mánudagur, maí 12, 2003

af því að ég er svo mikil tussa þá bara varð ég að linka á þessa myndasíðu hjá einhverri japanskri gellu. ég veit það er ljótt að hlægja að útliti annarra og ég myndi ekki vilja að einhver myndi linka inná myndir af mér í þeim einum tilgangi að hlægja að mér.
en ég bara varð!!
HVAÐ ER MÁLIÐ MEÐ TENNURNAR?
arhg ha ha ha! ég hélt ég myndi kafna úr hlátri :D

ég keypti mér líka hárplokkunarvél á laugardaginn, geri aðrir betur. Hún kostaði 9.990 krónur í Expert. soldið dýrt kannski, en þið ættuð bara að sjá á mér lappirnar! ef einhver er að fara hössla í vikunni, þá er það ég.
verst hvað þetta er ÓÓÓÓgeðslega vont... vélin plokkar sko hvert eitt og einasta hár úr manni. með rótum. argh! en hey... bjútí is pein eins og maðurinn sagði.

svo fór ég á tónleika með Árnesinga kórnum í Langholtskirkju. elskan hún Sif Ben var að spila þar í einu lagi. og viti menn, það var flottasta lagið. :)
nú er hún Dagga mín í síðasta samræmda prófinu. elsku dúllan. vonandi gengur henni vel. úff já.
en helgin var bara róleg. svona allavega soldið. gerði lítið sem ekkert á föstudagskvöldið og svo voru kosningar á laugardaginn. frekar súr stemming sko. ég var með "party", samt ekki standandi party eins og mamma orðaði það svo smekklega þegar ég spurði hvort nokkrir mættu koma heim. jess. en við vignir og Palli æddum í bæinn, palli á Broadway og en við druslurnar í party hjá Hirti vini mínum og velunnara, sem er bytheway næstum því heimsmeistari í kaffiþjónadæmi allskonar dóti... og þar gleymdi ég símanum mínum. eða ég vona það allaveganna, því annars er hann týndur :(
jes.
svo fórum við á Kaffibarinn sem er sá ALLRA furðulegasti "skemmtistaður" sem ég hef farið á. ég eiginlega skil ekki þann stað alfeg. en þeir seldu bjór, svo ég er ekkert að kvarta of mikið ;) svo fórum við svona tvist og pasta, en enduðum með því að grenja næstum því yfir ÖÖÖÖÖÖÖÖÖÖmurlegu tónlistinni á. spotligth HVAÐ ER AÐ?! ef einhver getur útskýrt fyrir mér og réttlætt það að búm-tsjí búm-tsjí tónlistin er orðin alsráðandi á GAYstað, þá má sá hinn sami gera það með hraði. vegna þess að það sökkar feitt. eða eins og Viggó skan orðaði það svo vel... "ef ég hefði þurft að borga mig inn, hefði það verið sá 500 kall sem ég hefði mest séð eftir á ævinni."
en við fengum okkur Hlölla áður en við fórum í fokking leigubílaröðina.
Hlööööööööölli.
vá.
ef það væri hægt að giftast skyndibitastað.... *andvarp*

föstudagur, maí 09, 2003

nú fer ég að fara heim, enda klukkan farin að ganga sex. SEX. svo ég ætla að drífa mig heim og þaðan í sundlaugina.
maður er svo ótrúlega magnaður þessa dagana.
annars óska ég öllum góðs gengis við að kjósa og endilega hringiði í mig, ég verð kannski með party ;)
knúsí-búsí!!
tótL.

ég þekki einn strák sem er kannski ekki beint ofsalega gullfallegur... bara svona venjulegur þið vitið. soldið feitur og með úfið hár. svo getur hann verið svo þreytandi stundum að manni langar til að öskra, tuðið er svo rosalegt að það liggur við að hann slái Kidda frænda út.
en þessi tiltekni strákur er með svo oooooooofsalega falleg augu að ég held ég hafi bara sjaldan séð annað eins. þau eru stór og blá, en virðast skipta um lit eftir því hvernig peysu/bol/skyrtu hann er í. ef hann er í ljósu þá eru þau ljós, ef hann er í dökku þá verða þau dökk. einu sinni sá ég hann í dökkblárri og hvítköflóttri skyrtu og ég get svo svarið fyrir það að ég sá hvítar rendur í augunum á honum.
svona næstum.
svo er ég alltaf að glápa í augun á honum, ferlega vandræðalegt, eins og ég sé einhver voðalegur stalker...
en svona getur þetta verið með augun. þannig að ef þið eruð með ljót augu, gleymiði þessu. heimurinn þarfnast ykkar ekki.
segi svona
oh!
ég var númer 5004, ég hefði ekki átt að fara í mat...
:(
en hver ætli hinn heppni sé?
jæja gott fólk, gerið ykkur reiðubúin fyrir.....




