tónó djamm á morgun, laugardaginn 5. júní!

verður við félagsheimili orkuveitunnar, Rafstöðvarveg í elliðaárdal. mæta 18:00 og vera reddí tú rokk!!
bið þá sem ég sendi sms velvirðingar á því að gleyma að taka fram hvenær djammið væri.
:D

mætið!

maður er bara þokkalega að passa Símann (einsog Frímann...) hérna á skjalasafninu, algjör snild. er líka búin að vera að ljósrita veðmálabækur og túnakort. allt að tryllast.
var annars áðan á æfingu með elsku Tuma mínum. úff hvað það var gaman, ég er alfeg á því að verða víóluleikari í strengjakvartett alla mína æfi, það er svo ógeðslega skemmtilegt :D :D
athöfnin í gær gekk bara ofsavel (þótt að jóni hafi fundist víólustykkið mitt leiðinlegt) og kökurnar og KAFFIÐ voru svossem enginn viðbjóður, mér fannst nú samt vanta soldið upp á stemminguna og var fljót að hlaupa heim og stúta kippu.
nei.
svo kom það uppúr dúrnum að frú Helga Guðmundsdóttir, sem sjóðurinn er skírður eftir og er í minningu um, er náskyld mér. eða svo gott sem. eða hvort það var maðurinn hennar? einhver langafi minn og jah... einhver pabbi hennar eða ble... tjah... báðar ömmur mínar útskýrðu þetta fyrir mér, amma D. kom meira að segja með mjög ýtarlegar útskýringar og rakti ættir okkar aftur í þónokkurn tíma. ég missti þráðinn hins vegar á öðrum eða þriðja lið og er því ekki til afspurnar. amma B. varð hins vegar yfir sig hrifin að hitta loksins fólk á sínum aldri (orðin nett pirruð á að umgangast okkur óþroskuðu mæðgurnar) og fannst allt í einu hugmyndin að fá sér ellismells-íbúð ekkert svo galin.
jábbjábbjább!

svo er það tónó-sumar-djamm annað kvöld! allir memm :D

þessi gaur hér er sko alfeg þokkalega í ókei-inu

PLÖGG-PLÖGG-PLÖGG-PLÖGG-PLÖGG (....mér líður soldið eins og trölli í blautum stígvélum)

eftir að hafa fengið 3 mismunandi dagsetningar hjá "tryllta tvíeykinu" var hin fjórða auglýst við skólaslit tónlistarskóla hafnarfjarðar að áheyrandi 400 manns, svo ég ætla að halda að hún standi.

FIMMTUDAGINN 3. JÚNÍ (daginn sem amma verður 75 ára, en það er leyndó) fæ ég styrk frá minningarsjóði Helgu Guðmundsdóttur og verður styrkveitingarathöfn í Hásölum Hafnarfirði kl. 17:00. ungfrú tótfríður harðdal mun að því tilefni spila 2. kaflann úr Marchenbilder eftir Schumann auk þess að syngja lagið Litanei eftir Schubert. svona schu-þema.
endilega mæta :) kökur og kaffi á eftir í boði tónó. vona ég allavega...

Oh no, you're always so sleepy- the Garfield who
naps the whole day long! Wake up, won't you?


What Garfield Personality do you Have?
brought to you by Quizilla

Posted by Hello

fór á KORN á sunnudagskvöldið með ása litla bróður og þórunni og bróður hennar. djöfulsins helvítis rokk og ról! algjörir snillingar verð ég að segja, það var klikkað að sjá þá á sviði! eiginlega uppáhaldshljómsveitin mín, svona svo maður sé nú væminn. en það var svo soldið mikið fyllerí, fannst það nú frekar leimó, hefði aldrei nennt að vera full á þessum tónleikum, vildi sko ekki missa af einni einustu mínútu eins og ein stelpa (sem ég reyndar veit hver er) sem lá upp við pallana hjá sviðinu útúr drukkin og allaveganna sá ekki neitt. en hún hefur kannski hlustað...
svo keyptum við systkinin okkur boli. eða ÉG keypti boli á okkur systkinin og pungaði út einum fimmara fyrir 2 stykki. keypti þó ódýrari týpuna. djöfull er maður geðveikur.
en nú er það bara Korn á fóninum 24-7, eða svo gott sem. og nýji diskurinn er svo gott sem keyptur! (bíð þó þangað til í fríhöfninni 22. júní....)

