ógeðslega

vondur og leiðinlegur dagur.
er í niðurrifsskapi frá helvíti dauðans með svo miklu offorsi að ég get varla dregið andann án þess að heilinn í mér segi mér að það sé vitlaust gert, röng tækni og svo sannarlega að þetta sé eitthvað sem ég get ALS ekki gert.
spurning um að hætta bara að anda.
svo var vinkona mín og sambýlingur Alinka að komast inní eitthvað óperustúdeó bledí ble ble ble sem mun bjarga lífi hennar (hefur maður á tilfinningunni) og er í svo miklu sólskinsskapi að gleðiköstin eru hér um alla veggi. ætla svo sannarlega að læsa hurðinni minni um leið og nenni að standa upp frá töllunni og slökkva ljósin, draga fyrir og þykjast ekki hafa komið heim rétt áðan.
maður er svo næs.
prófaði áðan að spila hverásérfegraföðurland í mörgum mismunandi tóntegundum, loka augunum og ímynda mér ég væri heima. tókst ekki. prófaði líka að spila íslandfarsældafrón í fimmunudum (bara í þægilegum tóntegundum) og ímynda mér að ísland væri hérna hjá mér.
tókst ekki heldur.
svo er þessi helvítis ljóti asnalegi valentínusardagur í dag, svo að ALLIR þykjast vera voðalega ánægðir með lífið. þori nú samt að veðja að 70% þeirra kvenna sem fengu gjöf eru óánægðar með hana og vildu einhverja dýrari. konur eru leiðinlegar. ég er líka viss um að á morgun verða 70% þeirra karla sem gáfu konunum sínum gjöf óánægðir vegna þess að þeir fengu ekkert að ríða í nótt. karlar eru leiðinlegir.
30% eiga kærasta/kærustur í útlöndum.
hmmm... spurning um að snúa níelsi niðurrifi yfir í skúla fúla?
hann er þó allavega fyndinn á köflum. þeas þegar fólk fer ekki að skæla undan honum... nje. ætla að setja brúnan pappapoka yfir hausinn og fara fram og fá mér kvöldmat og vera svo í allt kvöld inní herberginu mínu að horfa á eitthvað sem maður þarf alls ekki að brosa yfir.
mbl.is?
passamyndin sem ég tók af mér um daginn?

argh.