ég átti alfeg eftir að óska honum Guðna Karli til hamingju með afmælið, en hann varð Tvítugur í gær, Hinn Fjórða Maí. mjög gaman að því.
til hamingju Elsku Guðni. megi mátturinn vera með þér á þeirri hálu braut sem þú munt brátt stíga inná.
jeeeeesss....
við hefðum nú kannski átt að syngja afmælissönginn á Hljómeykis-kóræfingu þar sem við vorum nú á annað borð að syngja. sting upp á því næst. þau eru alltaf svo hress þarna í Hljómeyki. jájá!

talandi um Döggu systur og samræmdu prófin. þá er hérna hægt að sjá Náttúrufræðiprófið sem litla skinnið var í morgun og sjá hvort maður gæti komist uppúr 10. bekk.
mikið er ég fegin að það voru bara 4 samræmd próf þegar ég var í þessu. ég hefði aldrei nennt að læra þetta allt saman.

það var einhver Geimveira að linka á mig. ég veit ekkert hver þetta er. nú er ég komin með tvo linka yfir á fólk sem linkar yfir á mig án þess að ég viti hverjir þetta eru. nú verða Eyfi og Dagga systir alfeg brjáluð, þau eru svo drullu-forvitin :) hehe. gott hjá þeim að vera svona forvitin.
en ég veit samt að þessar kellingar þekkja mig ekki MJÖG vel því á báðum stöðum er ég skrifuð Tóta með Stóru Téi...

djöfull var beilað á mér í morgun! meira pakkið sem ég þekki, þykist vera í prófum! ég er svo aldeilis bit. svo var ég svo geðvond að ég nennti ekki að vekja mömmu. og ekki batnaði skapið þegar ég kom niður að sundlaug kl. 6:20 og uppgvötaði að það opnar ekki fyrr en 6:30!!! skítasundlaug!!! svo var ógeðslega mikið af fólki að synda, svo maður þurfti að vera MEÐ einhverjum á braut. ég þoli það ekki og enda yfirleitt á því að klessa á einhvern. reyndar var mikill meirihlutinn Ga-ham-a-halt fólk sem synti svo ógeðslega hægt að ég get með engu móti skilið hvernig það hélt sér á floti. svo var einn gaur við hliðina á mér sem var eitthvað voða matsjó. og það kom rakspíralykt þegar hann synti framhjá. án gríns! hvað er fólk eiginlega að spá? fyrr má nú vera fokking fílan af manninum, ef hann heldur að hún berist í vatni!
en allavega... þetta batnaði nú örlítið þegar á leið og svo var sólskin mikið svo ég fékk freknur á bringuna. þannig að þetta var nú ekki alslæmt. alls ekki.
:)

fimmtugsafmæli DAUÐANS á föstudaginn hér á skjaló. þvílíkt rokk og ról fram eftir öllu. eða svona þannig, byrjuðum reyndar svo snemma að við vorum dauð uppúr miðnætti. úff. djöfulsins stemmari. :) sem betur fer munum við öll ekki allt, svo allir eru jafn vandræðalegir. samt nett. nettast af öllu var þó það að ég hélt ég væri búin að týna símanum mínum, en fann hann svo undir rúmi. þvílíkt hugboð. og fann í leiðinni bláu náttfötin mín sem ég er búin að vera að leyta að í marga mánuði. svo tókst Arnari næstum því að plata mig á djammið laugardagskvöldið líka, en ég hélt mig við vídjó gláp og nammi át með honum Vigni mínum (hverjum öðrum ;)), Eydísi og Fríðu. við þurftum reyndar að beita Fríðuna frekar miklu harðræði til að koma henni útúr húsi, en tókst að lokum.
svo var bara hljómeykisæfing í gær, ótrúlegt en satt. æfðum meira að segja heilan helling. sem minnir mig á það að ég verð að grafa upp þessi lög á netinu svo ég geti nú lært þetta á augabragði og hætt að vera eins og algjör api á æfingum. ekki það að það sé slæmt að vera api, það er til fullt af apalegu fólki sem hefur það bara ágætt.
jess....

Broddgölt sem gæludýr?
nú á ég kött sem ótrúlega sætur og skemmtilegur og heitir Óskar. ég elska hann út á lífinu þó hann sé feitur og geðvondur og leyfir öðrum köttum í hverfinu að éta matinn sinn. mér þykir meira að segja vænt um hann þegar hann drepur söngfuglana í næsta garði og dregur þá nær dauða en lífi inn, eða skilur eftir limlesta útum allan garðinn hennar Sigrið í næsta húsi. en svo var ég á netinu (suprize, suprize) og fann þessa mögnuðu síðu. er kannski bara málið að fá sér Broddgölt?

