ég þarf að vera ða æfa mig. puhurufuspilið er á miðvikudaginn eftir viku. en ég er bara sybbin og hálf bumbult. stuð.
annars er allt við það sama á Hjarðarhaganum, reyndar klíndi einhver tyggjói á handriðið svo við erum að spá í að flytja. nei djók, en samt ógeðslega pirrandi. svo finnst mér skrítið að það sé að koma september og ég er ekki með nein nám fyrirhuguð, soldið fegin líka :) já úff svo er þvílík afmælisveilsu-vika, bæði fimmtugs og sjötugs. eins gott maður á háa hæla.
eða svona.
ég fór ekki útúr húsi á menningarnótt frekar en hin 2 árin sem ég hef verið á klakanum í ágúst, finnst það ógurlegt. allt of mikið að hlutum til að sjá og heyra og líka allt of mikið af fólki. og svo er mikil umferð. soldið neikvæð :) en reyndar sáum við skötuhjúin efri helminginn af flugeldasýningunni útúm svalirnar og það var bara ágætt. drifum okkur svo inn að horfa á Dallas.

kveðjur, þreytta-þreytt

komin heim frá spáin!
og GETIÐI HVAÐ?
kjellingin komin með vott af TANI! ekki að djóka. hélt þetta væri sæentiffíkallí vonlaust dæmi. svona kemur maður manni sjálfum á óvart.
je.
L8R

kettir eru til margs nytsamlegir. í gær notuðum við t.d. óskar sem músamottu. hann fílaði það vel og malaði hástöfum, var örugglega ánægður með að fá loksins verðskuldaða athygli.
kannski gott að taka það fram að það var hann sjálfur sem plantaði sér þarna fyrir framan lyklaborðið, oftast lætur hann nú samt vaða beint ofaná það... :)

ka ka ka kaffi

það kom að því að ég fengi mér heiðarlega vinnu eftir gott hlé frá hinum mergsjúgandi vinnumarkaði. og hætti þessari leti. neidjók.
en samt í alvöru, ég var að byrja að vinna!
yay!
mér finnst það meira aðsegja gaman. er s.s. að vinna í Te og kaffi í Saltfélaginu niðri við höfn. svaka fjör, er búin að vera að vinna með henni Hugrúnu sem er algjör snillingur. kom í ljós að hún bjó í bristol í vetur svo við erum aldeilis búin aðtaka baknag á englendinga og enska siði (tókum sérstaklega te drykkjuna fyrir í gær). verð þarna eitthvað á fullu þangað til 30. júlí, en þá verður brunað í brunann. er á leið til spánar með y-litninginum. hefði ég verið strákur.
æj eða eitthvða svoleiðis.
endilega kíkja á kjellinguna ef þið eigið leið framhjá, getið notað tækifærið og skoðað húsgögn sem eru bæði dýr og ljót. :)
svo er ég með svarta svuntu sem er alltaf næs lúkk.
xxx

Surtsey á heimsminjaskrá!

nú getur maður verið stoltur af mömmunni sinni, því hún er ekki bara sæt og góð (og í kinnum rjóð) heldur nýútnefndur Landvörður Surtseyjar og var ein af þeim sem sáu um að gera Surtseyjar skýrsluna sem þurfti til að sækja um heimsminjaskráningu.
yay!

Surtsey á heimsminjaskrá

útlagning

er á leiðinni til Siglufjarðar á eftir með hinni frægu Ungfóníu. skv. morgunblaðinu er ég reyndar ekki í þeirri sveit því hún mun innihalda nemendur á aldrinum 14 til 25 ára.
og því miður er ég hvorugt.
þetta hlýtur nú samt að vera ókei, svona um leið og ég finn svefnpokann minn og dýnu. það er af sem áður var þegar gamla fólkið fékk að sofa á virðulegri stöðum en skólagólfi... en þá veit maður líka hverjum maður gerir ekki greiða næst.
annars er ég komin Langleiðina að pakka uppúr pappakössunum fjórum sem innihéldu breska dótið mitt. er búin að skella upp speissjippinu (tölvan sem ég er akkúrat núna fyrir framan) og einni hillu, svo það er bara smotterí eftir. eins og tildæmis að koma öllum fötunum mínum fyrir (virðist sem allar hirslur hafi sjálfkrafa fyllst af herraskyrtum og jakkafötum meðan ég var í burtu), raða bókum upp í hillu og koma skikki á nótnamál.
núna er ég hinsvegar að spá í að skella mér í sund.
eða bara hanga á netinu. :)