HÖFUÐSYNDIRNAR Í HÖFUÐBORGINNI.
fyrsti kafli



Það er kannski rétt að byrja á því að kynna aðalsöguhetjuna til sögunnar, því þessi frásögn er jú af henni. eða honum réttara sagt. Hann heitir Lúðvík. Lúðvík Lárusson. 25 ára gamall, skolhærður með blá augu, meðalhár, meðalfeitur, notaði eitt sinn gleraugu, en er hættur því núna, gengur um í nýjustu tísku, er ekki með kúlurass, en með aflitaðar FM-strípur á hnakkanum, svo hann er í rauninni bara flottur gæi. Svona þannig. Sérstaklega eftir að hann hætti að nota gleraugun. En það breytir því ekki að daginn sem ævintýrið okkar byrjar var rigning.
Það var smeðjulegur og leiðinlegur maí morgun, þ.e.a.s morgun hjá Lúðvík, enda nýfarinn á fætur, klukkan var að verða tvö. Það rigndi og hvergi sást til sólar, sem var kannski ekki skrítið ef maður hugsar út í það, því að Lúðvík bjó í kjallaraherbergi í blokk og eini glugginn var hringlótt op sem einu sinni hafði verið gat fyrir útleiðslurör úr þurrkara. Hann var nýstaðinn upp og búinn að setja gel í hárið þegar síminn hringdi. Hann skaut nokkrum þykjustu skotum á nakta spegilmynd sína í speglinum, sem þó var með gel í hárinu og sagði "dónt mess viþþ mí moþer fokker" nokkru sinnum með bíómynda röddinni sinni áður en hann svaraði.
"Jaaaaaá?" Lúðvík lagðí sig ávallt í lima við að vera dularfullur þegar síminn hringdi...
"er þetta Lúðvík?" sagði kvennmannsrödd, og hljómaði MJÖÖÖG örvæntingarfull. "Ég sá sko auglýsinguna þína í blaðinu og…"
"Já, það er Lúðvík sem talar!" Flýtti hann sér að segja og hlammaði sér á "skrifstofuna" sína, sem samanstóð af lélegum skrifstofustól, auðri hillu í hillusamstæðunni og þeim hluta herbergisins sem ekki var þakinn tómum pizzukössum og kókflöskum.
"Já sæll vertu, ég sá auglýsinguna þína í blaðinu og mér fannst ég verða að hringja, það er engin önnur leið eftir!" Hún kjökraði smá. "það er nefnilega þannig að ég held að kærastanum mínum hafi verið stolið!!!" Hún fór að væla.
"Hvað ertu að segja?! En hræðilegt!" Svo mundi hann allt í einu eftir sér og bætti við smeðjulega..."Hvernig get ég aðstoðað þig ljúfan? Yndislegt að fá bæði verkefni og fagra stúlku!" Það var þögn í stutta stund.
"ég er sko eiginlega strákur..." sagði "konan" þá skyndilega með örlítið dýpri röddu og var steinhætt að væla.
Lúðvík svelgdist svo á að hann var nærri dottinn af stólnum.
"En sagðiru ekki kærastanum þínum?" Hváði hann svo að lokum.
Það var aftur þögn.
"Ég er samkynhneigður." sagði "konan" þá enn dýpri röddu.
Ótal spurningar flugu í gegnum höfuðið á Lúðvík í næstu stuttu þögn.
Var ekki halló að taka verkefni hjá homma?
Yrði honum strítt af samkeppnisnautum sínum?
Í hvað fötum átti hann að fara?
Vantaði honum samt ekki pening?
Muna að taka upp innlit/útlit á meðan hann væri úti.
Skipti það nokkru þó að konugreyið væri strákur?
Var búið að gefa fiskunum?
Að lokum ákvað hann þó að taka verkefnið að sér. Hann mælti sér mót við "konuna" sem hét fullu nafni Hreggviður Barkarson (og ætlaði að bíða eftir honum á kaffi París í hvítum stuttermabol með rauðri rós á) seinna um daginn og lagði á. Það væri ekkert öruggt að fá upplýsingarnar um fórnarlambið gegnum símann…. maður veit jú aldrei…
Lúðvík stóð upp úr stólnum og gekk að speglinum. Kannski hann þyrfti að fara að drífa sig í föt, svona áður en langt um liði…. og þó, hann tók samt nokkra Elvis slagara fyrst og nokkra "ar jú lúkkíng at mí pönk?" áður en hann fór að leita á gólfinu hvort hann fyndi ekki einhver sækilega hrein og lítið krumpuð föt.
Hver stal týnda kærastanum?
Kemur Hreggviður á Kaffi París í hvíta bolnum með rósinni?
Á Lúðvík eftir að finna hrein föt á gólfinu?
Hver er konan á efri hæðinni?
Ætli einhver muni eftir að gefa fiskunum?
Allt þetta og meira...í næsta þætti af
HÖFÐUSYNDIRNAR Í HÖFUÐBORGINNI
Stefnir á að FIMMÞÚSUNDASTI gesturinn komi inn í dag... vantar aðeins 20 manns þegar þetta er skrifað.
jess.
bjór í verðlaun!! (ég held nefnilega að ég verði fimmþúsundasti)
jæja þá eru 10 manns búnir að taka þátt í skoðunarkönnuninni um það hvort Lúlli Lárusson birtist á blogginu eður ei og mun hann því birtast hér seinna í dag.
reyndar ætlaði ég nú aldrei að láta þessa skoðanakönnun, var löngu búin að ákveða að birta Lúlla hvort sem fólki líkar betur eða ver. þetta er jú mitt blogg.
jess!
voða er maður hress.
ég svaf nefnilega yfir mig og fór EKKI í sund :( sem er nottla hneyksli. manni er alltaf sagt að fyrsta vikan sé erfið þegar maður er í svona "hættaaðveraspikfeit" kúr, en neinei... það er ekki fyrr en í lok annarar vikunnar sem tótan er að niðurlotum komin. úff.
en mér til málsbótar má nefna ÞVÍLÍKA andlega spennu í gærkvöldi yfir Bachelorette helv. þáttnum og svo fór ég í alltof langan göngutúr. ætlaði bara að vera í hálftíma, en var í einn og hálftíma, þannig að ég fór ekki að sofa fyrr en hálf eitt.
jess.
en ég ætla í sund eftir vinnu. allir velkomnir! :)