Jón kominn í hús. Jón minn þ.e.a.s. þessi sem var í hvítum potti. núna í brúnrauðum, ekkert smá skæslegur.
ég er búin að vera að hugsa svo hlýtt til svo mikið af fólki í dag að mér er bara orðið hálf kalt. en hún Dagga mín sætust var í samræmdaprófi í Íslensku í dag og svo var The Dude í einhverju voðalegu stærðfræðiprófi sem ég kann ekki að nefna. en þeim hlýtur nú að hafa gengið vel, jafn afburðagáfuð og þau eru nú ;)
annars er það helst að frétta að sundferðin í morgun var svo vel mætt að annað eins hefur varla verið til umtals síðan um daginn. en mamma arkaði með mér og ÁSI bróðir (ég held hann hafi aðallega komið með til að geta tuðað yfir því ða þurfa að vakna svona snemma) og svo hún Eydís beib-a-rama. en vó! hvað var málið með hitastigið? er eitthvað djók í gangi hjá veðurstofunni? ef svo er þá er þetta ekki fyndið og þeir mega alfeg ýta aftur á sumar-takkann.
takk.

ég er að spá í að fara heim með hann Jón. það er orðið svo þröngt um hann í þessum ljóta hvíta potti. hann er orðinn litlaus og aumingjalegur.
ja svei!
annars erég bara hress að vanda, þrátt fyrir hræðilegar fréttir um komandi sumar :( sif hringdi hér með grátstafinn í kverkunum og mátti vart mæla. ég hef nú reyndar ekki jafn dramatískar tilfinningar til dæmisins, og tel ekki gott að taka grátköst fyrr en allar aðrar leiðir eru uppþornaðar eins og hann Jón er að verða í glugganum.
en maður harkar af sér, enda mikill víkingur í aðra hvora ættina.
jessörí Bob
en égfór í bíó í gær með Elsku Krúttinu honum Vigni Frey, fórum á myndina 28 days later sem er svona huh... ekki alfeg framtíðarmynd, vegna þess að hún gæti gerst í samtímanum en hryllingurinn er ógurlegur. minnir mig soldið á staðleysubókmenntaáfangann sem ég er að beila á.
brrrr....
horror.

Þetta er Ó G E Ð S L E G A skemmtilegt!!!
:D

komin heim á skjaló með viðgerða tönn og svei mér þá ef ég brosi ekki bara. þetta var als ekki vont og síður en svo ógurlegt. ég var réttsvo farin að emja "ó-ó" og þá var það bara búið! :D þvílík snilld. ég ætla alltaf að vera með svona næs tannskemmdir. híhíhí.
svo fór ég meira að segja í Kringluna vegna þess að ég ætlaði að kaupa mér Teva skó. en þeir áttu bara Kvenmanns Teva skó og þeir eru svo ógeðslega mjóir að klumpu-flat-fitabollu-fóturinn á mér kemst ekki með góðu móti fyrir á botninum og svo eiga þeir bara karlaskó FRÁ stærð 40. hvað er eiginlega málið? er virkilega ekki gert fáð fyrir því að fólk sé með svoaðsegja ferkantaðan fót?
þvílíkt misrétti!
þetta er nú eitthvað sem stjórnmálaflokkarnir mættu impra á, þó ekki væri nema í eins og einum sjónvarpsþætti....

ég er að fara til tannlæknis núna eftir korter. úff hvað ég/mig/mér kvíður/kvíði fyrir. ég er svo skelfing hrædd við tannlækna. ekki að þeir séu eitthvað hryllilegir, hvað þá að hún Ásta sé ógurleg, þar sem hún situr sönglandi og gerir við geiflurnar í manni. en úff! öll þessi tæki og tól, tala nú ekki um þessi sem eru tengd við rafmagn og gefa frá sér svona bzzzzzzz hljóð? hvernig getur þetta verið gott fyrir mann?
rafmagn og munnur? á þetta að vera eitthvað grín?
ég vildi allavega ná að kveðja hinn himneska Bloggheim, ef ég skyldi deyja úr stressi áður en til tannviðgerða kæmi.
reyndar er ég alfeg ofsalega þreytt. kannski ég sofni bara og þegar ég vakna er þetta ALLT saman búið :D mikið væri það nú indælt...

Þetta er Snilld :)

ég fór í sund í morgun, voða dugleg. og mamma kom með! hressi jarðfræðingurinn reif sig á fætur og tölti í sund með tótu sinni. ef við værum ekki svona BUTT-leiðinlegar á morgnana og fúlar, hefðum við vel getað átt "kvolití tæm" en við gerðum þögult samkomulag um að þegja. enda er erfitt að tala saman í sundi. en hressar vorum við eftir á og blöðruðum eins og blöðrur... hmmm.
en ásbjörn bróðir minn fór í massafílu, þurfti nefnilega að vakna sjálfur og finna skóladótið sitt alfeg upp á eigin spýtur. æj. og ekki nema 11 ára. litla skinnið. enda var hann hálfgrenjandi þegar við mættum honum og hafði ekki fundið skólatöskuna sína.
gaman að því hvað yngri systkini geta verið ótrúlega óhæf í einfalda hluti.... (ekki þú Dagga mín)