You are Barbatine! You are well-read and love to
learn. You were gloomy in your youth and found
nothing you liked to taste, but you're older now,
and have an incisive sense of humour that
makes you and others smile.


Which Barbapapa Personality Are You?
brought to you by Quizilla

harðsperur
eins og sést þá er ég AFAR mygluð svo ekki sé meira sagt. fór í mesta masókistatíma sem hægt er að hugsa sér, rmp, eða rpm eða "rip my heart out". svona spinning tími. ég lenti að ég held á gölluðu hjóli, allavega var ég allantíman asnalega boginn og í keng og gat með engu móti stillt hjólið. fékk nottla illt í bakið. svo ég minnist nú ekki á Fáránlega mikla verki í vöðvunum sem eru Undir... jah.... allavega er mér mjög illt í mjög asnalegum vöðvum. ó ó og aumingja ég.
eftir það fór ég á kvartett æfingu með hinum 7-henta Tuma. afar sorglegt, en þó soldið skondið á sama hátt, sé fram á maraþonístískar intónasjón æfingar innraddanna. ég sem hélt að törnin væri á enda runnin.
talandi um törn, þá er búið að tæma Tjörnina fyrir framan tónlistarskóla hafnarfjarðar og hún er svo fokking ógeðsleg að ég hef sjaldan séð annað eins. vibbó var hún með vatni í og skrítnum, skítkenndum, grágulum "gróðri", en nú er það allt þornað, svo það er þykk, hvít skán yfir öllum steinunum... og lyktin! sjæsefokk. og ég veit ekki hvernig þeir/þær hafa hugsað sér að þrífa þetta ógeð, stein fyrir stein?
mikið er ég stundum fegin að vera ekki í vinnuskólanum.

ég að tala í símann.
já ég er soldið að tapa mér í hello.com
en þetta er bara svo sniðugt, ég bara verð að segja það....

kysskyss 

jájá, þetta er s.s. postað með einhverju voðalega sniðugu dóti sem heitir hello.com.
annars finnst mér bloggið mitt vera orðið skuggalega seinvirkt eitthvað... er það bara tallan mín eða? er þetta myndadót að draga niður allan hraða? endilega látið mig nú vita.
fyrir ykkur bloggarana, þá er kannski gaman að vita að þetta hello dót er frítt og á því getur maður póstað myndum beint af harðadisknum inná bloggið. tsjekkitátmen

af hverju er asnalegt að segja "áður en varir" og manni líður eins og maður sé staddur í varasalva-auglýsingu, en aftur á móti finnst manni það ekki um "fyrr en varir"?
svo er ekkert nema eðlilegt að segja "áður fyrr"...
íslenska er ofar mínum skilningi

því er reddað. hjúkk hjúkk. :)
er sko að fara að spila á tónleikum og píanóundirleikarinn minn verður blindfull á hestbaki (skv. áreiðanlegum heimildum) á sama tíma, svo ég þurfti að finna annan og svei mér þá.... það tókst!
húrra húrra

plögg síðar

mörg er snildin hér á þjóðskjalasafni íslands. hárlakkið og hrukkukremið sem er búið að vera í gluggakistunni á kvennaklóstinu síðan ég byrjaði (2001) er ein, húsvörðurinn sem situr á BIRGÐUM af kexi og deilir því út aðeins þegar honum hentar er önnur, en hin allranýjasta ber þó af. smá forsaga samt fyrst...
á afgreiðslunni eru tvær dyr, ein fram á gang og ein inn á skrifstofurýmið. einu sinni var afgreiðslan bara eitt borð og fólk var alltaf að labba í gegn til að fara inná rýmið, framhjá borðinu, í staðinn fyrir að fara innum dyrnar rétt hjá. þá var sett annað borð, svo að það væri BARA hægt að labba inn í afgreiðsluna og út á sama stað, hvort sem var á ganginum eða rýminu. mjög smart.
nú er búið að setja mjög svo flottan sjálfvirkan dyrastoppara á dyrnar fram á gang sem lokar og læsir hurðinni sjálfvirkt ef eldur skyldi upp koma og líka þegar er lokað á kvöldin. maður ýtir bara á takka, voða tæknó.
en málið er að takkinn er innan á. svo að í rauninni er bara hægt að loka og læsa hurðinni EINU sinni. E V E R.
þetta finnst mér snild.
þetta finnst mér líka soldið leiðinlegur póstur. gggaaaaa...

