djöfulsins klukk alltaf hreint

núverandi tími: 16:27
núverandi föt: brún skyrta og gult pils (bæði úr hm)
núverandi hár: brúnt og frekar subbulegt, fór að sofa með fastar fléttur
núverandi pirringur: er að æfa mig og var að fatta ég er með of stuttar hendur. það er bögg. svo þyrfti ég mjög alvarlega að fara að drullast í ræktina, er með fitufellingar útum allt
núverandi lykt: eitthvað jurtate hérna við hliðina á mér sem er bleikt á litinn
núverandi skartgripir: ekkert. nema nottla eyrnalokkarnir. var samt að kaupa mér gellu eyrnalokka í gær :)
núverandi áhyggja: verða feitari
núverandi löngun: langar heim að knúsa jóninn minn :( og borða íslenskt nammi. og drekka kók. svo langar mig í pizzu.
núverandi ósk: að komast heim. er þetta ekki sama spurningin og hér á undan? heimska klukk
núverandi farði: eitthvað smá leftóver maskari frá því í gær....
núverandi eftirsjá: að hafa ekki drullað mér á fætur í morgun eins og almennileg manneskja og gert eitthvað að viti. hrumpf!
núverandi vonbrigði: að hökubrettið mitt sé í rauninni ekki það sem er að halda aftur af mér í glæsilegum fingrabrjótsrunum, heldur líkamsstaða mín (nú þarf ég að vinna sjálf í málinu í staðinn fyrir að geta bara keypt nýtt bretti :@)
núverandi skemmtun: er að fara á tónleika í kvöld með skólahljómsveitinni. býst við smá tjútti eftir það. svo er ég að tala við jóninn minn á msn :)
núverandi ást: Jón Viðar
núverandi staður: við skrifborðið mitt í herbergi 433 á 4ðu hæð C blokkar á Cambrian skólagörðunum í Birmingham.
núverandi bók: er að lesa narniu bækurnar. nýbúin að lesa harrypotter 6 svo þær ná mér nú ekki alfeg á flug. góðar samt...
núverandi bíómynd: sá brothers Grimm í gær. hún var ömurleg. eða svona... ég fýlaði hana ekki
núverandi íþrótt: fer í L.A. Fitness center eins oft og ég get(nenni). þar get ég farið í allskonar svona sprikl tíma og dót. er samt mest á hlaupabrettinu og stíg-vélinni...
núverandi tónlist: var að hlusta á tónleika með Ceciliu Bartoli. þó hún sé voða góð þá fundust mér þessir tónleikar eiginlega bara lélegir, þunnur tónn og stælar. svo köttuðu þeir ekki klappið og bravó-öskrin aftan af, sem ég hata.
núverandi lag á heilanum: bartók konsertinn sem éger að fara að hlusta á á tónleiknunum á eftir. horfði á æfinguna í gær og er búin að vera með hann á heilanum síðan...
núverandi blótsyrði: fuck you bitch (yfirleitt sagt við David) svo segi ég oft, "(þetta og hitt, fólk eða hlutir)...is for wimps"
núverandi pirringur:er að reyna ða tala við jónsæta, en hann dettur alltaf út. :(
núverandi desktop mynd: fyndnasta mynd í heimi, tekin heima hjá elfu á einhverju tónó-fylleríi. allir í hláturskasti.
núverandi áætlanir fyrir kvöldið: tónleikar og tjútt
núverandi manneskja sem ég er að forðast: sænsk stelpa sem er með mér í bekk. hún fer bara svo í taugarnar á mér að ég á erfitt með að hemja mig um að hreyta einhverju í hana... sem er dónlegt og ljótt, svo ég er að reyna að forðast hana.
núverandi dót á veggnum: mynd af mér og villu litlusystur, mynd af mér og jónisæta, fullt af póstkortum, mynd af óskari, stundataflan hjá la fitness og hvítt glimmer fiðrildi sem mamma mín gaf mér :)

jæja.... þetta tók nú ekki jafn mikinn tíma og éghélt (20 mín). ég ætla að klukka Döggu litlu systur. hún er nú samt ekki búin að blogga nema þrisvar síðastliðna 7 mánuði, svo það gæti tekið einhvern smá tíma. oh well

vissuðu að fyrsta landið til að veita konum kosningarrétt var Finnland og það var árið 1906?!!

