr í áttundum í eins og t.d. 10 mínútur? jah það myndi drepa mig :)
L8R

feit 20 % af svitalyktareyði.

já ég veit þetta hefur heyrst áður, en nú er ég farin í megrun. eftir heila helgi af stanslausu rusláti og sjálfsvorkun (yfir rusláti, maður er ekki í lagi) hef ég ákveðið að moka út öllu nammi og dæetkóladrykkjum, hvítu brauði og einbeita mér að því að borða á þriggja tíma fresti litlar HOLLAR máltíðir. og ekki alltaf éta þangað til ég stend á blístri og get varla andað fyrir útbelgelsi.
svo nú er ég á leiðinni útí búð að kaupa kotasælu, kjúklingabringur og grænmeti.
og nýjan svitalyktareyði. keypti bara "einhvern" um daginn, ánþess aðtaka tappann af og þefa, því ég hugsaði með mér "þeir eru allir hvort sem er eins". WRRROOONG! það er af honum svona þung viðbjóðslega væmin vanillu blóma fýla og í hvert skipti sem ég hreyfi mig gýs upp þessi líka hörmulega lykt. svitalyktin væri ekki bara betri heldur MIKIÐ betri. ójá heyriði það.
annars er ég á leiðinni til London á fimmtudaginn að selja gömlu víóluna mína, eða þúst, skella henni í umboðssölu. þeir taka reyndar 20% sem er alfeg VEL þokkalega svakalegur biti, en lets face it, ef ég fer eitthvað að auglýsa hana útúm allan bæ (er búin að tjekka niðrí skóla hjá mér og enginn í kauphugleiðingum) hér í birm er aldrei að vita hvað gerist, maður treystir orðið engum. eða svona. svo veit ég heldur ekkert hvað er hægt að setja áhana. það skemmtilega er að öllum líkindum mun ég koma til með að taka 3 víólur með mér til london. þessa gömlu, svo barrokk víóluna af því ég er að fara í barrokk tíma og svo nýju góðu flottu víóluna mína af því ég er að spá í að heimsækja bekkinn hennar Rivku í trinity. og þá er nú skárra að vera með hljóðfæri með sér.... eða eitthvað. þetta kemur allt í ljós.
enjæja Brahms er farinn að rífa kjaft hérna uppá statífi.
adju

1 af 3

vá ég er búin að vera svo ógeðslega pirruð og leiðinleg í dag, það er skapi næst mig langi út að sparka í grindverk. en ég held það hjálpi lítið. svossem ekkert mikið að angra mig, bara einn af þessum dögum sem allt virðist vera EINKAR leiðinlegt. t.d. fór ég í ræktina með EINN skó og þurfti að dröslast fótgangandi með hjólið mitt um allan bæ af því það LEKUR úr framhjólinu.
en eftir að hafa troðið í mig brauði með osti og sultu, hitaði ég mér kaffi og er í þessum töluðu að maula nóa siríus nizza með lakkrískurli. stundum á maður bara allt gott skilið.

Ewing kaffi í ræktinni

er í góðu stuði að horfa á fyrstu seríu Dallas. maður var bara búin að gleyma þessu öllu... hvers vegna JR og Ray urðu óvinir, hversvegna Lucy og Pam urðu vinir, svo ekki sé minnst á spennuþrungna þáttinn þar sem Bobby var rænt.
er s.s. í fríi í dag eftir tryllta viku, æfingaræfingar og allt á barrokk víólu. sveimér þá ef það er ekki bara að venjast vel. stuð.
klukkan orðin tvö, ég ætti nú kannski að fara að drífa mig af stað og gera hluti. þyrfti t.d. að laga hjólið mitt, einhverra hluta vegna er ekki hægt að pumpa í framhjólið (svo vel sé). en ég á aukaslöngu og svona.... bara bögg að standa í þessu og ég er í algjöru letikasti. sem er skárra en uppkast. (ha ha) svo þarf ég að borga leigu :( er að gera það í fyrsta skipti síðan í september, svo ég veit eiginlega ekkert hvernig maður gerir það. smart? svo var ég að klára kaffið mitt þannig að til að lifa af helgina er víst ráðlegt að fjárfesta í öðrum poka. svo á ég að mæta á kóræfingu kl. 5, en mig grunar að ég muni skrópa á hana, engin skyldumæting if you know what i mean. svo verð ég að fara í ræktina líka... það er svo næs.
jeminn þetta er svo mikil dagskrá mér er skapi næst að leggja mig bara. :)


see more crazy cat pics

ég var að enda við að prenta út ógeðslegustu ritgerð æfi minnar.
takmark mitt núna þegar hún er búin er að ég þurfi aldrei, og þá meina ég ALDREI að sjá hana aftur.
ég skammast mín næstum hún er svo hroðaleg. eins gott ég sé að flytja af landi brott í júní.
:)
annars er bara stuð (svona þannig).

búhú

er komin í herbergið mitt góða í birmingham. það biðu mín reyndar góðar gjafir, t.d. heftari sem er flóðhestur og svo box með hauskúpu á :) veiveivei. þetta var frá yael vinkonu minni sem fékk að gista í stofunni okkar og fannst hún endilega verða að þakka fyrir sig. vona ég þurfi ekki aðgera það sama þegar ég skunda til Ísrael og hlamma mér inní stofu hjá henni, hohoho!
nei djók.
annað skemmtilegt sem beið mín var "the rise and fall of ruby woo" sem er hljómdiskur með hljómsveitinni the puppini sisters. bara nokkuð hressar stúlkur.... er að hlusta á diskinn núna, hann er eiginlega of kátur fyrir égerekkilengurheimaáíslandi-fýluna sem ég er í. en ég get þá kannski bara skellt walton eða martinu víólukonsertunum í... þetta var s.s. sending frá gæðafyrirtækinu amazon sem barst hér til mín meðan ég var á fagraíslandi. ég er samt ekki búin að minnast á stæðsta hlut sendingarinnar, en hann er líka þess eðlis að vont er að minnast á herlegheitin án þess að fá tilhlökkunarhroll og gæsabólur um allan skrokk.
sería átta af D A L L A S ! ! !