nei ég er ekki veik krakkar mínir. er bara lent í þeim mikla skít að þurfa ða vera á símanum uppi á afgreiðslu. mjög smart svo ekki sé meira sagt. var einmitt að koma af "námskeiði" hjá henni Ragnhildi minni um það hvernig maður á að ljósrita veðmálabækur, skrá afgreiðsluna og prenta þær út... og svo rúsínan í pysluendanum...(trommuþyrl) F A X A það svo. mjög spennandi allar 4 og hálfa mínútuna sem það tók. hehe. í staðinn tók ég hana á örstutt námskeið um það hvernig maður opnar ritvinnslu forritið í OpenOffice og SEIFAR það.
sem sagt mjög gefandi dagur á allan hátt, er farin út íbúð að kaupa mér áfengi svo ég lifi af daginn.

ó ó og æ æ!

þrátt fyrir að hafa verið með hita í gær og verið satt best að segja mjög veik ("stoppaðu bílinn ég þarf að....!) er ég komin í vinnuna. sem sökkar. ég er á milli verkefna, sem lýsir sér þannig að ég er búin með það sem ég var að gera og á eftir að fá það sem ég geri næst. svo að jah... alchemy anyone?
ég svaf nú reyndar til hádegis, er ekki algjör bjáni. óþolandi svona fólk sem fer í vinnuna fárveikt af því að það heldur ða það sé ómissandi og svo er það bara veikt og gerir hvort sem er ekkert gagn. puff!
en hér er ég mætt og er alfeg bara í brjáluðu stuði, svo ekki sé meira sagt. vei.

við jón vorum að elda gómsætan ítalskan rétt með hakki og svona gumsi (lauk og þannig... ég setti líka hnetur á meðan jón leit undan... mjög gott, þó sumir haldi annað). aðallega var nú jón að elda samt, ég var bara trítlandi taugaveiklingslega í kringum hann, slefandi með útglennt augu eins og mjög mjög mjög svangar manneskjur láta. enda er ég mjög mjög mjög svöng manneskja. var næstum búin að hrinda útvarpinu oní pönnuna. ekki sterkur leikur það.
en núna er verið að bíða eftir að "ofninn hitni" svo það sé hægt að setja "hvítlauksbrauðið inn". hrumpf! bara stælar og ekkert annað, það er verið að reyna ða halda mér frá því mér finnst best. B O R Ð A
annars ætla ég að koma með plögg... mætið eða buxur vætið. riiiiight :)

Tónleikar tónsmíðadeildar tónlistarskólans í reykjavík verða SUNNUDAGINN 23. MAÍ Kl. 20:00 í íslensku óperunni.

endilega mæta, miss tót er með M A S S A sóló í einu verkinu svo ekki sé meira sagt. einhverjir 30 taktar og allir bara í góðum fílíng að gera ekki neitt á meðan. brjálæður stimmari, mæli með þessu.
en nú er mér nóg boðið, eða er ég eina manneskjan hérna sem finn hvítlauksbrauðslykt? :D

æj ég ætlaði að vera búin að breyta þessu fyrir lifandis löngu. sorry elsku besti snjólfur minn! þú veist þetta var ekki illa meint og mér þykir Ógeðslega vænt um þig.

svo vil ég FÁ þetta bréf :@
kysskyss

ég hafði svo mikið að gera í vinnunni við að gera ekki neitt að ég gleymdi að fara á æfingu niðrí listaháskóla kl. 12. :( sorry stelpur!
héðan í frá ætla ég að gera það að reglu að skoða dagbókina mína á hverju kvöldi áður en ég fer að sofa, skrifa gróflegt plan fyrir daginn og fylgja því svo. fram í ystu æsar. YSTU segi ég!