fimmtudagur, maí 08, 2003

ég skrifaði einu sinni mjög skemmtilega framhaldssögu með honum Atla Tý og þið gamla fólkið muni kannski eftir henni, en hún hét Ævintýri Lertaríós I (eitt) og II (tvö).
síðasta sumar fór ég svo af stað með aðra svona framhaldssögu, sem fjallaði um frekar mikinn töffara að nafni Lúðvík Lárusson. ótrúlegt en satt þá fannst fólki hún bara ágæt, en eftir 7. kaflann fékk ég hægðatregðu og hef verið með síðan. mig langar nú samt til að freistast til að klára Lúlla greyið og það gerist ekki nema fólk lesi hina 7 og finnist gaman, hvetji mig mjög mikið og segi að ég sé sæt.
þannig að hér til hægri, neðst á linka-dálknum er skoðanakönnum um það hvort Lúðvík sé hæfur fyrir almenning.
Kjósiði eða ég breyti bakgrunninum í bleikt og letrinu yfir í svart!
KjóSIÐ! (plís)
hér með lýsi ég opinberlega yfir áhyggjum mínum af Óperustúdíói Austurlands. þar á ég að spila í óperu í "lok maí, byrjun júní".
ég er komin með nótur en þar með er það líka upptalið.
lok maí er...?
byrjun júní?
hvernig væri að fara að senda manni almennilegar upplýsingar um málið svo maður geti nú farið að fá sér frí í vinnunni og svona? það liggur við að ég fari af stað að hringja í fólk! samt ekki, enda símafælin með eindæmum.
málið er nottla aðallega það að ég þarf að spila í brúðkaupi hjá égveitekkihverjum 31. maí og svo eru einhverjir Butt-Leiðinlegir Listahátíðar Hafnarfjarðar tónleikar 2. júní. reyndar eru skipuleggjendur þessarar "hátíðar" af lakara taginu, svo ég hef það ennþá inni í myndinni að tónleikarnir verði ekki.
en þetta þarf að fara að komast á hreint!

vó men...
þetta er fríkí sjitt....
það eiga ekki allir jafn auðvelt með að sofa yfir sig, en mér tókst með hreint einstaklega snilldarlegum hætti að sofa TVISVAR yfir mig í morgun. ég ætlaði nefnilega í sund kl. 7, en vaknaði 7:10 (sem var reyndar bara fínt, vegna þess að allt ÚBER hægfara gamla fólkið var þá farið yfir í suðupottana og ég gat synt í rólegheitum ein á brautinni og svo var sólin komin það mikið upp að hún skein á mig allan tímann -FREKNUR!). svo þegar ég kom heim var strætó nýfarinn. "ég ætla undir sæng í 10 mín. mér er svo kalt" sagði ég stundarhátt við sjálfa mig, stillti símann á 7 mínútur og svaf í 20.
svo ég missti aftur af strætó. gott hjá mér!
en af því að ég er svo sniðug hugsaði ég mér gott til glóðarinnar... "ah.. ég fer bara niðrí miðbæ, kaupi mér hádegis mat í 10-11 og þá þarf ég ekki að fara út í búð í hádeginu" ég arka niðrí bæ og mér til mikillar undrunar er TÍU-ELLEFU lokað klukkan KORTER Í NÍU.
smart.
en góðu góðu góðu konurnar í bakaríu brostu til mín og seldu mér kaffi 2-GO og kringlu, sem ég smyglaði í strætó af mikilli kænsku (það má sko ekki vera með kaffi í strætó) og var mætt í vinnuna um hálf tíu leytið. mætti svo honum Benedikt í útidyrunum og hann var alfeg miður sín yfir að hafa sofið yfir sig.
"HAH!!!" sagði ég þá... "þú ættir bara að vita hvað kom fyrir mig!"

