þessi mynd er fyrir hana döggu mína *knús*

"If this is a crush...then I don't know if I could take the real thing if it happens." - Holden.

you can say that again missie!

"If this is a crush...then I don't know if I could take the real thing if it happens." - Holden.

hmmm

þessi er ekkert smá hress gaur :)

ég er afar þreytt, svo ekki sé meira sagt. langar allra helst til að leggjast fram á borðið og sofa til hádegis, en það væri kannski einum of ÁrnaJohnsen legt. *andvarp*
en aðalástæðan fyrir þreytu minni er dúllan hann Eyfi minn, sem kom í heimsókn í gær og talaði um..... jah, það sem honum er efst í huga :) en það var fjör og ég sé sko ekki eftir þeim tíma.
maður getur sofið þegar maður er dauður. eða um helgina bara. til þess eru þær.
annars var ég að ákveða að fá mér pizzu með kókinu mínu núna um helgina. málið er nefnilega að í allri þessari fitabollu-útrýmingar-átaki sem ég er í, þá finnst mér erfiðast að sleppa því að drekka kók. mér finnst ekkert mál að fara í leikfimi og sund, borða hollan mat og helst borða 6 sinnum á dag, aldrei fá mér nammi eða súkkulaði, franskar karpellur og hamborgara... það er bara þetta með kókið.
hmmm.
ætli ég sé þá ekki kókisti? æj, sama er mér. ég er þó ekki í afneitun eins og aumingjarnir sem "drekka ekki kók" af því að "það er svo vont á bragðið" eða annað eins. HAH! eins og einhver trúi þessu!

argh!
ég var að pota puttanum beint framan á vinstra glerið í gleraugunum mínum þannig að núna er ég með stór, ógeðslega fitugt og ljótt fingrafar fyrir miðju auganu!
gaaaarg hvað ég hata að vera með gleraugu!!
svo er ég viss um það að manntalið lengist eftir því sem ég slæ inn meira.
svo eru ALLIR búnir að sjá flautubókina sem ég myndskreytti nema ég!
HRUMPF!!!
svona fer fyrir þeim sem treysta á flautuleikara, þeir sitja uppi með fingrafar á glerauganu að drepast úr leiðindum og geta ekki beðið eftir að ná næsta strætó.
grrrrr

vó hvað þetta er kúl!!!
stafirnir úti að labba! OMG!!!!!
:)

æj sætu kisurnar

ég er að spá í að sameina bálkana aumingjabloggarar og bloggarar.
ég veit ekki alfeg afhverju.

ég fór á The Pirates of the Caribbean: The Curse of the Black Pearl á sunnudaginn með döggu, örnu vinkonu hennar, guðnýju og ása bróður. geggjað stuð og GEGGJAÐIR LEIKARAR!!!
djonní depp dauðans! kannski ekki mest kynþokkafyllsta hlutverk kvikmyndasögunnar, en vó! djöfull er hann góður!! orlandó var aðeins of píkulegur fyrir minn smekk (og alltof líkur vinkonu okkar, Justin Timberlake). en ég mæli með myndinni. eindregið.
og já eyfi, ég skal fara á hana aftur með þér ;)

en hafið heyrt um mr. cranky? það er gaur sem dæmir bíómyndir. híhíhí. hérna getið séð hvað honum fannst um the pirates of the Caribbean :)

svo er það hann Klaus Badelt sem býr til tónlistina og ekki er hún neitt slor.

jæja, Brokovitz búinn að skúra. hann er alfeg ótrúlega mikill skúrari þessi gaur, maður þorir ekki annað en að hlaupa útúr skrifstofunni þegar hann kemur æðandi inn með blautan þvegilinn.
samt segir hann alltaf góðann daginn.
ótrúlegur maður...