Tryggðatröllið og heimilisvinurinn Páll Einarsson á afmæli í dag!
ef ég ætti inneign í símanum mínum myndi ég hringja í þig palli minn og ropa eins og vitlaus væri :)

knúsknús sæti, eigðu góðan dag :)

vó

við erum ekkert að djóka með magn af upptökum!

var ég búin að segja ykkur að þetta er kennarinn minn? :D

room 433 = clean

ég held að þetta herbergi hafi ekki verið hreinna síðan jónsæti kom og heiðraði mig með nærveru sinni í byrjun október. :) og ekki nóg með það, heldur þvoði ég lopasokkana sem mamma mín sendi mér.
geri aðrir betur.
hmm.... kannski ekki svo flókið :p

ég fór fram og fékk mér ristað brauð OG horfði á Birth. hún er mjög skrýtin og ekki skerí. kannski smá samt.
og núna ætla ég uppí rúm.
og fara að sofa.

ég er samt ekki þreytt :p

ég er að hlusta...

... á Flos Campi eftir Vaughan Williams og fýla það.
ógeðslega skrýtið verk. en töff. mjög töff.
er að gera það uppvið mig hvort ég eigi að fara fram og fá mér ristað brauð eða fara bara að sofa og reyna ða vakna snemma á morgun (vakna snemma is for wimps). svo lánaði Ting mér dvd disk (Birth) en ég þori eiginlega ekki að horfa á hana af því ég held hún sé skerí. nenni samt bara alls alls ekki að fara að sofa.
-ég er ekki þreytt.... (foreldrar mínir kannast of vel við þessa setningu)

ó hvað ég á bágt

þessi gaur er ekkert smááááá hress :D

getur einhver sagt mér AFHVERJU kærastinn minn elskulegur er EKKI online?
urgh.
hann er örugglega að hefna sín af því að ég var ekki online í gær :S

mig langar í meira súkkulaði :(

tónleikarnir....

...voru svo geðveikir að ég bara hef sjaldan heyrt annað eins. Scholl er brjálæðislega góður! og svo er hann ekki með neina stæla eða neitt, gerir bara sín stykki og hneigir sig svo og brosir. og Bandið var sjúúúúúúklega gott! ég hef nú aldrei verið sérstaklega hrifin af svona barrokkhljómsveitum og þannig pælingum, en það var nú bara greinilega út af því að ég hef aldrei heyrt þetta almennilega gert. þvílíkir snillingar. og sama yfirbragðið og Scholl, ENGIR stælar eða tilgerð eða neitt. bara músík.
njammnjammm. var eiginlega búin að gleyma því hvað það er gaman að fara á skemmtilega tónleika :)

þetta krútt hér er að fara að skemmta tótunni í kvöld :)

sýra jóns

mér er illt í maganum og er svöng. samt er mér ekki illt í maganum afþví að ég er svöng og ég er ekki svöng af því að mér er illt í maganum.
merkilegt.
svo er mér kalt á hægri hendinni en ekki vinstri. held ég drífi mig bara í ræktina... eða legg mig.
eða legg mig í ræktinni.

ég veit ekki af hverju..

