Þetta er Ó G E Ð S L E G A skemmtilegt!!!
:D

komin heim á skjaló með viðgerða tönn og svei mér þá ef ég brosi ekki bara. þetta var als ekki vont og síður en svo ógurlegt. ég var réttsvo farin að emja "ó-ó" og þá var það bara búið! :D þvílík snilld. ég ætla alltaf að vera með svona næs tannskemmdir. híhíhí.
svo fór ég meira að segja í Kringluna vegna þess að ég ætlaði að kaupa mér Teva skó. en þeir áttu bara Kvenmanns Teva skó og þeir eru svo ógeðslega mjóir að klumpu-flat-fitabollu-fóturinn á mér kemst ekki með góðu móti fyrir á botninum og svo eiga þeir bara karlaskó FRÁ stærð 40. hvað er eiginlega málið? er virkilega ekki gert fáð fyrir því að fólk sé með svoaðsegja ferkantaðan fót?
þvílíkt misrétti!
þetta er nú eitthvað sem stjórnmálaflokkarnir mættu impra á, þó ekki væri nema í eins og einum sjónvarpsþætti....

ég er að fara til tannlæknis núna eftir korter. úff hvað ég/mig/mér kvíður/kvíði fyrir. ég er svo skelfing hrædd við tannlækna. ekki að þeir séu eitthvað hryllilegir, hvað þá að hún Ásta sé ógurleg, þar sem hún situr sönglandi og gerir við geiflurnar í manni. en úff! öll þessi tæki og tól, tala nú ekki um þessi sem eru tengd við rafmagn og gefa frá sér svona bzzzzzzz hljóð? hvernig getur þetta verið gott fyrir mann?
rafmagn og munnur? á þetta að vera eitthvað grín?
ég vildi allavega ná að kveðja hinn himneska Bloggheim, ef ég skyldi deyja úr stressi áður en til tannviðgerða kæmi.
reyndar er ég alfeg ofsalega þreytt. kannski ég sofni bara og þegar ég vakna er þetta ALLT saman búið :D mikið væri það nú indælt...

Þetta er Snilld :)

ég fór í sund í morgun, voða dugleg. og mamma kom með! hressi jarðfræðingurinn reif sig á fætur og tölti í sund með tótu sinni. ef við værum ekki svona BUTT-leiðinlegar á morgnana og fúlar, hefðum við vel getað átt "kvolití tæm" en við gerðum þögult samkomulag um að þegja. enda er erfitt að tala saman í sundi. en hressar vorum við eftir á og blöðruðum eins og blöðrur... hmmm.
en ásbjörn bróðir minn fór í massafílu, þurfti nefnilega að vakna sjálfur og finna skóladótið sitt alfeg upp á eigin spýtur. æj. og ekki nema 11 ára. litla skinnið. enda var hann hálfgrenjandi þegar við mættum honum og hafði ekki fundið skólatöskuna sína.
gaman að því hvað yngri systkini geta verið ótrúlega óhæf í einfalda hluti.... (ekki þú Dagga mín)

haldiði ekki barasta að hún Sunna Sveins hafi kíkt í heimsókn og verið svona líka hress. með fjólublátt naglalakk og ég veit ekki hvað og hvað. hún var s.s. á Hlemmi (ekki að hanga, þurfti að taka strætó) og bara gat ekki annað en kíkt við hérna á Skjaló. ég gaf henni meira að segja kaffi í Gestabolla og mjólk úti það líka, reyndar G-mjólk, en alfeg sama... mjólk fyrir því. þetta ættu ALLIR að taka sér til fyrirmyndar (þ.e. koma í heimsókn, ekki nota G-mjólk) og apa eftir henni Sunnu alfeg óhikað. það er svo gaman að fá gesti! manni hættir að vera óglatt í smástund yfir helv. manntalinu.
annars er það helst að frétta að ég er alfeg að fara að beila á þessu öllu saman og drífa mig heim, og svo er Eydís farin að nota Z í annað hvert orð... hvað er eiginlega málið með það?