ég er ....

löt og svolítið leiðinleg. nenni nefnilega ekki að æfa mig. ég var nefnilega að lesa mér til um það að dótið mitt er kmoið til landsins húrra húrra, en ég þarf að fara og skrifa undir einhvað bleble og fara svo í tollinn ble ble og svo aftur á sama staðinn og borga og ble.
þetta finnst mér vera mikið vesen og ákvað ég þess vegna að blogga bara svolítið (jónsæti svarar eki símanum sínum og við einhvern verð ég að kvarta) og drekka mikið af kaffi. kaffi er gott.
ég er líka mjög spennt að fá dótið mitt.... ég á flott dót. reyndar held ég það verði að taka vel til í borðstofunni (sem ég er búin að leggja undir mig) til að koma þessu fyrir, ég er með þónokkrar hillumetra af bókum og nótum og dóti sem mér sýnist ekkert vera pláss fyrir neinsstaðar annarsstaðar.
jájá.

jebb

eins og hún þórunn mín benti á þá þýðir nú lítið að hætta að blogga bara vegna þess að maður er kominn heim. já neinei.
verð nú samt að viðurkenna það er furðulega lítið í fréttum, er bara gjörsamlega að tapa mér yfir því að vera komin heim, tók mig meira aðsegja til og skúraði svalirnar hér rétt í þessu. nokkuð gott :)
svo er ég bara að æfa mig á fullu og fara í ræktina... áttaði mig á því að ég kom með 2 kjóla og tónleika dress heim, en allt hitt draslið er í skipinu (sem ætti eiginlega að vera komið) svo ég á ekkert til að vera í af því ég passa ekki lengur í fötin sem eru hérna heima. svona er að éta stanslaust.
en svo keypti ég mér líka hjól svo það sér fyrir endann á fitubollunni.
svo er ég að spila með ungfóníu... það er spes. smá flassbakk til fortíðar og ég gæti svo aðsegja verið móðir þessa unga fólks. en er það ekki bara skemmtilegt? jújú það finnst mér. víólu deildin er að venju svaðalega þétt og kemur sterk inn (nema þegar er piano, haha), tónleikar þarnæstu helgi (næstu helgi ef þið eruð með enska málvitund) á þjóðlaga hátíðinni á siglufirði. svo á mánudeginum í bænum. huggulegt mjög, erumað spila með benna hemmhemm, þaðer víst svakagrúbba. ég afsaka mig með þvi að hafa verið erlendis svo lengi (outlanding for long time) að ég veit ekkert um þá/þau/hana/hann. en þetta er í vinnslu.
hey svo fékk ég einkunnir frá birm, náði öllu! líka snýtubréfsritgerðinni sem var svo slæm að ég roðnaði þegar ég skilaði henni inn. :) þannig að það er aldrei að vita nema maður hendi í útskriftarveislu við tækifæri. ykkur er öllum boðið, nánari díteils leitör.
aligeitör.
læt þetta duga í bili, myndi skella inn mynd af Taninu mínu (af því ég fór í sund og svona um daginn) en myndavélin er ennþá ofan í tösku og talvan mín hvort sem er í skipi (kann ekkert á tryllitækið hans jónssæta) þannig að það bíður betri tíma.
adju

kooooo.... miiiiiin

heim, komin heim, komin heim,
komin heim, komin heee-e-e-ee- eim!
komin heim, komin heim, komin heim, komin heim
komin heimheimheim.

þetta er sko texti við lag sem ég var að búa til. það er sko rosalega flott. jájá.
það rosalega gott að vera komin heim, ég verð nú samt að viðurkenna það er svolítið skrítið líka. en þetta er allt að koma, td er svefniherbergið núna orðið nokkuð búlegt og hálft eldhúsið. svo þarf ég bara að rumpa öllu rafmagns, bor og málningar dóti útúr stofunni og þá get ég farið að æfa mig eins og manneskja. er orðin eins og gömul kelling, get ekki einbeitt mér ef það er of mikið rusl.
je.
annars er bara same old númerið ef þið viljið ná í mig :) 868 4317

ó mæ god

við erum að tala um það að ÞETTA HÉR er síðasta bloggfærslan mín frá Birmingham.
nokkru sinni.
eftir nokkrar mínútur verður þessari elskulegu tölvu stungið ofan í (stóran) kassa, ásamt skjá og snúrum. gaurarnir koma í morgun að ná í dótið, það fer til Immingham þar sem eimskips-skipið hlunkar ferlegheitunum til Íslands.

