afi gamli ætlar að draga tótu sína í spinning í hádeginu. úff-úff-húff! veit nú ekki hvernig það endar. annaðhvort fæ ég hjartaáfall eða druknna úr svita... eða bæði. ég er ekki góð í spinning, fatta aldrei þetta með taktinn og fæ alltaf illt í rassinn. sem er hvoru tveggja mjög kjánalegt, búin að vera í Taktvissu Tónlistarnámi frá tíu ára aldri og er með Risastóran Rass.
stuð að stuðla.
svo fór ég nú á www.spinning.com svona til að koma mér í gírinn og það fyrsta sem blasir við manni á síðunni er mynd af voðalega ungri og tiptop gellu og eitthvað "In Loving Memory" undir. manni bregður nú bara í brún, hvað á þetta skylt við spinning.com? er þetta kannski Lífhættuleg heilsurækt? ég bara spyr mig sjálfa. en þar sem mér er ennþá töluvert óglatt hef ég ákveðið að svara mér ekki.
en fyrir áhugasama, áhorfendur eða hugrakka þáttakendur, þá mun þessi mikla þrekraun eiga sér stað í Þrekhúsinu vestur í bæ klukkan 12:05. það verður auðvelt að þekkja tótu sína, verð manneskjan sem lítur út eins og hún sé nýkomin úr sundi í öllum fötunum og sé eiginlega alfeg að kafna.
yeaaaaahhhh!
Engin ummæli:
Skrifa ummæli