já það er svona líka hress skúringarkall hérna á skrifstofunni okkar. hann er með mjallahvítt hár og talar skrítna íslensku. ég held að hann sé geimvera... en það sem er fyndið (eða soldið fyndið....) er að hann skúrar alfeg eins og amma mín :) tekur kraftinn á þetta. Hörku-Hreint eins og við köllum það. því meiri læti sem hægt er að gera með skúringargræjunum, því betra.

hverjum hefði dottið í hug að ég myndi fá mér TVEGGJA TÍMA göngutúr, og það inní Reykjavík?
jah ekki mér, en sú var nú samt raunin í gær. var á skjaló til 6 og ætlaði svo á kaffihús að hanga til 8, en þá var Halldóra að fara að spila yfir stigsprófið sitt í tónskóla Sigursveins. svo labba ég af stað, ætlaði að fara á conditori hjá hótel Esju, en viti menn! það var lokað. sem er nottla ekkert nema hneyksli, svo ég vitni í bréf sem ég skrifaði í gær, þannig að ég sá mig nauðbeygða til að labba aðeins lengra. og í stað þess að snúa við og taka stefnuna á miðbæinn þar sem kaffihús eru á hverju strái, þá labbaði ég niðrí laugardal. skoðaði grasagarðinn, sem er næstum því nálægt því að nálgast græna litinn og sá ýmislegt skemmtilegt. t.d. fólk sem var að stunda MJÖG áhugaverða íþrótt, sem felst í því að hreyfa sig eins hægt og maður getur, með jafn fáum líkamspörtum og mögulegt er að nota án þess að detta.
ég held að þetta sé tilvalin íþrótt fyrir mig....
svo sá ég líka skokkara, sem voru ýmist froðufellandi eða með brjálæðisglampa í augum, nokkrar kellingar með börn og svo krakkabjána á hjóli. oj. en á milli þess sem ég gekk þarna í næstum því grænni náttúrunni, skrifaði ég bréf, sem var mjög skemmtilegt og áhugavert.
en vó, ég held ég drífi mig í kaffi áður en skúringarmaðurinn skúrar mig til dauða :o

enn og aftur er ég farin að hanga uppí/niðrí/uppá/niðurá skjaló EFTIR vinnutíma. hvað er eiginlega að mér? held ég að hérna sé gaman að vera?
reyndar er þetta ekki svo slæmur staður. tala nú ekki um þegar maður fær svona líka ÓGEÐSLEGA góða köku í kaffinu hjá henni Öddu beib. en ég var nottla mega stabíl, fékk mér bara Eina Litla Sneið og hljóp svo öskrandi útúr eldhúsinu svo ég myndi ekki háma restina í mig. úff.
rosalegt þegar þetta skellur svona á mann.
en allavega. ég er að fara að hlusta á hana Halldóru dúlluendaþarmsop spila yfir stigsprófið sitt núna á eftir, svo er spurning um að spyrja hvernig liggi á þeim Sigursveins stúlkum með samstarf næsta vetur... maður er svo andsk. virkur þessa daganna... ha?

Oh já!!!!
ég vissi þetta allan tímann. nú er bara að setjast við símann og bíða. en ég veit allavega að við verðum hamingjusöm til æviloka, en við verðum vitaskuld að vinna í sambandinu... tala saman o. fl.
:)

vó!
sumt fólk hefur bara EKKI neitt við tímann að gera....