á þriðjudaginn kemur svo hlussan sjálf. :)
sjáumst þá!!!!

skrítin

ég veit ekki hvaða ógurlega stemming var hjá mér að vakna hálfsex í morgun og geta ekki sofnað aftur. góndi bara uppí loft og fór til skiptis fram að ná í vatn að drekka og fram að pissa. svo lyppaðist ég á fætur um áttaleytið og fór í sturtu.
held þetta sé kannski að kikka inn.... þetta er SÍÐASTI föstudagurinn minn í birm, er að fara hitta fólk í dag sem ég á ekki eftir að sjá aftur for LOOOOONG TIME og fleira í þeim dúr. svo er ég með asnalega áhyggjur eins og hvort það verði erfitt fyrir mig að koma öllum kössunum niður og út í sendiferðabíl (fékk sko email um það að bílstjórinn mætti sko ekki hjálpa mér, hann þyrfti að vera INNÍ bílnum) og hvort ég nái að fara til London á mánudaginn í tíma til Rivku. og ef ég næ því, hvort ég geti redda mér gistingu í london eina nótt.
það tekur því varla. æj ble.
weirdo weird.
annars stefnir allt í VEEEEEEL mannað og sveitt good-bye partý í kvöld, bein útsending á web caminu, haha!
jæja... af stað með hlassið, þarf að loka barcleys bankareikninginum mínum í dag! :D:D yay!

annar síðasti miðinn

ekki samt næst síðasti. þetta er flókið.
allavega.... ég fór í tíma hjá Mrs. Golani í dag og þá tilkynnti hún okkur það hún myndi bara koma á fimmtudaginn í næstu viku. ég sem var náðagsamlegast búin að kaupa miða á fimmtudaginn til að geta komist í tíma á miðvikudeginum. garg.
en skrú ðett, ég breytti bara miðanum mínum svo núna kem ég heim á 17. júní!
húrra húrra!
beint í skrúðgöngu!

jebs

búin að vera fúl útí blogg hringinn minn að hafa ekkert bloggað frá því í morgun og þangað til núna (ok mér leiðist smá) en sá auðvitað flísina í rasskinninni en ekki drumbinn í þiðvitið... svo það er víst best að vera gott fordæmi og blogga.
allt annars bara vi það sama, er byrjuð að pakka (!) og það er merkilega skemmtilegt. aðallega vegna þessað kassarnir sem ég keypti dýrum dómum er svo svo fáránlega stórir að ég á eftir að geta tekið ALLT með mér heim. HMOOOOOH OHOHOHOHO!
jónsæti verður ekki jafn kátur og ég með það. eh... :)
oh jæja. svo var ég að heyra skemmtilegustu fréttir þessa árs og svo horfði ég á "Horton Hears a Who sem" sem er hér með orðin ein af uppáhaldsmyndunum mínum. skrítið hvernig kvikmynda smekkur minn virðist þróast þétt og hnitmiðað með árunum. núna er ég eiginlega alfeg komin á þá skoðun að BARA teiknimyndir eru fyndnar og skemmtilegar. mér finnst spennumyndir leiðinlegar (hvað er málið með allar þessar sprengingar alltaf hreint?!), ástarmyndir ógeðslegar (sætar mjóar stelpur geta komist upp með allt, sama hversu viðbjóðslega þær koma fram), dramatískar myndir eru of sorglegar, heimsspekilegt-ívaf myndir eru of flóknar og fræðslumyndir eru bara svo SLÓ! já, allavega þá er Horton hears a who óóóhógeðslega góð. og það er í henni smá heimspeki líka... ekki samt of mikil.
uppáhaldspersónan mín BY FAR var Katie. jeminn eini ég flissa bara af því að hugsa um hana.
hhaaaaaaaaahhhh


Katie á youtube

það kom að því....
síðasti síðasti síðasti miðinn hefur verið keyptur :) ég er sko alfeg með á hreinu hvort ég á að gráta eða hlægja. og það byrjar ekki á g.

London Stansted STN - Reykjavik KEF Fim 19/06/2008 FHE154 12:40 14:40

yay!

tónleikarnir gengu bara prýðilega, þakka ykkur kærlega fyrir :)
auðvitað er kannski alltaf eitthvað sem maður myndi hafa viljað hafa minna falskt, en það er nú bara eins og það er. mamma, ási og auðvitað elsku jónsæti komu og voru ógeðslega skemmtileg. jónsæti þurfti svo reyndar að fara næsta dag, en við mamma og ási fórum í smá ferðalag til Matlock. JÁ! einsog þættirnir. NEI! ég keypti mér ekki banjó :( algjör bömmer. en það hefði verið svo mikið mál vegna þess að nú er eiginlega bara eftir að PAKKA öllu dótinu mínu, panta mér flutning fyrir 5 kassa og stæðstu tölvu í heimi og þá.... já þá er ég bara komin heim.
óó hó trúlegt.