Vignir hringdi í mig í gær og sagði mér að hundskast niður í tónó vegna þess að þar væri fundur með nemendum Þórunnar. drottinn minn dýri! sagði ég, þurrkaði slefið framan úr mér (ég var sofandi) og lympaðist niður í tónó.,svo hlustaði ég á fólk segja hvað það gerði í sumar og hvað það ætlar að gera í vetur, næstum því án þess að vera andstyggileg og illkvittin og fékk svo tíma hjá blessuninni á föstudagsmorgnum kl. 11. kúl!
eða það hélt ég þar til núna rétt í þessu að ég fattaði að ég er að fara í leikfimi á föstudögum hjá henni Báru Beibí kl. 12:05 á umræddum degi.
ég er snillingur!
skólinn er ekki byrjaður og ég er strax búin að tvíbóka mig! og ekki bara í eitt skipti, heldur á hverjum föstudegi í allan vetur. getur maður ekki sótt um að fá einhverja viðurkenningu eða ekkvað fyrir svona svakaleg afrek?
svo gæti ég nú líka svossem talað við drottninguna og fengið þessu skipt....

www.kissthisguy.com er snilldarsíða. búið að taka saman fullt af misheyrðum textum. jeminn hvað ég er búin að hlægja mikið í dag!
takk takk takk iðunn megabeib fyrir að benda mér á þetta. hoho!
:D

Eleanor Rigby/ Beatles
The real lyrics were:
Father Mackenzie, wiping the dirt from his hands as he walks from the grave.
But I misheard them as:
Father Mackenzie, wiping the death from his hands as he walks from the grave.
***
I saw her standing there/Beatles
The real lyrics were:
I held her hand in miiiiiine.
But I misheard them as:
I held her hand in Hawaiiiiii.
***
Baby One More Time/Britney
The real lyrics were:
When I'm not with you, I lose my mind.
But I misheard them as:
I'm gonna get you when I lose my mind.
***
like a virgin/madonna
The real lyrics were:
Like a virgin touched for the very first time.
But I misheard them as:
Like a virgin touched for the thirty-first time.

tóta: "eins gott að þú settir ekki rauða bolinn þinn í þvott með hvítum nærfötum, þá hefðu þau öll orðið bleik"
jón: "ég á engin hvít nærföt"
tóta: "af hverju ekki?"
jón: "af því þau verða öll gul og brún og ég vil það ekki."

nýr linkur kominn. linkur yfir á góða góðvininn Baldur Pál sem er í þessum töluðu orðum að hugleiða hlutina.
guð hjálpi mannkyninu.

fylgdu hjartanu Baldur Páll, fylgdu því alla leið!

ég fór í leikfimi í hádeginu, oh ég er svo dugleg. ég var meira að segja það dugleg í einni teyjuæfingunni að mér tókst með undraverðum hætti að teyja rassinn úr buxunum.
ímyndið ykkur það.
nei annars.... ekki gera það.

jón var að láta mig downloada ICQ.
það sökkar svooooo feitt. ég hér með banna öllum að hugsa út í þann fáránleika að fá sér ICQ.
OJ!