... en þessi gaur sem er fremst í röndóttu, (söngvarinn í Franz Ferdinand) minnir mig svo á Gumma kennara...

ljóta tóta

ég veit bara í óskupunum ekki af hverju ég er ekki búin að drulla mér uppírúm að sofa. meiri helvítis auminginn alltaf hreint. svo er Rivku-dagur á morgun, úffúff. er auðvitað EKKI búin að æfa mig nóg, þó ég sé svo aðsegja næstum því nokkurnveginn eiginlega komin með meira sigg á puttana heldur en ég er með á rassinum af hangsi.
en þetta með nenna-ekki-að-fara-að-sofa dæmið... ég er að reyna að afsaka sjálfa mig með því að ég er að bíða eftir þurrkaranum. hinsvegar veit ég líka vel (og ætti að segja sjálfri mér það) að þessi þurrkari er löngu búin að þurrka, ég nenni bara ekki niður fjórar hæðir, út í rigningu og rok, ná í þvottinn og svo út í rigningu, upp fjórar hæðir og svo að sofa.
það er líka vesen að fara að sofa, maður þarf að bursta tennurnar og fara í náttföt... slökkva ljósið og guðminnalmáttugur taka allt draslið af rúminu svo hægt sé að komast upp í það.
þvílíkt sem á mig er lagt....

jæja on I go

aaaahhh....

Ég hélt ég væri orðin of gömul fyrir svona, en hún spyr víst hvork´um stétt né stöðu... aldur, kyn né starfsreynslu. ég er nefnilega orðin ástfangin.
*andvarp*
Brahms píanó kvartett í A-dúr, op. 26 hefur laumað sér inní hjartað á mér og er alfeg að gera mig óða.
ástæðan að ég hélt mig of gamla var vegna þess að þegar ég var yngri var þetta alltaf að gerast, ég kolféll fyrir einhverjum verkum og gerði stundum ekkert annað heilu oghálfu næturnar.... hvernig læt ég?! heilu og hálfu mánuðina sat ég og horfði með heimskulegu unglinga-augnaráði út í loftið og fannst ég hafa fundið hina einu og sönnu hamingju.
núna er maður orðinn mikið "þroskaðri" og "vandlátari" og í stuttu máli svo uppfullur af sjálselsku og skít að maður sér (heyrir)ekki lengur það einfalda. er svo upptekin af bulli eins og borgareikninga, fara snemma að sofa, drekka 2lítra ádag af vatni, og þannig hlutum að svona gull gerast ekki lengur.
nema núna! hohoho! ég fékk óvart lánaðan Brahms disk um daginn af því ég hélt að hann væri með píanó kvintett á, en nónó miss stupid, þar var ekkert annað en 2 píanó Kvartettar. tilviljun? nei ég held sko aldeilis ekki. svo núna sit ég tímunum saman (er ennþá of upptekin við að hugsa um asnalega hluti til að leyfa mér lengri tíma) og glápi útí loftið með ennþá heimskulegri svip.

aaaaah....

núna er ég búin að setja upp svona ONLINE dagatal. voðalega sniðugt, segi ekki annað. og það sniðugast við það er að þið, mínir kæru vinir, getið skellt einhverju þar inn líka (eða ættuð að geta ef þetta virkar almennilega). þannigað nú hvet ég alla til að setja afmælisdagana sína og komandi partý og fleira í þeim dúr :)
húrrahúrra!

skoðunarkönnun

Nú er ég búin að setja upp skoðunarkönnun af því að ég er búin að vera í stökustu vandræðum með að hlusta á tónlist í tölvunni minni. annað hvort virkar dótið ekki eins og ég vil, eða það er bara asnalegt og OF merkilegt með sig.
eh...
allavega, allir að vóta

lincoln bílar...

gaurarnir hjá lincoln bílaumboðinu á íslandi eru ekki bara bílasalar, heldur skáld.... tjekkið á þessu:

"Lincoln er handverk sem er unnið af alúð og myndar glæsileika sem á sér enga fyrirmynd. Tilfinningin er einungis þeirra sem reynt hafa. Þú ekur Lincoln og heldur þig á flugi og mjúkum skýjum. Veldu LIncoln."

síðan fyrir áhugasama

fékk mér dæet kók, 175 grömm af matlesers kúlum og talaði við jónsæta á skype.
þannig að ég er ekki lengur í fýlu :)
er að fara að horfa á futurama. víííí haaaaa!

ég er í fýlu.
af því bara.