föstudagur, júní 20, 2003

talandi um Holland þá kom hún Lína sætabuska heim í gær í smá heimsókn og var mjög hugguleg og sæt. Guðný Birna fékk reyndar hjartaáfall og taugasjokk við að sjá hendurnar á gellunni, vegna þess að Lína er komin með langar neglur. :) mér fannst það nú bara fínt hjá henni.
Línu að vera með neglur, ekki GB að fá áfall.
sem minnir mig einmitt á naglaklippurnar sem ég keypti mér á Egilsstöðum, nánar tiltekið í kaupfélaginu. Þær henta bæði til naglaklippingar á höndum sem fótum, við alla almenna garðumhirðu og er góð vörn gegn vasaþjófum.
ég hvet alla sem hitta mig á næstu dögum til að fá að skoða þessar ótrúlega merkilegu naglaklippur, enda skil ég þær vart við mig, þó svo þær taki allverulega í. ég var meira segja að spá í að láta grafa nafnið mitt á þær.
og heimilsfangið.
og kennitöluna.
og símanúmerið mitt.
og kannski stutt æviágrip að ógleymdri lítilli mynd sem ég teiknaði.
(fyrir ofur-trega, þá er ég að reyna að koma því til skila hve stórar klippurnar eru....)
ég er í bleikum bol í dag. ég hefði átt að vera í honum í gær samt, það var víst einhversskonar kvennadagur. svona er maður eftir á.
ég var að tala við hann Chaim vin minn sem býr í Hollandi og hann er gjörsamlega að fara yfir um, vegna þess að kærastan hans (sem býr í ungverjalandi) er að fara að koma í heimsókn.
ég er eiginlega hálf afbrygðissöm, mig langar að eiga kærasta í útlöndum sem kemur að heimsækja mig... þótt ég sé í bleikum bol.
allavega var chaim voðalega kátur, ég ætti kannski bara hætta þessu væli og samgleðjast manninum.
njaaaa.....

fimmtudagur, júní 19, 2003

mér tókst með mikilum meðfæddum hæfileikum að rífa af mér andlitið með innréttingu í kaffinu áðan. þetta atvikaðist þannig að ég ætlaði að skutla mér (mjög fimlega, auðvitað) upp á eldhúsvaskaborðið til að geta teygt mig í gluggann og opnað hann.
skutla mér!
halló ungfrú tvöhundruð kíló!!
í brussuganginum skallaði ég einhverja hillu og er með skurð fyrir ofan hægra augað. ekki mjög djúpan sem betur fer ("tóta, áttu klórukisu?" spurði eitt fíblið) en ég held ég hafi skekkt gleraugun mín. það var svossem á það bætandi. hefði þetta nú verið á enninu.... eins og Harry Potter sko. þá væri þetta bara kúl, en neinei....
þetta kennir manni að vera ekkert að opna glugga að óþörfu, ef manni er heitt á maður bara að fara út eða fara úr. eða fara úr úti.
svo er blogger í klessu.
mikið er ég fegin að ég er að fara heim eftir korter....
oh great!
You are The Twins-
You are The Twins, from "The Matrix."
Bad, but with a sexy streak- surprisingly
refreshing. You know what you want, when you
want it.


What Matrix Persona Are You?
brought to you by Quizilla
ég var að bæta honum Herði Mar inn á linkana mína. ekki það að við séum einhverjir vinir eða þannig, svona kannski meira upp á gamla tíma. hann er nettur. :)
oh hann jón er svo góður við mig!
hann var að gefa mér banana. nammi namm.
ég er nú samt að spá í að fara út í snæland í hádeginu og fá mér ekkvað fitugt. og kók með. kannski súkkulaði í eftirrétt ef ég er mjög vel upplögð.
þessi eiða-ferð fór alfeg með megrunina mína...
:(
í árangurslausri leit minni að fallegri klukku til að skella á bloggið mitt þá fann ég þessa hér.
þvílík snilld....

getiði bara hvað?
haldiði ekki að hún Eydís litlasystirhansguðna Ýr hafi ekki bara klippt tótu sína í gær!! :) oh, ég er svo fííín! þetta er mikill munur og miklu flottara, ég lít út fyrir að vera 5 árum eldri, 10 kílóum léttari og svei mér þá ef að ég sé ekki bara farin að nota númeri minna af skóm.
uh... reyndar ekki.
ég er reyndar ennþá að vega/meta það hvernig mér finnst hárið á mér og eydís var búin að lofa að fara ekki í fýlu ef að ég myndi kannski allt í einu ákveða að krúnuraka mig. láta drauminn rætast að lokum....