Húrra hvað var gaman hjá mér á fimmtudaginn!
ég fór á tónleika með Ísafold kammersveitinni í Listasafni Íslands, geggjuð stemming, svo ekki sé meira sagt. svo þekkti maður svo skelfing marga :) hitti elskuelsku Svöfu mína eftir langt og strangt sumar, en við vorum ekki lengi að "ketch-up" og fórum bara strax eftir tónleikana á kaffihús. maður er sko ekki að tvínóna við hlutina. hoho. en með okkur fóru Eyfi minn elskulegi, sem einnig var svo vænn að fylgja mér á þessa fínu tónleika, Tobba ofur-skylmari sem fór með okkur eyfa á Vínbarinn skömmu fyrir tónleikana, stelpa sem heitir Steinunn og er tvíburi (ég smyglaði mér inná tvítugs afmæli hennar og bróður hennar og fékk afslátt af bjór), önnur steinunn sem er píanóleikari og algjörgella, og svo eins stelpa sem ég veit ekki alfeg hvað heitir. kannski sigrún. allaveganna. svo kom hjalti tobbu tæger og skömmu seinna örkuðum við nokkur í party heima hjá Gyðu og Daníel, en Daníel var einmitt stjórnandi ísafoldar og þar var þetta líka heljarinnar party.
ég æltaði nú að stoppa stutt við, en ákvað svo að ílengjast (eftir að hinn Ofur Þolinmóði Eyjólfur hafði beðið mig Kurteislega um að koma heim í næstum því 5 mínútur) og sé ég ALS ekki eftir því. þvílíkt stuð á bænum! jeremías minn.
aðallega var það þó ein manneskja sem gerði þessa nótt að gimsteini sem mun glitra um óravegu eilífðar. eh... já.
en það var ÓGEÐSLEGA GAMAN, og þvílík íbúð! garg-sarg! svalir og dansgólf og ég veit ekki hvað og hvað. ég hitti líka loksins hana Tinnu sætu sem ég hef ekkert sé svo voðalega lengi og Stefaníu víólu mega beib sem LOFAÐI að hafa samband næsta vetur, ÞÓ að hún myndi ekki vilja það. hoh! það var samt leiðinlegt hvað allir voru á leiðinni eitthvert... muuu. Ella Vala og Elfa til þýskalands, stefanía til hollands, tinna til rússlands og matti til frakklands. svo maður minnist nú ekki á villa í noregi og stulla í amríku. og nottla Eyfi í london. ég er nú ekki ennþá orðin sátt við hvernig hann yfirgefur mig alltaf eftir hvert einasta sumar. Hrumpf!
en hvernig verður þetta eiginlega næsta vetur? ég sé fram á að ösla snjóinn upp á miðja kálfa í myrkrinu, bærinn verður svo tómur að borgasjóður ákveður að slökkva á öllum ljósastaurum og hætta að moka göturnar.
guði sé lof fyrir hana svöfu mína að nenna að hanga hér heima á skerinu. *hjúkk*
talandi um útlönd þá lét baldur páll heyra í sér. krúttið a-tarna.

vei vei vei!
ég var að tala við Þórunni :D getiði hvað ég ætla að gera í vetur með henni... híhí hí!

í gær bjó ég mér til rosalega gott pasta salat úr öllu því grænmeti í ísskápnum sem ekki var farið að skríða um eða lykta Mjög Illa. m.a. setti ég hálfan rauðlauk. af því að mér finnst laukur svo góður. en allt í læ með það, ég borða á mig gat, fæ tár í augun af því að bryðja allan þennan lauk og sofna yfir sjónvarpinu. en í hádeginu núna í dag fór ég í leikfimi hjá henni Báru Beibí og svitnaði heil óskup. þá gaus upp þessi líka Svakalega lauklykt. ætli maður svitni lauklykt?
en mér var nú ekki farið að standa á saman þarna á tímabili, matreiðslu-brjálæðisglampi komin í augun á konunum við hliðina á mér go svei mér ef ein var ekki farin að sleikja útum í gríð og erg. þannig að eftir tímann flýtti ég mér sem mest ég mátti og hljóp uppá skjaló með öndina í hálsinum, bjóst nokkurnvegin við að vera með hjörð af hungruðum konum á hælunum, en svo var nú ekki.
*hjúkk*

jibbí jei!
ég keypti lottó miða :) maður hefur nú ekki gert það í mörg ár. jafnvel bara aldrei. en það eru víst meiri líkur á að vinna ef maður heitir á einhvern, svo að ég ætla að gefa öllum sem skrifa í gestabókina mína í dag, á morgun og á laugardaginn ÍS ef ég vinn í lottó :)
ef þetta er ekki ekkvað til að plögga flottu góðu gestabókina þá veit ég ekki hvað.
tala nú ekki um hinar hækkandi líkur á að ég vinni í lottó...
híhí