Ahahah!
þeir voru nú aldeilis hressir í Mosfellssýslunni á 19. öld, haldiði ekki að ein hjáleigan heiti Amsterdam?
Flipparar!
kannski eru afkomendur þessa bæjar sem reka barinn niðrí bæ... hvað veit maður?
segiði svo að það sé ekki Stimmung að vinna við að slá inn Manntalið 1835!!

núna er það nýjasta að gera sér myndasíður á netinu... hmmm... maður myndi nú líka kannski fá sér svoleiðis ef maður ætti stafræna myndavél. en neinei! því er ekki fyrir að fara :( En Allavega... til að allir geti nú notið þess til fulls ákvað ég bara að gera linka-dálk. og í staðinn lagði ég niður dálkinn "hverjum ertu skotin í?" vegna þess að hann var hallærislegur... :p

Fyrsti dagur hinnar nýju tótu byrjaði snemma, eins og allir nýju dagarnir hennar eiga eftir að byrja. eh.... en allavega þá fór ég í SUND í morgun. Ferskja punktur is mætt. og ógleði dot com. en ég náði þó að synda einar 20 ferðir í suðurbæjarlaug hafnarfjarðar án þess að nefbrjóta nokkurn mann. svei mér þá. ég synti meira að segja hraðar heldur en stelpan í bikiníinu og gamli maðurinn með svörtu geirvörturnar. freaky shit í gangi þarna á morgnana, maður veit ekkert við hverju á að búast. mæli ekki með því að fólk mæti (meira pláss fyrir mig, hehe). svo fór ég heim og fékk mér MORGUNMAT. en það er eitthvað sem hefur held ég ekki gerst síðan ég var á leikskóla í danmörku ´85 og öll börnin borðuðu morgunmat saman á morgnana.
málið er og ástæðan fyrir þessari alltof miklu framkvæmdagleði er einfaldlega sú að ég er komin með "verðaðveramjósteríótýpa-syndrómið". ætli ástæðan sé ekki sú að ég var í fyrsta skiptið edrú heila helgi og heilinn náði í alvörunni að hugsa skýrt í nokkrar mínútur...
sem er nottla hneyksli, ég stefni á að verða atvinnuhljóðfæraleikari! eins gott ég nái mér í stinnan kropp sem fyrst, svo ég geti farið að einbeita mér að því að safna bjórvömb. aaaaaah.... bjór.....

gleðilegan fyrsta sunnudag eftir páska!
ég er heima hjá Vigni mega beib og er að fara að borða grillaðan kjúlla!!! og það er sallat með eplum og ananas með!
við vorum sko að þrífa bílinn hans í dag. dugleg dauðans. svona er maður almennilegur.
en ég get með stolti sagt að helgin er búin að vera róleg. stóðst meira að segja brjálaðislega freistandi boð frá Arnari um að fara á fyllerí... en svona er maður stabíll, ha?
svo er stefnan tekin á ennþá meiri hollustu... sund í málið!!!!

jess.
þá er að fara að DRULLA sér heim til sín og liggja þar eins og hálfviti þar til mér dettur eitthvað sniðugt í hug að gera. jesús. dagga systir er að fara í svona læri-maraþon, allir 10 bekkirnir í setó ætla að læra í alla nótt. voða er fólk orðið klikkað... :) ég var nú bara heima hjá mér fyrir samræmdu í rólegheitunum. kannski aðallega að mamma væri að stressa sig. en ég meina hey.
svo er ég búin að vera að hlusta á klassisk DK í allan dag. drullunett. þetta er s.s. "klassíkó effemmó" þeirra dana, og hægt að hlusta á það í gegnum netið. vá hvða ég er mikið nörd. :p
en góða helgi fólk!

þetta er hann Daníel beib sem einni vinkonu minni finnst vera aðeins meira beib en aðrir... :)

OJ!!! Jennifer þó!
þessar poppstjörnur eru svo óforskammaðar, að það hálfa væri nóg!

ef ég væri önd myndi ég segja bra-bra...

mig dreymdi í nótt að ég væri á árshátíð tónlistarskólanna, og það var svo góður matur að allir átu á sig gat og sofnuðu ofan á borðin. mjög skondið. nema ég var brjálaðislega fúl vegna þess að ég ætlaði að djamma svo geðveikt mikið.