RAUTT

já það er greinilega málið að spurja fólk spurninga á blogginu og lofa verðlaunum.
reyndar keypti ég skóna áður en ég las allar góðu tillögurnar (víóluleikarar spila ekki með hálsmen SIF) og það verður því alsherjar kaffiboð innan skamms fyrir "rétt" svör.
siggaligg má koma líka þó hún hafi heimtað silfurlitaða skó.
:)
núna er bara að læra þessi stykki... (haha)

ps-bannað að kommenta á að fæturnir á mér líta út fyrir að vera hvítari en hvítt.

lekandi ruslapoki og tilvonandi skókaup

áðan fór ég út með ruslið og það var einhver API búinn að leggja ógeðslega mikið bónaða BMW inum sínum svo nálægt ruslatunnunni okkar að ég þurfti að lyfta pokanum yfir húddið á bílnum til að koma honum oní. Ég hef aldrei (og mun líkast til aldrei) óska þess jafn heitt að ógeðslegt gums fari að leka úr ruslinu mínu.

annars er allt gott að frétta, búin að kaupa mér GULAN kjól fyrir tónleikana mína :D svo núna er spurningin gott fólk:

1)hvítir skór
2)rauðir skór
3)silfurlitaðir skór

það sem kemur ekki til greina

1)svartir skór (yrði að vera í svartri peysu og þá er eins og hjúds býfluga)
2)bláir skór (of swedish... eeuugh)

jæjajæja, allir að hafa skoðun og sá sem á bestu hugmyndina fær frítt kaffi í múminálfa-bolla í eldhúsinu á Hjarðarhaga 64 í júlí. aukaverðlaun fyrir þann sem nær að búa til setningu með fleiri í-um.

hvort....

...ætti ég að fá mér kaffi eða te?
kaffi er meira kúl og á eftir að passa fuuuullkomlega við hvíta súkkulaðið sem ég ætla að éta.
te er aftur á móti fljólegra í framkvæmd og minni líkur að ég fái illt í magan af því.
annars er það allra nýjasta í fréttum að ég var að kaupa mér hjartsláttamæli svo núna er það gjörsamlega bara nokkrar MÍNÚTUR þangað til ég verð orðin mjóna.
osom.

-þórunn harðardóttir.... 75 bpm

þá er komið að því

já gott fólk,
nú er botninum náð (bókstaflega talað) í "fáránleg staðsetning fyrir bólu" - keppninni sem hefur verið í gangi lengi. ég er með Hö-LUSSU bólu á miðri rasskinn.
er þetta eðlilegt?

svar ekki skilyrði

hringjarinn af notre dam

þegar ég vaknaði í morgun var augað á mér svona...
af því mér var ekki illt og það var ekki sjáanlegt neitt ógeð í eða á auganu, þá fannst mér þetta ógeðslega fyndið og tók mynd. ég var að spá í að nota daginn í það að haltra um með kodda undir peysunni á annari öxlinni og spurja fólk út á götu hvort það vissi um einhverjar stórar kirkjuklukkur. með frönskum hreim.
en þar sem ég átti ekkert erindi neinsstaðar var ég bara heima með augað og æfði mig. svo fór ég reynar í ræktina en þá var augað orðið venjulegt.
ég veit ekkert afhverju þetta gerðist, það eina sem mér dettur í hug (annað en smá flipp hjá sjálfri mér) er að í gær var SÓÓÓÓ-HÓÓÓL hér í birmingham og ég fór bæði í kjól og sandala og var úti sleikjandi veðrið allan daginn. það er alfeg ótrúlegt hvað gott veður hefur góð áhrif á mann. fólk var bara glaðlynt og brosandi (flestir reyndra fullir) og jákvætt á framtíðina.
en já, s.s. kenning er sú að ég held að kannski hafi ég ofreynt annað augað (?) við það að vera alltaf að píra augun upp í SÓÓÓÓÓ-HÓÓÓÓLINA. samt keypti ég sólgleru og þau er svo ógeðslega töff ég meikaði ekki að taka þau ofan. þetta er misterí, hringi í fox mulder seinna í kvöld.

en svo er spurning hvernig ég vakna á morgun. kannski með klumpufót. hlakka til!