haldiði ekki barasta að hún Sunna Sveins hafi kíkt í heimsókn og verið svona líka hress. með fjólublátt naglalakk og ég veit ekki hvað og hvað. hún var s.s. á Hlemmi (ekki að hanga, þurfti að taka strætó) og bara gat ekki annað en kíkt við hérna á Skjaló. ég gaf henni meira að segja kaffi í Gestabolla og mjólk úti það líka, reyndar G-mjólk, en alfeg sama... mjólk fyrir því. þetta ættu ALLIR að taka sér til fyrirmyndar (þ.e. koma í heimsókn, ekki nota G-mjólk) og apa eftir henni Sunnu alfeg óhikað. það er svo gaman að fá gesti! manni hættir að vera óglatt í smástund yfir helv. manntalinu.
annars er það helst að frétta að ég er alfeg að fara að beila á þessu öllu saman og drífa mig heim, og svo er Eydís farin að nota Z í annað hvert orð... hvað er eiginlega málið með það?

já það er svona líka hress skúringarkall hérna á skrifstofunni okkar. hann er með mjallahvítt hár og talar skrítna íslensku. ég held að hann sé geimvera... en það sem er fyndið (eða soldið fyndið....) er að hann skúrar alfeg eins og amma mín :) tekur kraftinn á þetta. Hörku-Hreint eins og við köllum það. því meiri læti sem hægt er að gera með skúringargræjunum, því betra.

hverjum hefði dottið í hug að ég myndi fá mér TVEGGJA TÍMA göngutúr, og það inní Reykjavík?
jah ekki mér, en sú var nú samt raunin í gær. var á skjaló til 6 og ætlaði svo á kaffihús að hanga til 8, en þá var Halldóra að fara að spila yfir stigsprófið sitt í tónskóla Sigursveins. svo labba ég af stað, ætlaði að fara á conditori hjá hótel Esju, en viti menn! það var lokað. sem er nottla ekkert nema hneyksli, svo ég vitni í bréf sem ég skrifaði í gær, þannig að ég sá mig nauðbeygða til að labba aðeins lengra. og í stað þess að snúa við og taka stefnuna á miðbæinn þar sem kaffihús eru á hverju strái, þá labbaði ég niðrí laugardal. skoðaði grasagarðinn, sem er næstum því nálægt því að nálgast græna litinn og sá ýmislegt skemmtilegt. t.d. fólk sem var að stunda MJÖG áhugaverða íþrótt, sem felst í því að hreyfa sig eins hægt og maður getur, með jafn fáum líkamspörtum og mögulegt er að nota án þess að detta.
ég held að þetta sé tilvalin íþrótt fyrir mig....
svo sá ég líka skokkara, sem voru ýmist froðufellandi eða með brjálæðisglampa í augum, nokkrar kellingar með börn og svo krakkabjána á hjóli. oj. en á milli þess sem ég gekk þarna í næstum því grænni náttúrunni, skrifaði ég bréf, sem var mjög skemmtilegt og áhugavert.
en vó, ég held ég drífi mig í kaffi áður en skúringarmaðurinn skúrar mig til dauða :o

enn og aftur er ég farin að hanga uppí/niðrí/uppá/niðurá skjaló EFTIR vinnutíma. hvað er eiginlega að mér? held ég að hérna sé gaman að vera?
reyndar er þetta ekki svo slæmur staður. tala nú ekki um þegar maður fær svona líka ÓGEÐSLEGA góða köku í kaffinu hjá henni Öddu beib. en ég var nottla mega stabíl, fékk mér bara Eina Litla Sneið og hljóp svo öskrandi útúr eldhúsinu svo ég myndi ekki háma restina í mig. úff.
rosalegt þegar þetta skellur svona á mann.
en allavega. ég er að fara að hlusta á hana Halldóru dúlluendaþarmsop spila yfir stigsprófið sitt núna á eftir, svo er spurning um að spyrja hvernig liggi á þeim Sigursveins stúlkum með samstarf næsta vetur... maður er svo andsk. virkur þessa daganna... ha?

Oh já!!!!
ég vissi þetta allan tímann. nú er bara að setjast við símann og bíða. en ég veit allavega að við verðum hamingjusöm til æviloka, en við verðum vitaskuld að vinna í sambandinu... tala saman o. fl.
:)

vó!
sumt fólk hefur bara EKKI neitt við tímann að gera....

Ahahah!
þeir voru nú aldeilis hressir í Mosfellssýslunni á 19. öld, haldiði ekki að ein hjáleigan heiti Amsterdam?
Flipparar!
kannski eru afkomendur þessa bæjar sem reka barinn niðrí bæ... hvað veit maður?
segiði svo að það sé ekki Stimmung að vinna við að slá inn Manntalið 1835!!