miðvikudagur, júní 18, 2003



pabbi og co. er að fara til ítalíu núna á eftir. það væri nú gaman að fara með, segi það ekki.... liggja í sólinni með volgt mjólkurglas og bíða eftir að vilborg fái frekjukast, hlustandi á tuðið í ömmu og afa 24/7, meðan stór, loðin og eitruð padda er að japla á öðrum kálfanum á mér. (ein voða öfundsjúk) en til að bæta upp geð mitt, þá hefur faðir minn boðist til að lána mér fjölskyldubílinn á meðan. JEY! (reyndar fékk þóra systir húsið... en ég meina hei...) en til að öðlast þessi ótrúlegu bílaréttindi verð ég að keyra hersinguna upp á leifsstöð um tvöleytið. vélin fer nú reyndar ekki fyrr en FIMM, en dagga systir vill alfeg endilega ekki missa einn einasta tíma ónotaðan til þess að kanna listisemdir flughafnarinnar út í hörgul. en kannski kaupir hún ekkvað handa mér :)
ég vaknaði í nótt klukkan hálf fimm og gat ekki sofnað aftur fyrr en rétt rúmlega sjö.
svo þegar ég loksins náði að sofna dreymdi mig hræðilega erótískan draum...
úff.

mánudagur, júní 16, 2003





jey jey jey!
ég er aftur komin með harry potter æði, er að lesa bók númer 2. þá á ég bara eftir að lesa númer 3 og 4, og þá er ég til í tuskið að lesa bók númer 5 sem er alfeg við það að koma út í Bretlandi.
sem minnir mig á hversu yndislegur hann er hann Eyjólfur vinur minn sem býr í London og fer bráðum að koma heim til mín. hann er sætur og skemmtilegur (mjööööög myndarlegur líka), duglegur, góður, vel gefinn, fyndinn, huggulegur, rómantískur, barngóður, hæfileikaríkur og smart í tauinu, vel til hafður, hugmyndaríkur, þolinmóður, umburðarlyndur, heilsuhraustur og aðdáunarverður.
góður vinur og félagi, dúlla, mússí-mússi og krúsílíus.
:)


hey, ég er ekkert búin að minnast á geggjaða partíið sem ég fór í á laugardaginn!
skammi-skammi!
eins og var nú GEÐVGT gaman!
úff, ekkert smá kærkomið party eftir Eiða-dramað og andsetnu börnin.
en ég mætti galvösk heim til hennar Fríðu megabeib (sem er reyndar beiler og þarf að hugsa sitt ráð rækilega!) ásamt þeim Thule-bræðrum og fékk fullt fagið af strengjaleikurum þegar ég mætti. yndislegt. oooh... þarna voru saman komin Baldur, Eydís, Elfa, Sif og Gunni, Eleonora nýklippta og áðurnefnd Fríða, svo fyndnu vinir hennar fríðu, sem eru allir ágætir nema fíblið hann Andri sem skuldar mér pening, hulda 69, Guðni og Steini trúnó. elsku besti sætasti viginir minn var þarna líka og tók milljón geggjaðar myndir og rakel fýlufés lét sjá sig, en fór snemma. og svo var þarna einhver voðalega leiðinleg kunta sem ég nenni ekki einu sinni að segja hvað heitir.
uss hvað hún var leiðinleg.
en við drukkum ótæpilega og ég borðaði eina og 3/4 pulsu, 1/4 hlutinn datt í grasið, thanks kids! það sem maður telur vera vini sína! láta mann hlægja svo að pulsurnar manns detta. anyways...
við drukkum ennþá meira til viðbótar, ég, Baldur og Elfa og fíblið fórum niðrí bæ og eftir því sem mér skildist á Eydísinni, gerðu þau sem eftir voru lítið annað en að æla eftir það. stemmari! :)
en bærinn var bara nettur, tala nú ekki um hinn ótrúlega góða hlölla sem við baldur tróðum oní okkur. namm.
sem minnir mig á papriku-osts-samlokurnar sem ég er um það bil að fara að borða. ekki alfeg hlölli... en...
:)
nú er blogger ekkvað að mis...
maður ætti kannski að taka Atla sér til fyrirmyndar og fá sér bara ekkvað annað forrit... samt ekki. kannski spurning um að fá sér auka skamt af þolinmæði.
það er soldið leiðinlegt að ég get ekki lagað þetta með að allir póstarnir mínir enda á t? í staðinn fyrir hið fagra nafn tóta. hvað er eiginlega málið með blogger? maður skreppur frá í smá stund og allt ætlar um koll að keyra, komið nýtt átlúkk og ég veit ekki hvað og hvað. það liggur við að ég þori ekki að fara til skálholts í byrjun júlí, hvað í óskupunum gæti eiginlega gerst?
oooh það er svo gott að vera komin heim og á skjaló. nammi namm, komin með ekta gott kaffi í bolla og farin að lesa yfir manntalið, jón er búinn að tuða um menningarsnobbið í landsmönnum og hversu mjög hann vildi óska að Íslenska Óperan væri lögð niður, svo að allt er loksins orðið eins og það á að sér að vera.
aaaaahhhh.
hey!!!
hvað er málið með íslensku stafina?!

