ég er að fara á hvammstanga í kvöld.
ííííhaaaaa!
það verður nú anskotanum huggulegra svo ekki sé meira sagt. ég ætla að taka með mér penna, blýant og svo mikið af blöðum að pabbi á eftir að æja og óa. ég er líka að spá í að stela prófessjónal flottu góðu trélitunum hennar mömmu, hehehe! svo þegar ég kem heim, verð ég orðinn svo góður manga teiknari að fólk á eftir að keppast um að fá mig til að teikna fyrir sig. en ég kem heim á morgun, svo óttist eigi. ég veit nú samt ekki hvort ég mæti í vinnuna, fer eftir því hvenær við Dagbjört drullum okkur af stað í fyrramálið. jedúdda mía. seint fáum við verðlaun fyrir mikla morgungleði, systurnar...
en allavega.
helgin er alfeg óplönuð, hvurslagseiginlega er þetta? ég bara spyr mig sjálfa. baldur er búinn að hóta einhverju afskaplegu sukki, vill helst ekki æfa kvartettinn aftur fyrr en seint á þriðjudagskvöld og tekur fyrir að gera nokkurn skapaðan hlut fyrir hádegi út allan ágúst mánuð (kannski oggu ýkjur), arnar kærastinn minn (sá sem er mér kærastur, við erum ekki saman, hann á kærasta)vill fara í útilegu, maggi á afmæli á morgun, er að nálgast þrítugt á þvílíkum blússandi farti að maður nær varla að skrifa á afmæliskortin hans, og þá er strax árið liðið! hjartaGullið hann Vignir er að fara til BERLÍN á laugardaginn, ætlar að halda fyrirlestur með nöktum manni (það er mynd af nöktum manni í fyrirlesturinn, hinn fyrirlestrarmaðurinn verður að öllum líkindum í einhverjum fötum) og svo verður þarna sér samkynhneigður skemmtigarður þar sem öll leiktækin spila annað hvort justin timberlake eða britney spears, nema hvort tveggja sé, en það er hræðilegt draugahús sem kemur hörðustu leddara-hommum til að skæla (þetta er ekki satt) en mikið skelfing á ég eftir að sakna hans! við sem erum ekki búin að tala illa um Legally Blond 2 í nema svona 40 mínútur! alls ekki nóg. svo maður minnist nú ekki á Undramund sjálfan sem unir sér vel við leggi og skel í mömmuleik við skálholtskirkju og er búinn að eyðileggja 5 mánaða vinnu fornleifauppgreftrarfólks (þetta er kannski ekki alfeg satt heldur).
æjh, ég segi nú bara eins og hún hjartans Svafa mín sagði á Eiðum hér eina nóttina, þegar dramatíkin stóð sem hæðst og sem minnst var eftir af nýmjólkinni:

"dæs! Það er bara full-time job að vera manneskja..."

annars er ég að fara héðan af skjaló... þetta fer að verða gott. næstum því 10 manns búið að hringja í dag, ég fer að fá blöðrur á eyrun! (ekki gott)
túdílí dúdí lí