miðvikudagur, maí 07, 2003





Þvílík snilld sem ég er að hlusta á núna, hljómsveitin heitir Spaðar og er ég veit ekki hvaðan. drottinn minn. svona heima í stofu fílingur dauðans og textarnir eru geggjaðir.
þetta er diskurinn "skipt um peru" og þar eru ódauðleg lög eins og "kráardiskó" (
Á barnum vil ég ævi una
á eintali við vínflöskuna) og "þá fann ég þig"
(Ég leitaði um allt
um landið allt frá Gerpi að Gjögri
frá Gauk á Stöng til Ara í Ögri
uns fann ég þig.)
hversu nettur getur einn diskur verið? a must have! spaða á öll heimili!
en það var hún móðir mín sem útvegaði mér þennan disk með ólöglegum aðgerðum, sem ég ætla ekki að tíunda hér... en hverjum er ekki sama um eins og eina krimma-mömmu þegar maður getur hlustað á svona góðan geisladisk í vinnunni?
manntalið verður bara næstum því skemmtilegt nei


verið að leika sér við kisu litlu...
ég var svo aldeilis heppin að hitta hann Finnboga í sundi í morgun. reyndar kallaði hann í mig, vegna þess að ég er blind og svo gat ég eiginlega ekki sagt eitt einasta orð af viti þegar við vorum að tala saman. ooooooof snemmt.
en samt gaman að hitta fólk svona þegar maður er næstum því alsber, nývaknaður og rennblautur.
úh!
þetta var nú soldið dónó.
hmmm....

þriðjudagur, maí 06, 2003


nú fer að líða að því að einhver heppinn verði FIMMÞÚSUNDASTI GESTURINN, hér á bloggið.
en ég er í svo grumpy skapi að mig langar ekkert til að hafa verðlaun.
jú reyndar. og ég er eiginlega ekkert grumpy lengur, ég fékk nefnilega email frá Eyfa og hann þykist ætla að fara að blogga á nýjan leik. :D það eru nú gleðifréttir.
svo fékk ég líka bréf í gær frá henni Siggu minni í frakklandi og það var aldeilis gaman að heyra í henni. úff hvað mig hlakkar til að sjá hana. reyndar er hún búin að fá sér vinnu á vík í mýrdal eða eitthvað álíka vængefið, í sumar, en jó....
fer ekki rúta þangað?
híhí.
svo ætla ég nú hringinn líka. það eru bara komnir ansi margir áfangastaðir.... Vík í Mýrdal, Tálknafjörður, Hvammstangi... ;) hehehe
grump á grump!
haldiði ekki að herra Brokovitz, káti skúringarkallinn hafi bara kippt tölvunni minni úr sambandi þegar hann fór hér um eins og stormsveipur í hádeginu!
eins gott að maður var búinn að seifa vel og vandlega!
þetta virðist aldeilis ætla að vera dagur eins og ég ákvað í morgun....
hmmm...
kannski spurning um að vera með aðeins jákvæðara attitjúd.
samt ekki. stemmari að vera í fýlu... hehe (ég meina hrumpf!)


ég var að stela fiðrildi af blogginu hennar Tinnu Helgadóttur sem var með mér einu sinni í kór, þannig að mér finnst fallega gert af mér að linka á hana. þetta er líka flott Blogg hjá henni.
ekki það að ég sé að verða jákvæð. þetta verður Skúli Fúli dagur.
Grumpfh!
en tilgangurinn með stuldi þessa fiðrildis er sá að ef það er í lit, þá á að vera hægt að ýta á það og þá er hægt að msn-a mig.
ekki það ég búist við því að þetta virki.
Hrump.
Í dag fór ég í sund um 7 leytið og það SNJÓAÐI á mig!
hvað er eiginlega AÐ þessu landi? getur það ekki bara verið vetur og svo vor? síðan kannski sumar seinna meir, ef það er ekki til of mikils ætlast? ég er farin að TELJA niður dagana þangað til ég get flutt í burtu frá þessu skítaskeri dauðans þar sem allt er ömurlegt og ljótt og kalt!!!
:(