aaaaaaarrrrrgggh!
ég er komin heim.
Egilstaðir spegilsstaðir, eiðar skeiðar.
þetta var bara helv. ferð, með svo miklu drama að það hálfa væri nóg. og ekki bara nóg, heldur FULL-mikið nóg. :) en samt stemming. herra jóhann (Don Giovanni) er bara fín ópera og mæli ég eindregið með henni, hún er bæði ofbeldisfull, sálræn og full af klámi, þannig að það vantar bara ekkert.
en úff hvað ég kynntist skemmtilegu fólki. jahérna. nefni fyst hana Svöfu sætu, mega horn leikara og skvísu, sem keypti sér skó og svo hana Alex sem er bloggari og mjög sniðug. sóley flauta hristi af sér rykið og svo kynntist ég líka henni Tobbu sellóstelpu að ógleymdri víólubeibinu henni Korku sem er að fara til sviss í sumar.
ooooohhhhh hvað mig langar til sviss!
en allavega. hérna á skjaló er allt í klessu, maður má greinilega ekki bregða sér frá í 2 vikur án þess að fólk gangi af göflunum, adda hérna komin með einhvern framkvæmda sjóð og ný stelpa farin að slá inn manntöl. jesús minn! en sem betur fer tók ég 2 samlokur með mér í nesti og þær eru báðar með paprikuosti.
yeah!

mánudagur, júní 02, 2003


jæja kæru börn og aðrir.
nú er ég, ungfrú tótfríður harðdal farin til Egilsstaða í góðan fíling með óperustúdíói austurlands og sé ekki fram á að geta stundað blogg næstu tvær vikurnar. þykir mér það afar leitt.
en endilega verið ófeimin við að gera allt það sem þið gerið venjulega, þó það sé leiðinlegt, og svo kem ég tvíöfluð til baka 14. júní.
kærar kveðjur
tóta
RÁÐHILDUR BÚIN AÐ EIGA!
eignaðist sætan og skemmtilegan lítinn strák. 15 merkur og 51 cm.
til hamingju hamingju hamingju Elsku elsku Rása, Jón og Laufey!

annar júní. til hamingju með afmælið í gær Ráðhildur og til hamingju með afmælið á morgun, amma. svona er fólk sniðugt að eiga afmæli í byrjun mánaðarins. jessör.
helgin var alfeg hreint ótrúlega sniðug, spilaði í giftingu og fór á rauðvíns-osta-klassísktónlist-snobb fyllerí með Baldri, Eydísi, Sif og Gunna. það var geggjað. tókum smá tónlist á þetta, ég kom með hindemith (hvað annað) baldur var með bruckner níundu og sif kom með shostakovitz sellókonsert. Gunni kom með Frekar mikið af óbó tónlist, m.a. verk eftir Britten sem ég bara verð að eignast. reyndar verð ég helst að eignast Britten complete safnið, það er allt eftir þennan gaur svo ótrúlega gott.
úff.
bara ef að allir hommar væru svona nytsamlegir (djók)
og eydísin litla kom með bambolei-ó, beint úr giftingunni. geggjað.
ég var reyndar í svaka stuði og manna minnst til í það að fara heim þegar klukkan var að verða 3. en Sif var orðin svo þreytt greyið litla, enda búin með hátt á TVÖ rauðvínsglös og Baldur orðinn skrítinn til augnanna. hneyksli. en það sem var setti rúsínuna yfir í miðjuna á hvítlauksbrauðinu með rækjusalatinu var þegar tóta (ásamt eydísi) skokkaði heim til sín og náði í dagbók eina mjög HESSA frá danmörkuferð ofangreinda (mínus gunnar) síðasta sumar. það var dátt hlegið og mikið gert grín að/af fólki. nefni dæmin "skinka og sif", "lesnar eru bjórfréttir frá bjórstofu íslands (endurtekið)" og gullþriggja kornið "er opið til lokunar" sem snillingurinn Anna Borg sendi frá sér í gúddí fíling.
það er gella sem veit hvað klukkan slær þegar hún er að verða korter í níu. klukkan, þ.e.a.s. ekki Anna.
fjör í firðinum :)