verst er ég lofaði heittelskuðum tilvonandi að bíða með að horfa á hana þar til við hittumst að nýju... ætla rétt að vona örlögin sjái til þess það verði fljótlega.

jæja allir að þyrpast á msn og tala við mig.
eftir svona klukkutíma, þarf að fara og kaupa í matinn. hér biðu mín reyndar appelsínur frá því fyrir páskafrí.... en.... tjah...

stundum finnst mér ég vera léleg kona. svona samfélagslega séð, veit ekki betur en að tólin séu í lagi. en þetta orsakast aðallega af tvennu:
ég er ekki mjög metnaðargjörn, finnst þar af leiðandi allt í lagi að hangsa endalaust og gera ekki neitt, eða gera eitthvað afar óafkastamikið eins og að spila tölvuleiki eða borða eða sofa (mmmmm), hitt er að fátt fer jafn mikið í taugarnar á mér eins og aðrar konur.
sérstaklega er kvenkyns útvarpsfólk að naga sundur á mér beinin þessa dagana, í morgun varð ég t.d. að skipta um útvarpsrás út af pirringi. hvað er málið með að vera alltaf flissandi? auðvitað er gaman þegar fólk er glaðlynt og svona, en ef maður er að taka viðtal við esperantó sérfræðing íslands, þá er kannski ekki alltaf tilefni til að hlægja í tíma og ótíma. hann var bytheway ekki fyndinn heldur. hún hefur kannski verið full, ég veit það ekki.
æj já svona er þetta.
annað sem fer í taugarnar á mér er fólk sem geispar. ég veit það er ósjálfrátt og blebleble, en þegar maður skyndilega í samtali sér vélindað í fólki innanvert finnst mér allverulega troðið á órituðum samskiftasamningum samfélagsins.
oh jæja.

var með fjórar bilaðar tennur, þar af voru tvær brotnar en fór til tannlæknis í klukkutíma og hann gerði bara við eina.
sem var ekki ein af þessum brotnu.
jájá.
gekk samt vel, grenjaði ekki eða orgaði. annað hvort var það af því að hann var næsgæ og kunni það sem hann var að gera (sem ég er ekki alfeg viss um að gamli tannsi var) eða þá að gufan var í gangi. held það sé fátt jafn meira róandi en gufan. nema ef vera skyldi gufan í vesturbæjar lauginni (ho ho ho, ha ha ha) en þangað er ég á leiðinni núna.
adju

nýra og kaffi, ryksugun og NES

eins og annað venjulegt fólk er ég dauðhrædd við ða fara til tannlæknis. ég er ekki svo hrædd við tannlæknana sjálfa (ég myndi tildæmis ekki verða hrædd ef ég væri á eftir tannlækni í röð útí melabúð) heldur mestmegnis hinn yfirvofandi nístandi sársauka, auk algjörs hjálparleysis.
en ég fór nú samt í hádeginu að heimsækja nýja tannlækninn minn og hann var bara næs og fyndinn og sagði mér að koma aftur á mánudaginn.
það þarf að gera við fokkin FJÓRAR tennur!
hvar getur maður selt nýra?

ég er búin að drekka ógeðselga mikið kaffi síðan ég kom heim, en er ekki enn komin með kaffibrúnan glans á hár og húð. hins vegar er ég öll útötuð í bólum og rek við á korters fresti. venjulegt fólk veit að sjálfsögðu að kaffi er ekki hægt að drekka án þess að éta með því súkkulaði.
svo er mér illt í nöglinni á litla putta á hægri hendinni. sem er einkar heimskulegt.

æj svo langar mig ekkert að fara aftur til birmingham og er þessvegna ekki ennþá búin aðkaupa miða. held samt að ég verði að gera það NÚNA. ekki seinna vænna. samt boring. en það er hægt að gleðja mig (og vonandi fleiri) að þetta er í hið ALLRA SÍÐASTA SINN sem ég kaupi flugmiða til London í þeim tilgangi að fara til birmingham! pælum aðeins í því. þrjú ár eru kannski ekkert svo lengi að líða. kvíði því ekki RASSGAT að koma heim og skella sér "út á vinnumarkaðainn" (sagt með dramatískri röddu) blebleble, nóg að gera á þessu skeri, tónleikar og sýningar og læti út um allt. svo er heldur ekkert að því að vinna bara í búð ef maður er eitthvað auralaus. það er aftur á móti leiðinlegt, en það er nú svo margt.
t.d. að ryksuga.
ég gæti vaskað upp í viku samfleytt á við það að ryksuga.... ÞOLI ekki að ryksuga. aftur á móti finnst mér gaman í tölvuleikjum, og mig langar ENNÞÁ allverulega mikið í gamla góða gráa nintendo vél eins og palli minn hellubrautar (og reyndar fleiri) áttu. bara hægt að labba í fjórar áttir, hoppa og skjóta, svo var select takki og start takki. í tvívídd. enginn sem talaði við mann og yfirleitt mjög afmörkuð markmið í hverjum leik. t.d. að bjarga prinsessum eða hoppa ofan á loftbólum.
ef einhver á svoleis vél og vill losna við hana í góðar hendur þá verð ég á landinu til 6. apríl. sá hinn sami fær kaffi og súkkulaði :)